(黑暗系)香港人嘅童話故事

23 回覆
23 Like 4 Dislike
2017-04-24 02:11:05
開錯台重開

(黑暗系)香港人的童話故事
https://lihkg.com/thread/148013/page/1
- 分享自 LIHKG 討論區

多謝Mr.B巴打俾我翻譯佢嘅作品,我唔係文科仔,有咩譯得唔好嘅地方歡迎提出討論。唔講咁多 去故


故事一:快樂童年

(1)
「今次考試做咩得第五㗎?你有無諗過我使咗幾多錢俾你補習啊?」小華嘅母親懶理旁人目光,以高八度嘅聲線質問小華。小華一言不發,假裝將所有注意力集中喺眼前嘅功課上面。「你下年就要考中學啦,報名校嘅個個都係第一名,你第五名去獻醜啊?」小華嘅母親用冷冷嘅眼光望住自己嘅仔。

小華討厭呢種眼光。每次見到呢種眼光,佢都會覺得自己係垃圾,會幻想到母親拋棄佢。小華不禁流下淚水,低聲咁講:「對唔住,我下次會努力㗎喇。」小華嘅母親對他嘅道歉不置可否,將成績表放返入書包裏面。「唔好喺快餐店哭喪咁嘅樣喇。今晚再同你爸爸好好教訓你。快啲食完去返補習班啦。」

(2)
經歷完父母嘅訓話,小華瞓喺床上流住眼淚,默默咁望住天花板。學校、補習班、鋼琴班、英文補習、普通話補習、游水班;學校、補習班、鋼琴班、英文補習⋯⋯佢每次望住天花板,就會不期然諗起呢堆無止境嘅課堂。他諗起對上一次最快樂嘅日子,就是兩年前僥倖考咗次第一名,父母因而誇獎佢係乖仔。但自此之後,卻係變本加厲咁督促佢嘅成績。

「小朋友,你做咩喊啊?」一把溫柔嘅聲音從窗口傳來。小華吃驚地望向窗口,只見一隻生住對翼,手掌大細嘅女仔企喺窗檯上。「你⋯係邊個?」小華有一刻想大嗌,但又怕嘈醒父母會招來責罵。「我係幫助傷心小朋友嘅小仙女,可以賜畀每個小朋友三個願望。但係最近傷心嘅小朋友太多啦,我都有啲應付不來。」小仙女抱歉咁笑咗一笑。小華半信半疑咁望住小仙女,話:「我可唔可以許住一個願望試吓先啊?」小仙女溫柔咁笑咗笑:「當然可以啦。」小華諗咗諗,天真咁話:「我希望聽日唔使去補習班。」

(3)
第二日朝早,一切如常。小華懷住忐忑嘅心情去返學,同時心入面亦都祈求願望成真。好唔容易等到放學,小華母親如常接小華去補習班。小華心裏失望,開始懷疑自己尋晚只係發咗一場夢,也為自己唔可以心想事成而失落。突然,小華母親電話響起,母親聽完電話,驚呼一聲,面色一變:「小華,補習老師遇到車禍死咗。」

唔使補習,小華喺屋企溫書。小華母親有啲傷感咁坐喺梳化度。小華表面專心咁睇住課本,內心卻為老師嘅死訊暗暗興奮。呢位補習老師喺區內以嚴厲見稱,唔少家長因而慕名為子女報讀。小華一早已經唔鍾意呢位老師,只覺得心情好似睇見卡通片入面壞人被打敗咁,十分暢快。

(4)
呢晚,小仙子如常喺小華睡房出現,溫柔咁講:「願望實現咗喇,小華開唔開心啊?」小華興奮咁握住小仙子幼小嘅雙手話:「多謝你!我今日終於唔使去補習班喇。」雖然仍要喺屋企溫習,但係對小華來講已經舒服好多。「可以令小朋友快樂就好了。」小仙子都興奮咁說:「你第二個願望呢?」小華終於意識到剩底兩個願望嘅貴重,鄭重咁諗咗一陣:「雖然補習老師死咗,但係媽咪聽日應該會揾新嘅補習老師⋯」小華諗到呢度,心入面又沉咗落來。「如果可以每次都考到第一名,爸爸媽媽一定會好開心,咁自然就會開始疼錫我啦。」小華終於想通咗,天真咁講:「我要成為最聰明嘅人!」

(5)
自此之後,小華嘅成績突飛猛進,每次考試都必定攞到第一名,連一向無乜天份嘅彈琴都成為輕鬆嘅玩意。父母都對小華疼錫有加,同時亦加緊栽培阿仔,但喺小華嘅才智下,所有補習老師喺兩個月內已經跟唔上小華嘅進度。漸漸地,小華嘅父母都無辦法負擔更好嘅補習老師,只好買一堆大學教科書俾小華自習。半年後,小華喺各個辯論比賽同奧數比賽都取得冠軍,被喻為全香港最聰明嘅小朋友,得到學校同家人嘅寵愛。

