佢唔肯block佢ex 話驚佢ex亂諗野
Unfriend unfollow通通都唔制
之前ig又唔肯po合照 話驚刺激到佢個ex
同佢講佢就話我痴線亂諗野
我問佢 咁你ex亂諗就唔得 我亂諗就得?
佢又淨係識話我亂諗野
一開始拍拖我同佢講 我玻璃心黎 好易俾人hurt
佢話會小心翼翼呵護我 唔講了
其實係咪我太harsh 唔識拍拖
已經鬱左3個月 我接受唔到個心結再拖多一秒
或者大家價值觀唔同 唔適合一齊
你應該去搵一個大方啲既女仔
而我都應該搵個承受到我小器既男仔
利申 佢O4 我O1
係人都嬲啦
樓豬痴撚線
無謂逼對方做啲乜 哩啲真係無得強求
有啲野佢鍾意你 唔想你亂諗就自然會做
逼出黎嗰啲 好快打回原形
我都真係 咩都無所謂了 再鬧交都棧大家唔開心
純粹想知自己係咪真係痴線
我就係樓主男朋友,
我同ex分左手5年,一直無曖昧過,我知佢分手之後仲鍾意我(而家唔知),但係止於此,兩人一直保持距離。佢係一個好女仔,拍拖個陣亦一直對我好好,為人正直善良,一直無負過我。
我既底線只係唔好傷害佢。
我不嬲好難鍾意人,所以同ex分左手之後都無拍過拖,直到遇到樓主。
同樓主拍拖之後,我就斷左同佢既contact,因為我知女朋友會擔心,只係覆過佢一次,話唔去佢個新書發佈。拍拖係需要安全感,所以我一直同異性保持距離,避免瓜田李下既情形出現。
我一直全心全意同現任拍拖,無異心,並無鍾意ex,但係咁樣我就要hurt 個ex?
我本身fb ig 都極少up相,一年一次咁。
我屋企人有post過有我同樓主既合照,而個ex都知,因為佢隔左幾日祝我幸福,雖然我都係無覆。
唉。