血汗工廠 HKTV mall 無良事件大整合

生果:來貨嚟嘅時候有時已經爛，報上group 做折買手唔批，例如西瓜已經淋晒，日本桃有破損變淋，都叫我地照賣，榴槤一返已經熟咁滯，試過越南榴槤當泰國榴槤賣，榴槤爆開就咁叫用保鮮紙包住，但室溫好高，跟本保唔到鮮。個場溫度太高，第二日好多生果都變壞，但要我地入盒賣左佢算。

凍貨：每次都返大量，唔理鋪頭放唔放得晒，太多貨令到凍肉溶雪，令到雪櫃壞埋，跟住又將溶雪嘅凍肉轉雪櫃再雪過。又有街鋪試過將放唔晒嘅凍貨係出面，賣晒有位先再放入雪櫃，溶完再雪，自己諗。
每星期都閃購雞蛋，星期二，四，六都返雞蛋，一返就返十幾廿箱，雪櫃完全唔夠位放，到頭來大量要冷藏嘅雞蛋要暴露係30幾度嘅鋪面上，食物品質成疑。

客貨:唔理鋪頭爆唔爆，疫情緊唔緊張，都要加運費到800蚊令客人到門市取貨，門市迫爆，每日鋪頭迫滿攞貨買嘢嘅客人，大大增加感染機會

工作環境:不停咁加新乾貨而不理會夠唔夠位同同事工作量，令到鋪頭超級迫，轉身都冇位轉，壞冷氣唔比錢整，場入面溫度高於30度，熱之餘更空氣唔流通，令病菌易於傳播。

口罩:一開始攞晒光環話為香港人做口罩乜乜乜，但唔夠賣時要抽都唔緊要，之後竟然將口罩變做谷生意手段，亦有員工爆料，話原本公司用左一倍價錢買口罩機，但原來只係買左百令萬，並唔係佢口講咁多，佢話Dodo姐賣廣告都多過而個數，而且家而家仲要買滿600蚊先送10個，同發國難財冇分別

無良僱主，血汗工廠

門市員工底薪12000 勤工1000 佣金 1500(100%target先攞晒)而個係上年之前正常貨量，賣凍肉，而又未有生果賣嘅時候，但自從反送中後，被以為係黃店，及賣生果後，加埋乾貨，米，牛奶仲有好多重貨，門市營業額及工作量爆升數倍，人工冇加不特止仲越嚟越苛刻。
門市奉行所謂自負盈虧模式，其寶即係賺冇你份，蝕員工負責，試過以前向公司申請Do姐個人形牌個架，公司竟然要員工夾錢先有。生果落到鋪賣唔晒，申請折賣得多會比人計住，然後照肺，將生果tran過其他分店賣，call gogovan要自己比錢。生果及產品過期報銷，會直接係營業額扣，變相減員工佣金。
佣金制度係做滿100%target會有1500蚊，但公司開出嘅target係極難追到，例如你一日10000蚊數，佢會set 18000至20000，等你連果1500蚊都唔會出得足，人工每月15000蚊都冇。
整冷氣，裝修，請人，全部都關自負盈虧事，所以為左盤數靚，熱到仆街都唔肯整冷氣，鋪頭裝修為慳錢可以叫員工自己拆好高嘅貨架，同埋電視架。
勤工病假制度，一個月內遲到多過15分鐘，冇勤工，好多同事搬到周身傷都唔敢請病假睇醫生，因為連果1000蚊都冇埋。

神秘客及休息時間都要佔用:
個個月都有神秘客嚟攪你，扮客問你好多嘢，明明忙到仆街仲要應酬，低分的話又要照肺，嚴重的話收警告信，2年冇人工加及升職。
員工要用自己電話join好多公司group，普通group有10個8個，高級少少嘅有差唔多20個group,用自己電話download大量公司文件及相片.近排仲要員工強制download支那apps zoom上堂，上堂要用返工以外時間，連part time 都要上。

剋扣part time飯鍾錢
以往part time 放飯時果一小時都會有人工，而家生意好左同忙到仆街竟然扣飯鍾錢，好多part time 都返足九個鍾，一個鍾50蚊，即係得8個鍾錢加要食埋飯，變相得三百幾蚊一日，無良到極點。

疫情津貼條件苛刻
疫情推出共1000蚊津貼，分開500 500咁拎，但請2日大假或病假就冇。
另外500蚊係要規定係公司食外賣先有，個倉又細又焗，慘過係監倉食飯，仲要映相映張單先有。


隔離措施

如門市員工住果座大厦有人確診，就需要隔離14日，公司比2個選擇你，一係住公司租嘅酒店14日，期間要去門市返工，但唔準出街及見人，要係酒店內食外賣。第2個選擇係自我無薪在家隔離14日。肯出錢租酒店但唔肯比有薪假員工隔離係乜玩法

手足可join group討論
https://t.me/joinchat/LDLdoh0WbIRMLXyaBhpWmg

之前都見唔少員工係咁叫賣雞蛋
屌你老母街市咩商場黎架

無限落生果

個門市咁細，行入去搏中武肺咩

因為啲人比係個門面呃到
佢個形象做到好好 好黃

長期vip表示暫停幫襯

劉名跟進

黃維基
個名就黃

之前做過佢個系倉嘅留名

口罩拎嚟做marketing多過賣

走果陣係邊度拎票？

VIP表示會暫停購買，直到佢哋出回應

你哋嗰啲生果買過兩次之後，都唔敢再買

喂呀，淨係PR做得好真係唔得，大家對你真係有high hope，唔該搵搵人傳下壓力上去。本身仲有啲野放左係購物車，但想睇下壇野點搞先。

我都想幫襯，畢竟都真係方便，不過而家呢個年代員工聲音好重要。要將投訴外傳，即係入面人事一定係搞唔掂、有問題，先會家醜出外傳，搞少啲marketing，搞好員工先。