[蘋果]拆大台致學界關係脆弱 退聯推手：當年無做錯

http://hk.apple.nextmedia.com/realtime/news/20170423/56599726
2014年雨傘運動後期，學聯被指決策失敗，掀起「拆大台」風氣，翌年多間院校成員退聯收場。如今學聯成員只剩中大、嶺大、科大及樹大，被嘲差點變成「新界學聯」，其後更退出支聯會。有學者指現時學界只就個別議題合作，「關係會脆弱啲」；退聯推手則堅持當年「肯定無做錯」，強調退聯可加強各院校自主，亦有更多空間讓院校合作。

學聯2014年先後發動罷課、佔領，與學民思潮帶領雨傘運動，學聯五子更與時任政務司司長林鄭月娥公開對話；惟佔領僵持多月，學聯屢被指錯過行動升級時機，多名示威者更於行動升級時受傷、被捕，學聯成為眾矢之的。傘運結束後正值各大學生會換屆，港大率先成功退聯，觸發骨牌效應。剛卸任的學聯代表會主席黃健朗亦透露，傘運後多名學聯成員不時缺席會議，「睇得出都唔係好想參與（學聯）」、「幾無火」。
中大政治與行政學系高級講師蔡子強本身是學聯「老鬼」，據他觀察，學運低潮與退聯無關，「係個大趨勢都靜，無論係學運、民陣或其他團體，係成個社運都處於低潮」；惟他強調學聯在學運上仍扮演建構社運脈絡的重要角色，他當年就於學聯認識蔡耀昌等人，「呢啲人際關係係講緊幾十年，有啲仲仍然係政界活躍」；他又指，如今學界如只是就特定議題才合作，「好簡單去諗，只喺大事先合作，關係會脆弱啲」。
香港民族黨召集人陳浩天當年亦是理大退聯關注組召集人。他認為，退聯決定未見負面影響、「肯定無做錯」，「其實有無學聯呢個平台唔重要……最重要係大專學生會有無心，有心就自然會做，唔一定要（學聯）呢個平台」。陳又指，退聯可加強院校自主，令各院校更「自強」，舉辦更多元化的活動，亦不用受學聯規則限制，「好似（學聯）有個中國民主基金，要用錢就要搞同中國民主有關活動……搞到因為用筆錢改活動，根本係本未倒置」。
時任港大退出學聯關注組成員、《學苑》前總編王俊杰則認為，「退聯只係一個爆發嘅導火線」反映不同派系、光譜之間各趨極端。王雖未有評論學聯現況，惟認為退聯後各院校有很大的溝通及合作空間，擁更大自由度。
記者 葉偉東

退聯無問題，但你都要搵個有號召力嘅組織出嚟取代學聯啦
但而家又無，拆完唔重建咁拆嚟托柒咩？
而家學運力量散到仆街，一啲號召力動員力都做唔到，仲衰過以前

退聯，然後呢

天有光...........
我要（人地）勇武抗爭 我要港獨 香港唔港獨唔得
我係天之驕子大學生 掟磚搞暴動？不了

退聯的確無做錯

問題是退左聯

又無新組織接力

大台是有佢作用

簡單黎講都係屌人容易做事難.

問題是退左聯

又無新組織接力

大台是有佢作用

大台除左騎劫市民意志之外,
叫人唔好支援行動之外,
叫人坐定定唱歌維穩之外,
有乜作用？

咁唔係大台冇用, 係坐晌大台嘅人冇用唧. 如果大台叫人衝, 你又會唔會話大台冇用?