［二戰香港］一路追故一路學香港歷史

今一篇嘅前半段其實係取自張愛玲嘅《燼餘錄》-係講佢喺hku撞正打仗時嘅真人真事

多謝支持

支持!故事先啱啱開始，希望可以睇到樓主寫到香港重光嘅一刻!

咁重要嘅日子一定要講

而家香港都唔知要捱幾多年

YOU ARE NOT ALONE

天氣不算冷，卻冷在情天。

係有意思 定 錯字

代表佢地份情凍過水

（同埋歌詞其中4隻字）

怪不得洗菜個到 好似睇過
支持樓主

好感動

好睇

攝氏零度

又係我啊，啱啱追完故，幾俾心機寫寫得唔錯，尤其係見你research埋當時嘅報紙睇吓實際發生咗啲咩事。

不過有時啲用詞就太過現代，例如一粒鐘，好難想像1940s啲人會咁講。 應該係講一個鐘頭？ 我阿嫲以前係咁講，15分鐘佢會叫一個骨。

另外，Andy呢啲名應該係近代人先會叫，印象中以前啲人就算叫Andrew都唔會簡稱Andy。 點都好，呢個名感覺上非常唔40年代。

關於香港嘅日本兵呢，我有個80幾歲嘅Uncle最近講我知戰事嘅經歷，佢話佢唔憎日本人（雖然佢老豆比日本仔拉咗入戰俘營3年零8個月。佢話一開頭有個日本兵對佢哋好好，見佢哋一家大細有小朋友，成日拎啲米同糖果比佢哋，所以佢對日本人嘅印象一啲都唔差。

當然，無可否認嘅係好多日本兵都係變態兼殘暴，不過亦唔可以否定日本兵中都有善良及正常嘅人（雖然可能只係少數）。

去咗你IG望一望，見到你寫關於John Osborn，唔知你有無見過呢幅50年代銅像係Eucliffe嘅相？

我相信當時應該仲有好多平凡人家嘅感人故事，只係我哋唔知，因為冇任何記載

多謝星期三應該可以出多一章

中

我絕對明呀，因為我寫嗰時都好想知以前嘅人，用詞同語氣係點但家中已無長輩可考出完哂後我都會想再執一次，畢竟你哋意見都好寶貴。

Andy 係Andrew 簡稱應該以前都有，不過都認同你現代先比較多人用。

至於我揀依個名純粹我自己私心，因為佢性格好似我現實識嘅一個人，所以諗住喺個唔算主要嘅角色度俾佢客個串如果影響閱讀講聲唔好意思

我都相信一定唔會所有日軍都係殘暴，始終每人性格唔同。之後講到日軍嘅情節，我都有專登睇返唔同人嘅回憶錄，希望盡量真實。依個故事都唔係想散播仇恨純粹想俾大家了解更多當年嘅事

你張相我第一次見！！！好可惜間屋拆咗，屋主好似收藏咗好多古物

追完故即刻買黎睇

睇完有邊part精彩記得上嚟同我哋分享

第十四章

自從高偉濂離開了九龍後，便一直在凌巧蔩友人於中環的雜貨店打工。見高偉濂勸儉有禮，又正值不穩時期，東主便主動提供家中的一個床位，好讓高偉濂能安心工作。

高偉濂既要打理店鋪，又要熟習環境，再冒着戰火送貨，實在忙得不可開交。雖然辛苦，但因部份較富有的人不想承受被炸中的風險，都會花點錢叫高偉濂送貨上門，所以店舖的生意還算不錯。

