[二戰香港]一路追故一路學香港歷史

568 回覆
205 Like 0 Dislike
2020-10-16 11:51:01
多謝哂,其實我本身對香港歷史有興趣,所以搵資料學嘢個過程我都好享受

係我問題,因為我由細到大都叫自己呀嫲做呀婆呀婆,叫咗廿幾年,搞到我成日撈亂哂個叫法

故事設定係女主呀爸係何老太嘅過繼長子何世榮
另外仲有個我要做得更好嘅地方
就係何__姿其實係何東啲女嘅名嚟,姿字輩
何世榮嘅女其實叫何__君,君字輩

但嗰時覺得用姿字可以令人更relate 到何東家族所以先用咗依個名
2020-10-16 12:42:38
有捕住幾時出文
2020-10-17 10:09:30
一路睇一路少後悔當初冇揀港大
Btw ig 仲用唔用呀~
2020-10-17 11:23:23
用,個故未完㗎
之後完咗都打算寫吓其他歷史故
2020-10-17 12:26:12
咁我okay得閒又入下嚟先
2020-10-17 12:27:01
Okay咁我得閒*
2020-10-17 20:33:51
總算係happy ending
支持樓主
2020-10-21 02:31:54
好睇呀樓主
支持
2020-10-21 17:59:17
今晚會出埋第20章
2020-10-21 18:00:34
就係因為現實太慘,所以希望喺故事入面幫佢哋寫返個happy ending
今晚出埋第20章先
2020-10-21 18:01:07
多謝你呀我今晚會出埋第20章
2020-10-21 18:56:47
等咗好多日
2020-10-21 19:40:19
啱啱見到個post 強帖留名再追
呢啲咁有心機既香港史post要推下
2020-10-21 20:03:16
因為新工有final in
所以用咗啲時間準備面試
而家慢慢等offer/ rejection letter 就得
2020-10-21 20:04:08
歡迎新讀者
慢慢睇唔洗急
可能你識嘅嘢仲多,可以同我哋分享
2020-10-21 21:51:35
第二十章:

何凝姿和高偉濂坐在花園的藤椅上,看著遠方的星星。稀星雖拱照著天上的月光,兩者卻在薄霧中顯得迷濛。

「太公太婆! 我個多啦A夢燈籠靚唔靚呀?」

「靚啦梗係!」高偉濂笑著摸摸小孩的頭,小孩便歡天喜地地繼續在花園中四圍奔跑,和表哥表姐打成一片。在南風吹送下,空氣中飄來濃濃花香。

「我明明記得以前湊梓謙嘅時候多啦A夢仲係叫叮噹。」何凝姿笑說。

「係呀,原來叮噹個樣唔會老,但個名都會老。」高偉濂說。

「我哋都老啦,明明我後生個樣好靚。」

「唔係吖你而家個樣都好靚。」高偉濂把手放到何凝姿肩膀上。

「你真係吖,哈。全世界應該得你一個覺得我唔老。」

「咁你嘅世界得我一個咪夠。」高偉濂親了她一下。即使高偉濂也已經老態盡現,但他看何凝姿的眼神卻從未變。

「我諗返自己當年喺學校讀書,之後打仗時嘅日子,然後喺法院做翻譯,最後又兜兜轉轉去返圖書館,好多嘢而家都變哂,但你仲同當年嘅你一樣。」

「咁係因為我每一日嘅日子都冇變過,都係想令你開開心心。」

「原來人最大嘅敵人,係時光。」何凝姿感慨地看著天上的夜空,只希望今宵不要過得那麼快。

高偉濂握著她的手,說:「但時光同時都係我哋恩人,帶俾我哋好多美好嘅回憶。我哋真係做到執子之手,與子偕老,已經好幸福。」

何凝姿笑著點頭,眼角卻看到一些熟悉的身影在遠方。當年和他們相處的一點一滴,忽然又湧到腦中,仿似人生走馬燈。


她隨之意會,看著高偉濂,說:「如果我先行一步,我希望我嘅骨灰可以去返我以前最珍惜嘅地方……例如……圖書館……」

高偉濂看到她的反應,瞬間意會過來,點了點頭,說: 「仲有西摩道8號……雖然已經拆咗……」

「有個最重要嘅地方未拆呀……」何凝姿搶著說,害怕時間再默默流逝。

「半島酒店吖嘛。」高偉濂心領神會,回想起和何凝姿初相識的第一天,自己有多妄撞。

「識到你係我今生最大嘅運氣。」何凝姿倚著高偉濂,由衷地把心意都一次過說出來。「我好耐冇見過嫲嫲喇,原來佢都等緊我。」

高偉濂看著前方只有孩子奔跑的花園,知道定數不可違抗,說:「我都好耐冇見過巧蔩喇,當年佢第一個教我寫英文字㗎。」

「佢都喺到呀……個衰妹喺法國結埋婚,成日都唔返嚟。我都好掛住佢把聲。呀,原來陳教授都喺到,仲攞住本書,哈哈佢由頭到尾都冇變過。」

「我諗應該仲有一個人等緊你?」

又是那個熟悉又陌生的身影,何凝姿點點頭,笑說:「我一定要第一時間同佢講,到今時今日,搭電車都係過唔到海。」

「可唔可以幫我對佢同佢嘅同伴講多次多謝,冇佢哋,我哋都唔會有之後和平又幸福嘅日子。」高偉濂語重心長地說。「既然咁多人嚟接你,我就放心喇。」

「我到時喺另一邊等你,好唔好?」

「梗係啦,不嬲你去邊我去邊。今晚送完你,我哋聽晚喺夢入面再見啦。」

臨別依依,何凝姿即使有多戀著今宵,仍徐徐在高偉濂懷中安睡下去。高偉濂憶起當天在半島酒店,滿是鮮花佈置的佈景下,和何凝姿初度逢,實在是他人生中最幸運的一晚。朦朧的月夜,恰好遮掩了他的眼淚。即使心在隱隱作痛,他仍最後一次把何凝姿抱進懷中,落下深深一吻。
2020-10-21 23:59:56
好感動
2020-10-22 00:48:54
個ending
2020-10-22 03:40:58
2020-10-22 21:17:54
好感動 估唔到咁快就完左
巴打仲會唔會寫其他故?
2020-10-22 22:24:24
我寫嗰時都有少少唔捨得
2020-10-22 22:25:11
未end哂仲有一章
話明21songs1story ,而家20songs 姐
2020-10-22 22:26:21
唔好喊啦,主角們總算有好結局
2020-10-22 22:28:28
仲有最後一章因為有21首歌所以有21章
但好開心大家都睇到好感動
我會呀,不過等我努力搜集下資料先,我想遲啲再帶大家去另一個時代嘅香港
2020-10-22 22:31:21
今日出咗ig,分享返陳教授真實嘅一位學生,啟發咗我寫女主角去圖書館幫手嘅經歷出嚟
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