利申先,06年左右玩過一排,後黎到上年又玩過一排。
是咁的,
香港既online game多數都捱唔到多過三年
而跑online可以係呢種環境下營運到第11個年頭。
認真諗過跑online到底有乜野因素令佢咁成功
第一,玩法簡單易上手。玩過既人都知佢玩法真係好簡單,純粹地跑跑跳跳,當然後黎發展出各種各樣既技巧,好似係咩DJ、咩零秒爆氣之類,但就係因為呢啲技巧都好易上手,所以吸引到男女老少加入,我真係聽過有好多三四十歲既師奶會玩,信不信由你。
第二,故事、角色造型新鮮,帶比玩家同其他game唔同既遊玩感受。其他game好似係咩曙光咩天龍等等離不開都係打怪練裝升lv刷副本,但跑online個設定已經令佢係眾多遊戲中脫穎而出,而且佢有好多好多唔同既衫衫褲褲仲有練金裝等等都令好多玩家樂此不疲,日以繼夜將自己既角色打扮。
第三,遊戲平衡。呢樣野由我講應該唔太公平,跑online發展至今日好似多左好多人洗經洗卡,我都聽過朋友講話依加靠洗經一兩日就上到魔鞋,諗返以前你升到飛鞋級已經好勁,而且早期佢要你有卡先可以組合出有能力加乘既裝備,變相唔會令港幣戰士屈機,當然今日我都對呢一點有保留。
第四,諗到再講。