https://lihkg.com/thread/2075227/page/1
呢位巴打建議大家唔好大肆慶祝,畫面好難睇,呢方面我係認同。
但係我認為唔洗做到咁假,又沉痛哀悼等等。我哋打國際線係想盡量拉攏晒所有反共嘅政客同平民,喺民主國家製造輿論,令當地政客覺得「幫香港」等於「得到支持香港嘅本國人民選票」,當呢個利益關係確立咗,就會有越嚟越多唔同黨派政客都想伸手幫香港。
點解唔沉痛哀悼死難者? 因為自從Black Lives Matter 事件發生咗之後,西方國家突然有一大班歸晒邊嘅人,情況同香港好似,中間派越嚟越少,只有深黃同深藍。依家西方國家越嚟越多人對中共恨之入骨,加上小粉紅嘅劣行,令部份西方人民唔止憎中共政權,仲憎埋中國人。所以重慶人禍水災,的確有一部份西方人民係同連登仔一樣拍爛手掌。
既然外國又有大愛左膠,又有極度仇視中國人嘅群眾,我哋香港人就無謂歸邊,我哋要買兩邊,成件事我哋唔洗太過投入,問起先講啲"Right to survival" 之類模稜兩可嘅嘢,唔得失任何一邊。專心咁去打香港人自己嘅仗!
沉痛哀悼? 不了。