「咯咯」

在家的凌巧蔩聽到有人敲門，心想是不是凌巧昂回家了，便應聲開門。

「竟然係你!?」門一開，只見高偉濂滿臉笑容地捧著一些食物。

「係呀!我專誠嚟多謝你介紹依份工俾我，唔係我就算走難都冇地方落腳。見今日相對冇咁忙，我用我份糧買咗少少嘢俾你。我專登問埋老闆你地址先過嚟㗎。」

「客咩氣呀你! 而家糧食仲要貴咗咁多。放心啦!我會極力推薦你鋪頭㗎喇！尤其是去西摩道幫你宣傳。」

「我第一日過咗嚟呢邊之後都未得閒再去搵佢呀……上次去過一次，俾佢屋企氣派嚇親呀哈哈!」高偉濂打趣地說。

「咁你鋪頭有冇電話㗎？下次佢過嚟我屋企，我打電話去你鋪頭啦!」

「有呀有呀。」

留下電話後，高偉濂又匆匆踏上送貨的路。

_______________________________

「鈴鈴鈴鈴鈴! 鈴鈴鈴鈴鈴!」12月25日，店舖的寂靜被電話聲打破。

「喂，頂記士多。」高偉濂帶着些微睡意，接過電話。

「喂喂係咪高偉濂啊？」

「係呀。」

「我係凌巧蔩呀。」

「我哋今日未開舖喎。」

「我有急事關於Allison，你可唔可以過嚟我屋企會合我？」

聽到關於何凝姿的事，高偉濂不加思索便說了聲好，匆匆出門往凌巧蔩家去。

「咯咯咯咯咯咯」凌巧蔩的家傳來急速的敲門聲。

「咔擦」一聲，凌巧蔩開了門。

高偉濂焦躁地看著凌巧蔩。

「入嚟先講。」

高偉濂往內屋走去，發現裡面多了一個小伙子，原來是凌巧蔩的弟弟。

「本來今日起Allison會嚟我屋企住，因為何老太擔心佢哋屋企會俾班日本仔佔據。但就算計埋佢坐人力車嚟，都冇理由會咁耐都未到……我而家唔敢同何老太講住，免得佢老人家擔心，所以先打電話俾你一齊搵。」

高偉濂想起滿街的流彈，開始擔心起來。

「我諗咗幾個Allison可能會去嘅地方，你望一望。」

凌巧蔩在紙上列了幾個地方：

1）香港大學

2）告羅士打酒店

……

寫了兩個地方，凌巧蔩忽然停筆，思索了一會，然後寫下第三個地方 - 聖約翰座堂。

「咁我哋去邊？」

凌巧蔩看了一看高偉濂，帶點神傷地說：「我諗到一個佢哋以前會一齊去嘅地方……尤其是今日係聖誕日……」

高偉濂不用問那個「佢哋」意指為何，已心領神會。話雖如此，他仍說道：「咁我哋行啦」

他踏着單車，凌巧蔩則坐在後座：「何老太今朝喺電話入面提到，今日下晝無論如何都一定要留喺屋企。唉希望Allison唔好再自己周圍走……」

「今日下晝係咩日子？」高偉濂不禁好奇。

淩巧蔩哽咽道：「佢話William生死未卜……好大機會已經犧牲咗……你諗下，當兵都已經潰不成軍，而家所有嘢都只係倒數緊……香港淪陷，根本就不可避免，一切都只係時間問題……」

聽罷，高偉濂忽然一個急煞車，去消化消息－William死了……香港依場仗，要輸了……

「哇！!!!嘩你收買人命呀？」凌巧蔩急忙扶實高偉濂，差點掉到地上。

只見地上散落了一張張單張，看來是飛機空投下來的。出於好奇，凌巧蔩隨手撿了一張：



（圖片來源：Badges Story)

