日期: 7 月 11 日至 12 日
時間:上午9時至下午9時
地點:共251個票站,數量太多請點擊以下連結
https://www.thestandnews.com/politics/民主派初選-251-票站位置資料一覽-周末攜身份證-地址證明可投票/
簡易Q&A
Q:初選係民間非正式投票,點解要谷投票率?
A:因為初選結果只係「口頭約束」,技術上只能靠參選人自律遵守,但如果有民意把關,不論係當選人,或落選人,都較難推翻選舉結果。
舉例,如最後初選只有500人投票,落選人大可聲稱初選未反映民意,堅決參選,令初選失去意義;而如果有10萬人投票,落選人反口,即使佢堅持參選,亦即係背向10萬民意,參選都好難贏,令初選有實際意義。
Q:國安法殺到,35+都無撚用啦,仲玩黎做乜?
A:
一、香港最高級別全民公開選舉已屬立法會選舉,唔單止係選代議士,亦係對執政者(香港政府,中共)既民意反映,如大家唔投票,亦等於默許過去一年中共港共既行為。同理,是次初選因距離國安法立法日子極近,亦係目前民間極少數完全合法既群體表態活動,一定會被本地、中共、海外視為民意反映。
二、公民社會同極權社會之間既戰爭唔係殲滅戰,而係「拔河戰」(tug of war),唔止係鬥力,亦係鬥邊個先鬆懈同放棄。你唔知對手幾時會鬆懈,但你就係等緊果一刻,任何情況下,有權要拎盡,有選舉要贏盡,未來既野無人知,要做好一切準備。
Q:如果DQ曬所有參加初選既人,咁初選仲有咩意義?
A:DQ本來就係人治不合理暴政,你無辦法去防止對家做任何DQ行為,對家隨時都可以做,但未做之前,你唔應該以未發生既事去自我審查,正如你唔夠因為有可能炒車就唔坐交通工具。相反,係DQ未發生之前,就可以繼續用「拔河戰」概念去應對,有權要拎盡,有選舉要贏盡。
另外跪求初選文宣圖
(不論大會文選定個別後選人文宣)
剩不足一星期時間,文宣圖極度不足