2018年，我祼辭去咗一年旅行

前言

用開iPhone 嘅大家都知
有個功能係「當年今日」
電話入面show咗2年前去亞馬遜雨林嘅相
我諗黎諗去，居然點都諗唔返究竟當時我係去邊個雨林呢？
於是，我摷返當日嘅email，原來係厄瓜多爾果邊。

咁究竟我果陣係由邊到去嘅呢？
完全無印象。
呢刻我先發覺，有啲野你唔記錄低
好快就會唔記得，我唔想呢個旅行最後淨返嘅回憶，就只有零碎嘅片段。
所以，事隔兩年，我就的起心肝打呢個遊記啦！

有人睇嘅話，希望可以留個言，希望唔好爛尾

1.緣起

由中學時期開始，望住個世界地圖都會有種好奇妙嘅感覺
紙上面咁近嘅地方，原來文化、歷史、人種可以咁大分別
一直都好想去唔同地方探究，了解人地嘅故事
係大學sem break第一次獨遊之後，我發覺我愛上咗旅行
每次google某一啲地方，見到人地嘅遊記、查到呢個地方嘅歷史
都會有種著迷呢感覺
唔知呢種係咪就叫旅行癮呢？

係大學畢業之後，做咗年幾full time
覺得自己嘅人生唔知為乜咁，我係到諗
我往後嘅幾十年係咪就要咁樣過？

由萌生去一年旅行到實際出發，只不過係短短幾個月
有朋友話好羨慕我呢種說走就走嘅態度
其實我覺得呢種講法好cliche
有啲野你而家唔做唔知幾時會做
但相對你都係要作出某啲犧牲
(例如到我而家仲係一個廢青咁)

Anyway
經過幾個月嘅籌備同埋儲錢，終於都定到出發日子同埋大概路線。
望一望個銀行戶口，發覺有時都真係唔係說走就走

最終路線：

香港--蒙古--俄羅斯--波羅的海三國--波蘭--(一直南下歐遊)--去到葡萄牙--南美--英國--尼泊爾--緬甸--泰國--香港

下篇會開始多返啲圖

完？

已完

你覺得兩年前嘅旅行有冇影響你依家嘅生活？

未完突然要ot 俾少少時間我
今晚會繼續出！

2. 第一站─香港>北京>蒙古


唔知點解一直都對陸路穿州過省好著迷
覺得一步一腳印，好有成功感
咁啱我呢個trip有的是時間，搭耐啲都無所謂啦
不過我大原則係以慳錢為前提
如果陸路唔係特別抵，我都唔會非陸路不可
而我第一站想去嘅係西伯利亞鐵路，簡稱西鐵

西鐵，全長9,288公里，是世界上最長的鐵路線。該線設有通往蒙古國、中國和北韓的支線。此線自1916年連接莫斯科和海參崴。在1891至1916年在亞歷山大三世和皇太子尼古拉（後來的尼古拉二世）委託下交由俄羅斯政府監督興建。（wiki）

我去北京果程揀咗搭飛機，原因係唔想係中国停留太耐
係北京留咗幾日，主要都係買車飛，搵資料。

係外地第一大事梗係搵食啦。

係街求其搵一間店食餃子，不過不失啦

好唔鍾意中国嘅街，全部一式一樣，好無特色
就算係乜乜古城，都會規劃到有浸柒味

網上搵到由北京分段買飛去蒙古嘅資料唔多，而且都有啲outdated
幾經波折，終於比我買到了！

呢程係由北京坐到內蒙邊境城市─二連浩特
同普通嘅國際列車唔同，到二連之後要落車坐係車站入面鳩fing幾個鐘，等架車換完軌先可以再上。

個大堂無記錯係有暖氣嘅

去過西藏、新疆同四川，對中国火車嘅印象就係髒！亂！臭！
吖又估你唔到架車又幾乾淨幾靚仔喎
哦～原來係蒙古列車黎

可能因為冬天嘅關係，成節列車得我同隔離包廂嘅鬼仔（定佬？）

（待續）

Lm

留名

3.蒙古=大草原？

一教訓醒就去到蒙古喇
未去到蒙古之前，相信唔少人都會覺得蒙古就全部係大草原
原來首都烏蘭巴托都算現代化
仲有少少共產國家嘅感覺

今次住喺一位連登巴打推介嘅Vast mongolia tour guesthouse & tours (超大蒙古旅舍)
每日80HKD包超豐富早餐

(網上圖片,唔記得影）

安頓好之後，就出發去整俄羅斯簽證喇。
攞特衰去俄羅斯係有14日免簽嘅，但事關我會去睇貝加爾湖、莫斯科同聖彼得堡
唔想太趕，所以去搞返個visa保險啲。

根據網上資料去到俄羅斯駐蒙大使館
點知...間使館執柒咗嘅？
唔係掛？乜大使館都會執架咩？唔通中国咁咩
問下路人會唔會有人知間大使館究竟係去咗邊啦...
去到銀行問，職員話搬咗，仲寫低咗個新地址俾我
google完發覺唔遠，就行過去啦！
然後，係無開嘅
媽！點解要咁對我


既然係咁，唯有去成吉思汗廣場睇下啦

呢個好似係成吉思汗嘅手下


蒙古人係真心崇拜同尊敬成吉思汗，廣場入面會有人對住成吉思汗個像膜拜，敬禮

嗯...的確係好英明神武...


