[票站1933］華明巴士站票站問題

話說今日初選，因為家母好妟先係九龍個面放工，佢就諗住趕返嚟投票 (我已經提左佢9點截)，但佢返到嚟嘅時候見到條龍仲有人，就跑過去諗住投票。

因為已經過左9點，就有個女義工同佢講冇得再投，跟住就有個阿叔同另外一個男仔話比佢投埋啦，咁辛苦跑到過嚟，而嗰陣都仲有人攝緊入條隊度，咁個女義工都堅持唔可以，咁我都明白嘅。

但係家母就話佢聽日都要返全日，可能趕唔切，佢就諗緊點算同想求下情個陣，個女義工就好不屑咁話：「咁唔緊要啦，反正我哋多你一票唔多」，仲要講左三次跟著家母就覺得好嬲，因為佢覺得平時拉票嗰陣唔係話每一票都好重要㗎咩，而家佢嬲到話唔會投初選，反正佢個票都唔重要

雖然我都知咁多位義工都好辛苦，但係大家真係要注意下個態度，因為本身家母都係好黃，捐錢投票遊行都做齊，今日仲係咁叫啲同事去投票。唔知其他票站有冇呢個問題，但可能咁多位義工都要小心自己言行，特別老一輩未必會好似我地諗得咁開。希望聽日大家繼續加油，辛苦晒咁多位義工，而家我要繼續勸返佢去投票

義工竟然會咁講....
伯母你快d去投票啦

珍 明白義工們已經做左成日可能會有情緒 但大家都係同路人 無謂因為咁而傷和氣

大家都要注意態度啊，之前區選先講完你個票真係好撚重要

同路人既話，一票都好重要

如果係真，起左個女義工底先，免得聽日趕客

形容下衣著

樓主媽媽我代手足佢地同你講聲sorry
因為班義工真係做足200%既心力
可能真係難得可以夠鐘休息食個飯先至會講d咁既野
auntie講既好岩
每一票都好緊要! auntie一定要繼續用佢既一票黎表達自己既意願!

重點唔係語氣 而係個義工點睇願意出嚟投票嘅人
佢擺明係態度唔啱 咁一係佢唔care初選 一係就on9
邊個原因都好 探究條友咩料 只係浪費時間
大家心水清 知目的係投票表態就夠
冇必要幫啲無謂人刷存在感
不過 伯母下咗氣就盡量搵時間投票啦～
如果伯母係黃 但就因為唔值得嘅人冇投出自己嗰票
佢之後會後悔 會唔開心㗎
樓主快啲俾伯母一個大擁抱 氹返啦

下次活動義工要注意下

想知最後伯母有冇投返佢神聖嘅一票

有啊 勸左幾次之後佢有落去 但佢話啲義工都係冇乜禮貌 唔係好理佢 問咗幾次先應