我望望D拖鞋，其實都係泰國好出名F字頭品牌既老翻，質地都ok，不過唔值200泰銖
，平時買對拖鞋頂多HKD$20姐。心諗買黎著幾日丟，冇所謂啦，試完再講價。
於是乎我同朋友試左4對，兩個店員都好熱心地幫我地搵碼數。大家揀好曬之後，我問店員4對拖鞋幾錢，佢督一督計數機4對800泰銖，我話太貴啦，平D，佢問我幾多，我同佢講300泰銖，佢即刻成塊面黑左
，話冇可能，我話唔值呢個價，平D啦。佢再督一督計數機，話700泰銖(160HKD)，我話再平D，佢好大聲咁say no~，手指住自己個頭，示意我腦有問題。
我心諗算啦，咁唔買
。未行出門口，其中一個店員大叫，你試左咁多對拖鞋依家話唔買，仲要開價300，你個腦好冇問題！中間有夾雜住D我聽唔明既泰文。我D朋友覺得有D唔對路，一手拖住我行左出去。我feel到身後有野飛左出黎，望望地下係一對鞋，再望一望條街，已經企左一班食花生既人。我攞出手機示意影相，店員好串咁，表現出你影飽佢既神情。
兩人繼續對住我玩飛鞋。我fd係咁拖住我走，其中一個店員沖左出黎，大力推我背脊一下，我差D跌低，咁巖我見到有架警車，打算沖上去報警。
我fd見狀，即話走啦，係呢到冇著數，始終係人地心頭，你依家報警分分鐘拘留一晚，仲要俾警察屈錢。加上頭先係店面附近見到有四個男人好似想沖出黎打你咁。
我聽見覺得好彩有朋友們按住我，唔係分分鐘發生咩事都唔知，我一向都覺得泰國係一個微笑國家，泰國人都好熱情
，今次係芭堤雅雖然有小小唔開心經歷，但另我學識出去旅遊時，真係需要警覺性，安全先係最重要。
