話說今日初選,因為家母好妟先係九龍個面放工,佢就諗住趕返嚟投票 (我已經提左佢9點截),但佢返到嚟嘅時候見到條龍仲有人,就跑過去諗住投票。
因為已經過左9點,就有個女義工同佢講冇得再投,跟住就有個阿叔同另外一個男仔話比佢投埋啦,咁辛苦跑到過嚟,而嗰陣都仲有人攝緊入條隊度,咁個女義工都堅持唔可以,咁我都明白嘅。
但係家母就話佢聽日都要返全日,可能趕唔切,佢就諗緊點算同想求下情個陣,個女義工就好不屑咁話:「咁唔緊要啦,反正我哋多你一票唔多」,仲要講左三次跟著家母就覺得好嬲,因為佢覺得平時拉票嗰陣唔係話每一票都好重要㗎咩,而家佢嬲到話唔會投初選,反正佢個票都唔重要
雖然我都知咁多位義工都好辛苦,但係大家真係要注意下個態度,因為本身家母都係好黃,捐錢投票遊行都做齊,今日仲係咁叫啲同事去投票。唔知其他票站有冇呢個問題,但可能咁多位義工都要小心自己言行,特別老一輩未必會好似我地諗得咁開。希望聽日大家繼續加油,辛苦晒咁多位義工,而家我要繼續勸返佢去投票