連牛角老闆黃傑龍都要親自喺facebook出post解畫，呢餐飯非常厲害！點知一波未平一波又起，「牛角」轉個頭又嚟多個靚抽，推出「網燒真戀人．AA祭二人餐」，盛惠$496，記住！記住！記住！AA制每位只係要$248咋。個餐有乜食？有和牛牛肋肉、上級牛肋肉、豬頸肉、前菜及飲品兩杯等。當然唔少得張2,000蚊賬單上嘅重點──獺祭三割九分純米大吟釀，不過要另加$228，計落，AA制都係每人$114，成餐計埋加一每人唔使$400，攞張五百蚊大牛出嚟仲有得找！牛角仲好抵死咁話，記得帶埋「真．戀人」一齊食，抽得靚！
