【國米自爆是常識吧】國際米蘭球迷討論區39

隊波而家嘅分數已經高過上季
證明進步係一定有，問題係點樣保持個穩定性

大力神下季無藉口，一定要交到貨

又係順境波王錦上添花

我又唔覺佢踢得唔好
但比我感覺係有佢冇佢分別都唔大
冇山神令你嘩一聲既表現出到黎

山神係前面做到背向龍門攞波分波
第一球比斬咁
已經打多一飯波

渣古係呢方面

lm今季好似無進步無咁好表現
唔多唔少係俾lkk影響 山神係度佢走位配合生好多
咁大份做背龍柱躉做波無樣掂 入係入唔少波
但有睇既巴打都知佢入啲波有一半都負碌入
要佢做既野做唔到 又貴 又幫唔到隊波升lv
呢個我就真係唔知個時買黎做咩
干地要買既人都唔多做到野 反而想去賣啲做到野人
利申 史堅死忠

關於盧卡古，我覺得係一個出色收購。

唔可以將LM冇態嘅問題歸咎於佢，就算呢幾場出山神，LM一樣冇里神氣，雖然做好多嘗試，但最終都失敗。

盧卡古係前場控球核心，因為佢識背身，基本上所有向前傳波，不論長傳短傳，都係瞄住佢嚟做，而絕大多數都控到，呢點一定要讚。

當然你話佢控咗之後傳得唔好，呢點可以做得更加好，但至少佢控到先啊，其他人邊得，伊卡迪唔得，山神都唔得。

所以上半季有段時間，隊波傷咗好多人，盧卡古同LM可以好似兩人撐起隊波咁。

盧卡古可能創造十個機會，入咗一半，浪費咗一半。但大家只係記得浪費嗰一半，唔會講佢創造十個機會，亦唔會講佢入咗一半。例如上次佢插花呃埋自己，佢追到過半場逼返個波返嚟，但好多人只會提佢插花甩波，而唔會講佢勤力，自己甩波自己追。

再者，佢入波都唔可以話大多負碌，我哋今季入波好辛苦，特別係傷好多人嘅時候。同埋搵到個入到波嘅前鋒已經好好，理得佢係咪負碌，就好似伊卡迪咁。第一季加盟意甲就入20+嘅球員冇幾多，國米對上一個係朗拿度，之後就係佢。

另外，羊、山神都係干地落order買，呢一點要畀返credit干地，引入佢哋嗰時我哋個個都嚇親，結果係超出預期地好。雖然都係老坑，亦係最佳收購。同埋干地係三冠之後第一個意甲拎超過70分嘅領隊，數字上都係要畀返credit佢。

至於大力神，我都覺得現時踢起上嚟可有可無，反而廢老更加有化學作用，特別係夾山神嘅時候。
不過都係嗰句，畀啲時間佢踢返起，下季都唔得就拿拿聲止蝕，因為佢喺熱刺已經頹緊，用咁耐時間都搞唔掂真係好難救。

我相信最近嘅傳會新聞對LM係有一定影響
同埋佢一定都好心急入波表現自己

今季買左渣古我諗冇人會話係差嘅收購
特別係今季借走左82
點都要返個有分量嘅前鋒返黎
佢同LM停賽前其實踢得好好架喇
我地一向都係希望百屌成材架啦

大力臣問題佢係頹
但我有睇開以前既熱
佢勁唔多唔少同熱啲人好肯走有關
我國啲人唔多肯走佢其實有少少巧婦難為無米炊
如果佢踢得起帶動到隊友下季可以衝冠

可能我對lkk有啲太嚴厲
佢入到波我都會俾掌聲佢
今季固然有段時間係靠佢
但佢同其他人唔多夾到都係事實
希望下季可以俾我睇返佢以前拖肥個時爽好多既動作
同真係下季希望干地會俾佢機動啲

可惜佢唔係路jj嗰種踢法
唔係帶動到節奏嘅球員
認同等到下季都係咁頹就好心分手

lkk我反而幾鐘意
有種Bobo嘅感覺
當然頭同衝擊力有啲距離

Lkk雖然波底差，但起碼見到佢肯博命同對得住件衫先。你睇佢攰到pk都仲去博，再望下隔離d波叔踢到行下行下又閪面，就會覺得Lkk算好有heart

佢喺Spurs嗰陣有Harry、孫興慜肯配合，嚟Inter就難搵咗......

明嘅，Romelo仲要為比利時國家隊C位努力吖嘛🇧🇪💪💪💪

渣古今季對得住個70m身價
要佢屈中下游，佢屈到咪得
同埋佢搶點真係弱，反而打反擊先發揮到佢d特點

呢幾場睇到波叔就好火滾，成日閪撚晒面，又唔願踢咁

spal個場肯踢就勁 走動多左帶動到其他人
不過一季佢肯踢既波可能得廿場左右

有第2都當贏左

no no, 我純粹評價吓呢個球員加盟後嘅表現，唔係評論巴打嘅意見大家可以自由討論，每個人意見唔同，嚴厲批評我覺得都冇問題

佢有時啲醫院波真係得人驚，間唔時都因為佢輸反擊，特別佢踢逆境波真係唔掂，成日漫不經心咁。不過我哋冇人踢到佢個位，無限跑動加控制節奏。