來自猩猩的梨
2017-04-25 05:41:02
有睇過佢啲片都知啲片係非法下載返嚟, 呢樣冇得拗都唔使拗架啦, 你見佢自己條片都側側膊唔敢提呢點, 片商要告得入應該最主要都係打呢點
不過見好多人話會影響收益呢點, 我始終覺得, 一套戲你係有興趣你點都會去睇, 首先入場睇個氣氛已經唔同, 其次同一個橋段, 佢覺得差, 其他人可能覺得好呢, 連登仔覺得最白痴冇腦嘅韓劇咪一樣大把港女fans, 邊個話有人踩其他人就會唔去睇?
另外, 話好嘅戲會因為被劇透而令人冇興趣再入場, 第一已經唔明點解未去睇仲要特登搵明知係劇透嘅片嚟睇, 重點係, 係好睇嘅戲, 唔係應該睇幾多次都冇所謂咩? 我見好多人特登去戲院睇同一齣戲幾次, 又會有人入戲院睇過都特登買埋碟返屋企無限煲, 佢哋唔係都知道劇情咩? 仲有咩改編/重拍電影更加唔會有市場啦, 因為大家都已經知道劇情係乜, 仲邊有人有興趣睇?
但事實上就係, 有興趣睇嘅人, 無論點, 有人踩又好、知道劇情又好, 要去睇嘅人, 始終會去睇, 甚至會無限煲, 用呢點嚟屌真係好難入
仲有話講錯劇情方面, 雖然未必係影響主要劇情嘅大錯, 但其實都真係好多 (最記得有次有套類似歌舞青春嘅片被人留言屌有個主要劇情條友係講錯咗), 不過又要keep住出片量又要睇咁多戲, 我就唔多信佢係逐格睇晒啦, 咪又係飛住飛住睇, 呢啲片頂多用嚟做下參考啦, 信係劇情嘅事實同全部嘅, 建議都係驗下腦先啦