Q & A
Q:隻GAME玩咩?有咩特色?
A:「囡囡、塔防、爆衫」,幾百座日本以及海外名城化身為城娘囡囡、等你運用智慧係每一關唔同既地形入面佈置守城、
不幸敗退的話,會有爆衫畫面。當升到68 Level之後,體力會達到288。可以24小時先清一次。而且隻Game唔需要去農素材升級、活體動任務都唔需要特別肝,反而係動腦筋挑戰為主,所以絕對係一隻輕鬆養生遊戲。
Q:隻Game出左幾耐,依家先玩會唔會太遲?
A: 由PC版 Re: 開始計4年、由IOS/AN版計2年。但因為係單機遊戲、無任何PVP性質,所以其實幾時開始玩都無問題!而且2019年3月開始,7星既機率由1%加到2%;6星既機率由3%加到5%,反而遲玩仲易D抽中罕有既高星城娘。
新手依家開始玩有4周年自選7星劵,最強力既城娘都可以免費入手!
Q : 隻Game有無需要課金?
A:除左End Game難度既「超難~真武神降臨」之外,其他絕大部份關卡都可以用等級輾過(聽講係),只要清楚了解每一個城娘既特性、升高Level,因應不同關卡適當組隊伍的話,用5星主力隊都可以無問題。
而且主線任務23 『百万一心 ~安芸~』以及49『第六次川中島合戦 ~信濃~』當中,如果可以在本陣不受任何攻擊情況之下過關,就可以得到7星名古屋城/彦根城/大坂城 (3選1,每關送1張、共2張)。
Q : iOS / Android / DMM 三個平台既石係咪互通?
A : 三個平台既石都係獨立既,但係用另一個平台開Game只會隱藏原有平台既石,而不會清零。(聲明:直到2019年3月都仲係)
Q : 隻Game有無天井?
A:有,但係係一個最佛心既天井。因為每一次10抽都會得到10粒千狐珠,千狐珠可以無限期咁樣儲,唔需要擔心會過期,儲夠300粒就可以換一隻當期既7星城娘。
Q : 有無需要刷首抽?
A:刷又得、唔刷亦得。新手只要完成「天下統一」(主線任務)既第二關,就會分4日送無料10連抽,總共40連抽。而且係初心者登入獎勵之中,第7同14日會送兩粒6星石。可以要黎築城,咁就14日之內,點都會有最少2隻6星城娘。如果有耐性,可以以7星為首抽目標。但即使無7星,遊戲入面亦有好多強力既5星同6星,都可以足夠破關。因此,唔刷首抽都無問題。
Q : 如果想刷首抽,有咩推薦既7星城娘?
A:可以參考超人Tiga巴既心水:
Q : 隻Game實際點玩?
A:將最多8個城娘編入隊。出戰時,以守護本陣既殿為主要目標、守護係戰場四周既蔵為次要目標(特別戰功相關)。唔同既敵人,會以唔同既路線進攻,就靠你係戰場上配置既城娘、去阻止以及擊殺所有敵人既攻勢。呢隻Game最重要不是城娘的星數(雖然也重要),但更重要是如何恰當地配置城娘,反覆鑽研每一關敵人既特性同路線,做出最適合既佈陣,先係呢隻Game最大既樂趣。
Q:應該點樣組隊?
A:城娘有分近戰(企紅格)、遠攻(企藍格),一般情況係出3隻近+5隻遠。但亦會因應唔同情況調整。
關於唔同種類既城娘介紹以及組隊教學,請參考巴哈攻略。
Q:點樣升城娘Level?
A:最簡單基本方法,出陣就可以得到經驗。當感到卡關既時候,除左方法用錯之外,更有可能係城娘等級唔夠。呢個時候就留意有「城娘雙倍經驗」出現既關卡,反覆咁去打,直到城娘等級上升。
但呢個唔係最有效率既方法。最有效率係透過食神娘卡去升Level。其中ツバサ(特)可以一次過提供30萬經驗值、相對應星星數既コマネ,可以一次過提升60萬既經驗值。而呢d神娘既入手方法,包括月次任務報酬、某些任務既達成報酬、或者課金等等。
Q:咩係限界突破?
A:「限界突破」就係提升等級上限,每突破1次,上限就加10級(另外解封1格施設位),最多突破4次。可以透過食同一角色、或者對應級數既羅紗達成。
Q:咩係改築?
A:而「改築」就係將原本既星等級加1 (即係原本5星改築完會變6星),暫時改築只可以做一次。改築會有機會影響特技既加成、甚至係計略會有唔同。而且5星改上6星、2星改上3星,都可以多一段既巨大化。改築可以透過食同星級既城娘 (7星食7星x1 / 6星食6星x3 / 5星食5星x5 / 4星食4星x7 / 3星食3星 x15) ,也可以用相對應的ススキ代替。
Q:點樣入手改築材料?點樣利用4-6星作為改築肥料?