小華嘅父母笑吟吟咁為佢打上紅色嘅領呔,準備參加大學面試。佢哋決定要善用小華嘅才華,想小華十二歲就入大學。小華坐上父親嘅二手車,向大學之路進發。小華問父親:「其實我覺得我可以考到哈佛劍橋之類嘅外國大學。揀大學唔係排名越高越好咩?」小華相信以自己嘅智慧,只要有機會同哈佛嘅教授見十分鐘,就可以得到哈佛大學取錄。小華父親尷尬咁笑咗笑,話:「其實香港的大學都唔錯呀,你唔想見到爸爸媽媽咩?」小華其實早知道屋企嘅環境根本難以負擔佢出國讀書,但佢就係忍唔住要問吓父親令佢難堪。

當晚,小華向小仙女許下最後一個願望。

(7)
「唉,明明咁聰明,小學六年級就父母雙亡眞係太可憐喇。」教員室入邊嘅老師指住報紙頭條喺度討論。小華父母雙亡成為全城熱話,報紙見小華嘅故事有市場價值,紛紛大肆報導,更成立捐款熱線去幫助佢,政府亦承諾會對佢施以援手。喺一個星期內,小華已經擁有幾千萬的慈善基金,亦可以有錢去外國升學。雖然無咗父母嘅愛,但小華並唔孤單,因為聰明富有嘅佢得到同學月弓口老師嘅愛戴。
從此之後,佢過住幸福嘅生活。

故事一|完
2017-04-24 22:54:51
Hihihihihihi
2017-04-24 23:28:06
評已正
2017-04-25 15:00:05
Hihihihihihi

求狠評
2017-04-25 15:08:07
放低正皮
2017-04-25 15:31:04
(黑暗系)香港人的童話故事
https://lihkg.com/thread/148013/page/1?ref=ios
- 分享自 LIHKG 討論區
2017-04-25 16:51:39
(黑暗系)香港人的童話故事
https://lihkg.com/thread/148013/page/1?ref=ios
- 分享自 LIHKG 討論區

做咩啫你
2017-04-25 23:56:38
故事二:人哋嘅不幸甜如蜜

(1)
同往常一樣放學返屋企,志輝校服都未除低,就挨喺梳化百無聊賴咁喺電話睇住 Facebook。「你去旅行食乜嘢關我鬼事?」「行山都要化妝?」志輝一路睇住同學嘅 post,心入面一路咒罵住。佢睇 fb 見其他人活得精彩活得好,就越覺得自己生活得慘,但偏偏就忍唔住日日睇日日鬧。佢繼續碌住電話,突然見到佢女神 Christina 同新男朋友 David 嘅合照。「對唔住,我而今想注重學業,唔想拍拖。」志輝諗起上星期向女神表白時佢嘅答覆,心中一陣抽痛。原來女神唔係唔想拍拖,只係唔想同自己拍。David 係志輝嘅同學,平時着晒名牌,屋企又住喺豪宅區,fb 成日分享志輝最討厭嘅旅遊同飲食 post。望住 David fb post 出來過千尺嘅豪宅,再望吓自己身處嘅三百尺舊公屋單位,一種自卑感油然而生。「臭雞!」志輝含住屈辱嘅淚水,unfriend 咗 David 同 Christina 兩個。

失眠咗成晚,志輝無哩神氣咁返到學校,下意識望下 Christina 同 David 個位,卻見兩人無返到學。「志輝你無嘢啊嘛?」志輝嘅好友偉明拍一拍志輝膊頭。「呢種臭雞我根本無擺喺心上,佢鍾意同邊個一齊都唔關我事。」「唔好話佢拍拖嘅事啊!你唔知佢有流出片咩?」偉明遞咗佢個電話俾志輝睇。志輝大吃一驚,急忙接住,睇到 Li 登一個叫「(突發)XX 中學校花做愛影片流出 (3)」嘅 post,入面正係自己女神同 David 做愛嘅片。

(2)
志輝閂咗影片,將清理完嘅紙巾執好。發洩過後,志輝嘅頭腦淸醒咗唔少。佢嘗試搜尋 Christina 同 David 嘅 Facebook,但就搵唔到佢兩個嘅用户資料,顯然佢哋喺網絡嘅起底攻擊下已經將帳户刪除。眼見一個星期前向佢表白嘅女神落得如此田地,志輝心入面無一絲傷感,反而有一種難以形容嘅暢快。呢種暢快唔係來自女神肉體嘅刺激,而係因為平時喺 fb 上風光嘅佢哋而今淪為過街老鼠。志輝突然心念一動,搜尋另一個鍾意喺 fb 上炫耀嘅同學 unfriend。

