http://hkm.appledaily.com/detail.php?guid=19997882&category_guid=4104&category=daily&issue=20170422
隔牆有耳：
張國鈞忌諱講「公民廣場」 - 李八方
專欄專論
    

張國鈞（圓圖）話可考慮重開政府東翼前地。
政府總部前面嘅東翼空地，因為佔領運動而喺2014年被圍封至今，但呢個坊間稱為「公民廣場」嘅地標，隨住候任特首林鄭月娥上場有機會重見天日，事關林鄭3月初接受《蘋果》訪問時表明考慮重開，而呢個議題都獲泛民同建制黨派支持，但建制對「公民廣場」呢四粒字卻好忌諱喎。
民建聯張國鈞噚日喺商台節目強調，若符合保安標準，可考慮重開政府東翼前地，其間質疑節目中播出介紹「公民廣場」嘅錄音中，根本無講過地方嘅名稱，繼而指東翼前地本身唔係「廣場」，而係「車輛進出通道」同「往立法會人士及訪客經過通道」。
堅持唔講呢四粒字，係咪因為敏感？張國鈞話作為律師要準確講地名喎，又話呢塊東翼前地被佔領後先被俗稱「公民廣場」，對某啲人嚟講係個政治符號喎！