A:請參考巴哈專題文章:
https://forum.gamer.com.tw/C.php?bsn=26608&snA=963
Q:咩係巨大化?
A:係戰鬥當中,消耗氣力,令該城娘強化,大部份城娘係巨大化到最高一級既時候,會發動特技(亦有每巨大化一次、就發動一次特技既例子)。另外係2020 年1月實裝既本城 (或稱書城) 有個別既巨大化機制:放置於場上後過一段時間就會自動巨大化一級,而且無需消耗氣力。
Q:咩係特技?
A:如上面所講,通常係巨大化到最後一段,城娘會附加一D強化加成 (加攻/加速/加血/加範圍/ETC),又或者反過來削弱敵人。
Q:咩係編成特技?
暫為本城獨有(最新截至2020年4月),只要加左本城落隊就會提供編成特技所講既buff。
Q:咩係計略?
A:相比起特技係被動、計略就係主動用。可以係增強隊友、削弱敵人、直接傷害敵人、輔助氣既增加等等。發動後會有CD時間。一般城使用計略都要用氣,但上邊提過既本城係無需用氣,而且CD 一般較短。但代價係每場戰鬥有可使用計略上限,同埋本城係唔會主動攻擊敵人既。
Q:唔同既特技同計略點樣互相重疊發揮?
A:可以參考巴哈既介紹:
https://forum.gamer.com.tw/Co.php?bsn=26608&sn=1006
Q:咩係打氣城?
A:因為戰鬥之中,氣係最重要既消耗品。無論一開始出城娘會用氣,巨大化會用氣、用計略會用氣。所以能夠輔助氣增加既城娘就變得相當重要。例如 柳川(改壱)、彦根城、臼杵城、備中松山城和平安京等等。基本上組隊入面最少都會放一個打氣城。
新手會特別推薦3星既鹿野城,因為入手簡單、唔需要改築已經可以直接上場。
Q:地形有咩影響?
A:每一關都有專屬既地形、
如果派出同巨大化相同地形屬性既城娘時,消耗既氣會降低。而且耐久/攻擊/防御都會變成1.3倍。所以玩到後期高難度既關卡時、組成相同地形屬性既隊伍就會有好大影響。
Q:戰鬥中有無咩特別技巧?
A:必學技巧之一係「避雷針」,某D城娘既計略係設置物(又稱TOKEN),由於TOKEN可以放係地圖上面,而又會吸引敵人「優先攻擊」,所以當面對強大敵人既時候,為左避免城娘直接受到傷害,可以係敵人起手之前,係附近放一個TOKEN,令佢果一下直接攻擊TOKEN,換取更多時間消滅敵人。呢個技巧就稱為「避雷針」。
另外值得一提既仲有,敵人會優先攻擊範圍入面「最後放置」既城娘 (TOKEN亦會計算在內)。所以可以考慮先放低防既遠攻,最後放高防既近戰/盾城。
最後,妖怪系敵人會受到歌舞城既100%傷害。飛行系既敵人,會受到弓城更高既傷害。
Q:入手既城娘同武器應該點處理?
A:城娘的話,1/2 星絕大部份也可以安心做肥料。
3星有部份是值得保留改築練上去的,例如:鹿野城、柳川城、鶴ケ岡城、山科本願寺、島原城、佐賀城、鹿児島城、浦添城、与板城、石垣山城、四稜郭。詳情請務必參考巴哈的攻略介紹。4星同3星近似、初期可以練一d評級比較高的。5星開始要謹慎處理,想清楚那一些值得改築做主力、那一些是用來做改築的肥料。6星7星、建議即時使不是主力、也暫時留下來,將來再決定是否要來做肥料。
而武器的話,開頭有什麼也可以用。3星為過渡期,最終主力武器為4星及5星。
Q:咩係施設?
A:類似可裝可拆的「強化部件」吧?每一次限界突破之後、也會解封一格施設位,最多4格。可以選擇喜歡的裝上去,以進一步強化城娘。但要留意,同一種類的效果不會疊加,例如:1格裝了+10攻、另1格裝了+12攻,最終只會是+12攻(取最高值)
Q:有時玩玩下彈Game,或者去到某d位就Load唔到,可以點?
A:可以試左清Cache先(入game右上角),再唔得就
先綁定左DMM,再成隻game刪除後重新下載安裝。
Q & A 始終包唔晒所有既內容。歡迎大家一齊交流。有問題的話,隨時有老手玩家解答。