(3)
第二日,志輝返到學校,只見班上有三個空位。同學正圍住討論、流出影片嘅,竟然是係尋晚 unfriend 嗰個同學,正喺網上討論區被起底。志輝望住三個空置的坐位,Facebook 三個關閉嘅帳户,心入面十分舒暢。

自此,志輝每日都 unfriend 一個成日喺 fb 出 post 嘅 friend。「虐貓狂徒」、「情侶 z 流出」、「少女自慰片」⋯⋯每個被 unfriend 嘅同學都會因為引起網上討論而被起底,每次志輝都忍唔住笑出聲。半個月後,班房嘅座位就空咗一半,會喺 fb 出 post 嘅同學已經全部被志輝消滅。

(4)
志輝喺梳化上百無聊賴咁碌 Facebook。fb 除了 100 毛、CapTV、新假期 jetso 等已經無任何嘅 post。志輝心情又再度失落起來,忍唔住搵一個平常唔會出 post 嘅同學 unfriend。結果第二日,志輝發現嗰個同學已經無返學,平凡嘅佢被 Li 登網民發現係援交妹。

同學一個又一個咁消失。又過多半個月,班上面只剩下志輝同偉明兩個。偉明望住空盪嘅課室,慨嘆咁同志輝講:「好彩仲有你留喺班房。 」志輝都感慨咁話:「最後有你呢個朋友眞係好。」

返到屋企,志輝鄭重咁拎起手機,㩒入佢最後一個好朋友嘅 profile,unfriend 咗佢。佢好唔容易將佢嘅好朋友留到最後,當係主菜咁食。喺呢一刻,佢感到前所未有嘅高潮,將最親近嘅好友抹殺後,佢覺得自己已經係最優越嘅,喺佢一個人嘅世界入面。

自此之後,佢仍然係無女朋友,仍然住喺三百尺公屋入面,但係佢活得好幸福。

故事二|完
2017-04-26 04:27:59
好撚心寒
2017-04-26 04:28:20
btw 皮已正 樓主繼續出
2017-04-26 04:52:21
好黑暗 正
2017-05-13 14:54:58
2017-05-13 19:49:37
有無人想睇
2017-05-13 22:49:03
有 文呢
2017-05-13 23:47:15
心寒但好正
有種死亡筆記既感覺
力量最大既代價係悔疚感,只要克服左就無所不能。但到底係力量改變人性,定係人性本如此呢?
巴打加油ヾ(*´∀`*)ノ
2017-05-14 19:32:14
有 文呢

今晚出
2017-05-14 23:28:43
Sad but …

btw支持
2017-05-14 23:45:22
大大力咁支持加油,故事好特別,可以殺出條血路
2017-05-14 23:46:13
唔係我作架
我譯架咋
2017-05-14 23:48:30
唔係我作架
我譯架咋

都加油啦
2017-05-15 01:05:16
故事三:無屋都市
(1)
「唉,三十歲啦都,我眞係好想搬出來。」喺尖東海傍,明輝拎住啤酒,向兩個死黨志華同偉明訴苦。志華同偉明拎住啤酒,一言不發。志華有四兄弟姊妹,佢哋同父母一齊住喺五百零尺嘅公屋,已經成日嗌霎;偉明就住喺沙頭角,每日要撘四五個鐘頭車來回北角返工。他們其實都好想搬出來住架,但係私樓又儲十世錢都唔會買得起,三十出頭嘅佢哋入息又過咗公屋申請入息上限。想當年佢哋都幻想過只要努力工作可以上樓,但而今發現根本追唔上樓價嘅升幅。

飲咗幾罐啤酒之後,明輝忽然有個異想天開嘅諗法。他同兩個好友陳明他嘅想法,兩人都雙眼發光,齊聲讚好。明輝、志華與偉明齊聲向住維港大嗌:「為夢想而戰!」

(2)
第二日放咗工,三人帶齊梳洗物品,喺火炭一條人跡罕至嘅行人隧道開始佢地嘅大計。經過一輪討論,佢哋揀咗放工後人流較少嘅火炭呢度,亦都方便佢哋出九龍返工。佢哋執走隧道入面嘅垃圾,放好綿被床鋪等物品,便隨意瞓底,攞佢哋一早喺公司叉好電嘅電話電腦出來,開始佢哋瞓街之旅。

隧道偶然有人行過,都對佢哋投以奇異嘅目光。但三人一啲都唔在乎,仲向路人揮手打招呼添。雖然喺旁人眼中佢哋係露宿者,但佢哋卻覺得自己將成個火炭變成自己屋企,感覺比起屈喺人均面積一百呎嘅單位入面,咁樣舒服得多。

