12.在St.Peterburg被歧視
上回講到搭過夜火車去聖彼得堡
作為俄羅斯曾經嘅首都,原來聖彼得堡喺一戰時期因為去日耳曼化而改稱為「彼得格勒」,喺列寧逝世之後又改名為「列寧格勒」。直至1991年蘇聯解體後,先經過公投訣議,恢復聖彼得堡呢個名。
原來人地都有公投
唔小心俾個俄仔望到我影緊相添
莫斯科去聖彼得堡,網上買飛就可以,價錢大概係500 HKD到,坐8個鐘。
但因為今次太遲買飛,買到廁所位
廁所味就無乜,但全晚啲人係咁chit 啅咁轉,成晚都無教好訓
轉眼間就黎到聖彼得堡,因為係夜班火車,到果陣只係清晨,天都未光果隻。
網上爬文見到,聖彼得堡火車站啲賊仔好猖狂,令到旅行已經一個月嘅我都咪話唔緊張
喺行去hostel嘅路程上,遇到幾個飲咗酒,high high地嘅俄佬,快步行過之際,聽到佢地講Ching Chong, China! 跟住就喺到大笑。
屌你老母Hong Kong is not China!!
當然瘦弱嘅樓豬係無講出口,而係急步走
休息過後喺hostel附近搵野食先
呢間係韓國餐廳,都幾多當地人黎食,味道唔錯,記憶中幾平
今日嘅目標,係去喋血大教堂同埋冬宮
中間經過喀山大教堂
本身教堂起好果陣面向大街,但教會覺得唔美觀而喺門口起多咗94碌柱,都幾任性
廣場到有啲著俄羅斯傳統服裝嘅人,唔洗問麥玲玲都知,係專呃遊客錢果啲
猶如謝師宴毒撚
之後去到呢個有成4層高嘅古典書店,最頂係cafe黎。
喋血大教堂個名之所以咁Bloody, 係百鳩幾年前,有個無政府主義者dum咗舊手榴彈,炸鳩死咗個經過嘅皇帝,因而得名。
相信果位仁兄放喺現代,一定會係位勇士。
最頂部維修緊
相比起莫斯科嘅洋蔥頭,喋血教堂嘅色調好似有啲灰暗,我就覺得前者嘅色彩繽紛睇落會開心啲喇
行行下,就已經入夜啦。
唔知去過歐洲嘅巴絲們有無飲過呢?
飲咗一杯,個味都幾特別,尤其冬天飲落喉嚨好C伏
最後黎到冬宮
日頭果陣係港女至愛嘅Tiffany Blue, 原來夜晚嘅佢都有另一種feel
全景
上面支旗就好似講緊:呢到係我地頭。霸氣
冬宮入面係博物館黎,因為已經過咗參觀時間,我就無緣入去睇喇。
返去果陣再經過今朝嘅喀山大教堂,影到佢正面
呢個係間不知名教堂
今晚搵到一間地下餐廳,食墨西哥菜
題外話,南美嘅墨西哥菜係好食過當地菜,亦算係我喺南美最豐富果幾餐
呢晚打算第二日就搭車去愛沙尼亞喇。
喺聖彼得堡嘅行程好似好趕,只係匆匆一兩日。有時有啲城市你會好留戀想留多幾日,可能係有種說不上嘅鍾意,但相反有啲地方就係無乜興趣去探索更多。可能呢啲就係緣份掛。
今日之後,就正式踏上歐洲嘅旅途喇