近排有人問「咁你攬炒團隊做左啲乜」，我唔想拗，除左起底追post、睇新聞，我用多個例子答你：
就係今日出爐嘅嘅 英國國會「跨黨派香港小組」《香港警方違反國際人道標準調查報告》
全份報告
https://www.hkinquiry.org/the-inquiry-report
舊年5/11 ，攬炒團隊無學人笑人奶共、日落，反而走去爆肝促成英國歷史上第一個「跨黨派香港小組」。
之後英國議員為調查報告搞聽證會，我地默默提供實質支援；但從不涉獵內容確保調查報告嘅公信力。
你見到我地團隊logo 喺份報告出現就係咁解。
其實之前跨黨派香港小組邀請手足如Dr Darren Mann、羅冠聰、鄭文傑等出席活動，我地都同樣不為光環默默地付出支援。
除左英國，我地喺港、美、歐、日等地都有做各種行動。
所以見到有五毛問「錦鋰攬炒團隊做左啲乜」，真係得啖笑。
值得一提嘅係，即使遇上武肺封城，咁多位英國議員依然為香港搜證、獨立調查。我肯定英國政府會傳閱依份香港警暴報告。
希望大家會去答謝相關議員，為更大型嘅獨立調查、制裁、圍堵中共打強心針！