冬天日照時間好短，行到咁上下，就去搵食喇。

蒙古嘅物價唔高，普遍一餐有飯有湯有野飲都係4,50蚊港紙。

呢個係蒙古羅宋湯(好似係)
佢地會加舊乳酪之類嘅物體落去，個味...都幾怪


主菜係一碟唔記得咩肉配薯菜同飯

之後去到好多國家都發現，薯菜同飯係會同時出現嘅

留名
樓主出多d

4.旅行就像在外生活


今日終於都搞到個俄羅斯visa
大使館個俄妹好靚好大波 (無圖sorry)

搞掂之後就去附近嘅一間韓式餐廳醫肚
烏蘭巴托都幾多韓國餐廳，原來蒙古都幾多韓國人移民過黎

味道竟然幾好食
呢一餐大概係30HKD

係蒙古，我無特別安排咩行程
問過hostel嘅host, 去周邊郊區嘅tour太貴喇，要百幾美金一位，我對騎馬同訓蒙古包唔算特別有興趣，所以飲飽食醉之後就返hostel 休息

估唔到間支那miniso開到黎蒙古


夜晚出返大街去國營超市到行


係蒙古留多咗幾日，等拎visa
無咩野做就係hostel hea下，肚餓就出去搵野食
聽落好似同係香港生活無分別咁，其實之後好多日子都係咁
唔通一年365日都跑景點咩

總括黎講烏蘭巴托嘅野食幾唔錯下，又平，好適合窮撚

有蒙古燒烤


有韓國野


有kfc (個人覺得呢舊葡撻好食過葡撻發緣地─葡國)


同場加映
估下呢碟咩黎？(估中無獎)


亦都有好人
hostel嘅host係我離開果日親自車我出去火車站

亦都俾我見識到烏蘭巴托塞車
仲勁過繁忙時間紅隧...

準備搭西鐵去下一站─伊爾庫茨克Irkutsk


Byebye喇蒙古

有無人睇緊有我就出多篇
p牌仔推唔郁，覺得好睇嘅就幫我推下啦

實際嘅就感覺上比同期grad嘅同學慢咗一年
少咗一大舊錢
多咗少少經歷
心靈上就睇野睇化咗，好多野覺得無所謂
比以前更加覺得人生苦短，唔好比其他野綁住自己

如果你問我值唔值，我會答你值。

見你咁答我，搞到我都想試下，有啲嘢唔係用錢就買到，好期待你嘅旅行經歷

之前去過內蒙古，飲過當地奶茶，屌，一飲落去好似被十幾隻羊強姦緊個嘴

正 咁樓主而家做緊咩

On

LM

最鍾意睇遊記 Lm

好撚正啲野食睇落
特別係個kfc
巴打一個人去定咩 咁多野食叫左？

5.貝加爾湖藍冰前哨站 ─Irkutsk & Olkhon

去俄羅斯果架火車明顯比蒙古舊同無咁乾淨


呢舊野係用黎煲熱水（好似係）


坐咗唔知幾耐，終於到達西伯利亞地區

仲望到貝加爾湖


曾經喺網上睇過結冰嘅貝加爾湖，同自己講一定要黎
點知今次到冬天黎居然仲未結冰

過多陣，已經見到零散嘅小村落，我就知Irkutsk離我不遠了


無論係邊個國家，必勝法則一定係唔好理車站啲的士佬
而係俄羅斯，就一定要down返個yandex.taxi

由火車站坐到hostel經過嘅冰雕公園

要去貝加爾湖睇藍冰，就一定要係Irkutsk落腳，再搭車去Olkhon
係hostel報咗去Olkhon嘅小巴之後，抖咗陣就出去睇下條街啦

Irkutsk嘅街景


唔知係咪因為冬天，條街都有啲冷清

Irkutsk嘅州立大學

規模望落好似仲細過浸中/鯨大
(順帶一提，小弟係讀書時期學過幾個月俄文，識拼音，發覺好有用，至少大概識啲地方名點讀)

今晚食附近一間平靚正嘅西餐
味道唔錯 啲pasta大約60HKD
最緊要係咩？係有暖氣呀


食飽之後就返hostel休息準備聽日大長征去Olkhon喇

去Olkon嘅小巴準時係第二朝9:30到hostel門口接我地

駛到半路有個俄警上黎check身份證同passport (唔記得有無委任證)


再揸多幾個鐘車，就到咗......中途站嘅一間餐廳

架小巴係無裝暖氣嘅，大家都9秒9衝入餐廳到取暖。圖中呢位中国藉妹子，一路扭住屎忽咁行，一路補妝，惹黎唔少雄性動物向佢行注目禮。


餐廳只得俄文，大媽侍應亦唔識講英文，我唯有望住前面果位阿叔，然後：same same

食完野再行多段路就要坐破冰船上島



Olkhon, 奧爾洪島，無論邊個季節，都係去貝加爾湖嘅必經之路。而Khuzhir胡日爾村，就係島上最大嘅村落，住咗大約1500人。

當日嘅氣溫係零下30度，大風到簡直覺得香港嘅8號波濕濕碎，我冒住大風，跑入hostel同個俄妹講：我要去貝加爾湖！

hostel比我想像中簡陋，亦都無熱水沖涼，室內暖氣都有啲廢，唯有冚多幾張被訓啦

去貝加爾湖分為南、北兩條線，我地向hostel book咗第二日嘅北線，出發！

呢一刻我終於感受到西伯利亞喇！我係真。連登仔喇！

G持

好同意樓主段引言