最近好心淡
本身佢差落卡數同一啲債 一時間唔會即刻還得哂
但佢日日剩係返4-5個鐘炒散(晚上6-10/11點)
其餘時間日日係屋企煲劇
心平氣和講又試過 罵又罵過 根本冇用
可能因為一齊耐左 又成日為錢嘈交
唔知幾時開始一啲好普通男女朋友會做既野對我黎講好似已經變得好奢侈
唔會再同我講早晨早抖 唔會打比我 嘈完交都唔會氹返我搵過我 我自問我做到足 佢賭輸錢 我冇罵佢
我幫佢還 平時有鼓勵佢叫佢企返起身 但佢就日日都同我講 冇面見我 我搵唔到工 又話冇左我會死
成日同我講 我人生已完 我玩完 我窮我冇錢
真係好辛苦 永遠都好似得我主動 我去解決問題咁
佢一有問題就收埋自己 全部野唔上線 唔返工
消失左咁...其實佢想點..?我都好大壓力