(3)
第三日放工後,佢哋返返呢條隧道度,卻發現隧道除咗佢哋之外,又多咗三個尋日經過嘅行人入住。佢哋互相點一點頭,露出一個諒解嘅微笑。

第四日,又有五個人來咗,佢哋買埋油漆,重新粉飾過隧道。

第五日,又有七個人搬咗入來,佢哋一齊搞咗個入伙Party。

第六日,隧道又多了十個人,佢哋掛起咗一面橫幅,上面寫咗「有愛有家在」五隻字。

⋯⋯

第二十日,火炭同沙田區嘅所有隧道都住滿咗人,每條隧道都安裝咗小型發電機。

(4)
政府眼見情況日益嚴重,開始派警察執法。但係前線嘅「散仔」月入得嗰二萬幾,私樓又買唔起,公屋又申請唔到,連想輪候警察宿舍都遙遙無期,唔少警察決定加入埋佢哋嘅行列,後尾仲舉行集會,抗議政府強迫佢哋執法,令佢哋壓力大增。

(5)
自此之後,香港嘅住屋類別就分成瞓街、公屋、居屋同私樓四大類。當問起對方住邊嗰時,瞓街者可以名正言順噉答「我住在大埔。」「我住黃大仙。」因為他們眞係成個區住晒。香港自此成為世上人均居住面積最大嘅地方。明輝志華偉明亦都由火炭搬咗去灣仔,達成咗夢想。
2017-06-19 09:17:36
故事三:無屋都市
(1)
「唉,三十歲啦都,我眞係好想搬出來。」喺尖東海傍,明輝拎住啤酒,向兩個死黨志華同偉明訴苦。志華同偉明拎住啤酒,一言不發。志華有四兄弟姊妹,佢哋同父母一齊住喺五百零尺嘅公屋,已經成日嗌霎;偉明就住喺沙頭角,每日要撘四五個鐘頭車來回北角返工。他們其實都好想搬出來住架,但係私樓又儲十世錢都唔會買得起,三十出頭嘅佢哋入息又過咗公屋申請入息上限。想當年佢哋都幻想過只要努力工作可以上樓,但而今發現根本追唔上樓價嘅升幅。

飲咗幾罐啤酒之後,明輝忽然有個異想天開嘅諗法。他同兩個好友陳明他嘅想法,兩人都雙眼發光,齊聲讚好。明輝、志華與偉明齊聲向住維港大嗌:「為夢想而戰!」

(2)
第二日放咗工,三人帶齊梳洗物品,喺火炭一條人跡罕至嘅行人隧道開始佢地嘅大計。經過一輪討論,佢哋揀咗放工後人流較少嘅火炭呢度,亦都方便佢哋出九龍返工。佢哋執走隧道入面嘅垃圾,放好綿被床鋪等物品,便隨意瞓底,攞佢哋一早喺公司叉好電嘅電話電腦出來,開始佢哋瞓街之旅。

隧道偶然有人行過,都對佢哋投以奇異嘅目光。但三人一啲都唔在乎,仲向路人揮手打招呼添。雖然喺旁人眼中佢哋係露宿者,但佢哋卻覺得自己將成個火炭變成自己屋企,感覺比起屈喺人均面積一百呎嘅單位入面,咁樣舒服得多。

(3)
第三日放工後,佢哋返返呢條隧道度,卻發現隧道除咗佢哋之外,又多咗三個尋日經過嘅行人入住。佢哋互相點一點頭,露出一個諒解嘅微笑。

第四日,又有五個人來咗,佢哋買埋油漆,重新粉飾過隧道。

第五日,又有七個人搬咗入來,佢哋一齊搞咗個入伙Party。

第六日,隧道又多了十個人,佢哋掛起咗一面橫幅,上面寫咗「有愛有家在」五隻字。

⋯⋯

第二十日,火炭同沙田區嘅所有隧道都住滿咗人,每條隧道都安裝咗小型發電機。

(4)
政府眼見情況日益嚴重,開始派警察執法。但係前線嘅「散仔」月入得嗰二萬幾,私樓又買唔起,公屋又申請唔到,連想輪候警察宿舍都遙遙無期,唔少警察決定加入埋佢哋嘅行列,後尾仲舉行集會,抗議政府強迫佢哋執法,令佢哋壓力大增。

(5)
自此之後,香港嘅住屋類別就分成瞓街、公屋、居屋同私樓四大類。當問起對方住邊嗰時,瞓街者可以名正言順噉答「我住在大埔。」「我住黃大仙。」因為他們眞係成個區住晒。香港自此成為世上人均居住面積最大嘅地方。明輝志華偉明亦都由火炭搬咗去灣仔,達成咗夢想。


2018-02-18 20:46:36
都唔知你譯咗乜撚嘢 同原po一摸一樣
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