細心一看，原來是日軍勸降的單張。凌巧蔩心裡不爽，便馬上把它扔回地上。

「呀對唔住呀。同埋都到喇!」高偉濂指一指前方那座米黃色的教堂。在漫天風火中，聖約翰座堂成為了一個慰藉眾人的避難所。

兩人靜靜地走進教堂，看到不少人即使在崇拜完結後，仍然在此繼續禱告。在人最無助之時，宗教力量往往成為他們僅有的支撐。

一如當天兩人仍在半島酒店一樣，高偉濂在人群中瞬間便找到何凝姿的身影。他默不作聲地走到何凝姿身旁，猶疑了一會，便伸手輕撫她的頭髮。

何凝姿沒有向上看，只是用手輕抹眼淚，若無其事地說了一句: 「係你呀。」再勉強笑了一下。

高偉濂坐在她身旁，仍沒有說話。他看著祭壇上的十字架，不知應否為這刻的親近，去多謝上天的偽善祝福。莊嚴的教堂，正好襯托出他們二人蕩氣迴腸的故事。而自己和何凝姿的淺淺經歷，卻連一個完整故事也說不上。想到自己竟有點妒忌一位捨身成仁的軍人，高偉濂頓時為自己愚蠢又了無新意的愛意而感到羞愧。

此時，凌巧蔩走了過來，輕聲對何凝姿說: 「Allison，我哋返去喇好唔好?」她握著何凝姿的手，一起嗚嗚咽咽哭了起來。身旁素不相識的人被這種氣氛感染，也傳出了啜泣聲。

________________________

「搵到喇! 搵到喇!」凌巧蔩一進家門便大聲呼叫。凌大叔探出頭來，一見何凝姿便急忙出來迎接，卻不忘叫凌巧蔩小聲點。

「哎呀何小姐，我地幾驚你過嚟途中出事!」

「唔好意思呀要你哋擔心，依段時間仲要打搞哂你哋。」說罷，何凝姿從袋內拿出了兩對翡翠玉鐲。

「嫲嫲吩咐我一定要交到你手上。」

「吓邊駛咁客氣呀!」凌大叔驚歎道。

「傻啦，唔通要我真係喺到白食白住咩。錢又唔知會唔會貶值，所以首飾應該最實際。」

「之前都係多得你哋屋企介紹，先有咁多酒樓問我哋攞粉面，而家照顧返你都好應該呀。」

「點都好，多謝你。」何凝姿淺淺一笑。

凌巧蔩看著高偉濂，高偉濂又定眼看著何凝姿。於是，凌巧蔩便大聲呼喚弟弟凌巧昂，說道: 「細佬!你帶Allison姐姐去我房先啦!」

「仲咁大聲!」凌大叔生氣地說。

「哦! ! ! ! ! !」豈料凌巧昂不甘示弱地大聲回應。

待何凝姿走後，凌巧蔩在高偉濂的眼前「啪」了一下手指，說: 「喂!」

高偉濂回過神來，看一看凌巧蔩。

「人都行咗喇，望完未呀?」凌巧蔩沒好氣地笑道。「真係服咗你，成個慘字寫咗喺你額頭喇。」

高偉濂也覺得不好意思，說:「咁我……我返鋪頭先喇。」

騎著單車回鋪的途中，高偉濂不自覺地流了滴眼淚，但他不知道那一線眼淚，到底有沒有意思。

_______________________________

1941年12月25日，香港已經沒有一片寧靜土地。

港督準備投降的消息從早上已開始一直傳出。在何凝姿離開家中不夠，中半山和山頂附近範圍還未擠滿日軍，已有上百名流氓衝進富裕人家的家搶掠，可見香港開始進入無政府狀態。

下午二時，港督楊慕琦向殖民地部拍電報，表示香港已進入巷戰。

貴族學校出身的港督，想起首相邱吉爾數天前的指示，絕對不可以有投降的想法。原本他也以為香港至少能守四個月，沒想到只匆匆過了十八天，便已要到投降的邊緣。

下午三時，港府認為，到了該停火的階段。

下午四時，停火通令傳達各單位。

傍晚，楊慕琦在半島酒店無條件投降。

香港正式淪陷。

多謝支持等我pin新一個cm加埋link先

ig: https://instagram.com/21songs1story/

連登會出故事，詳細歷史資料會附埋圖放ig