召喚同床蝨戰鬥緊嘅巴絲

買左大支? 細支幾十蚊姐
支野上面寫既濃度/0.025就係稀釋倍數
51%就0.51/0.025
勁臭 噴完都好難頂到即刻入房 寵物都唔好俾佢地食到

聽過有朋友試過最極端頂唔順
成層樓賣左

係 我搵唔到細支
btw我間房係無封頂 一噴實全屋都係同埋有人教我話要噴埋落床

你幾耐先開始有效？

噴埋床睇下今晚有冇野咬

希望唔好中毒個老闆娘講到好撚毒咁

btw佢無寫濃度我唔知點稀釋好 搵曬成張紙都搵唔到有寫稀釋比例
利申 真係有睇清楚 屋企人都有幫手睇 但真係無寫

影張紙黎幫下眼

應該有個英文寫住Malathion 幾%咁

自膠搵到個寫malathion 81%
非主要成份 19%

同問 我三星期前發現有蚤咬痕後就勁落de粉天鹽清
呢個星期完全無咬痕但晚晚都覺得有野爬過咁 開燈又捉唔到野 其實會唔會係我對天鹽清敏感我噴晒成張床

我又有個難係度已經分唔清楚係床蝨定過敏

0.81/0.025=32.4
10ML加324ML水

我同你一樣已經分唔到 又搵唔到蟲 男朋友直程覺得係我妄想 但我真係晚晚都痕到仆街呀

如果搵極都冇蟲，不如睇左醫生先，有時候可能真係皮膚過敏，食抗敏藥應該退到啦，唔好自己嚇自己

唔該巴打 希望唔好再俾嘢咬

我都完全搵唔到蟲啊同埋嗰啲血跡 蟲屎上網又話會有呢啲 但係我完全搵唔到
甚至我覺得啲蟲行過只係因為我自己成日凝住先有錯覺 如果係塵蟎行過我會開心啲寧願係塵蟎都好過嗰啲閪蝨

但睇返#566我啲痕真係有咬口咁 唔似敏感

但巴打有無用咩de粉天鹽清/熱水洗床單嗰啲? 我都有ff過係塵蟎 但塵蟎好似無咁頑強應該 有用以上既野應該生存唔到
有諗過直接搵滅蟲但指唔到係咩蟲同係邊好似搵黎無用

塵蟎好似必定有㗎喔 可能真係太多呢 我換過幾次床單 床單係放洗衣機洗無用熱水 有用天鹽清 無用de粉但係用千赤士 可能我心急 但係過咗兩日都仲有難 我都唔知咩事 老實講你搵唔到蟲走去睇醫生又無柒用 香港啲醫生對呢啲蟲患嘅認知程度缺乏到會以為你係普通敏感 所以我連醫生都無去睇因為我搵唔到閪蟲嘅任何足跡 所以我依家唔知點算

我依家係亂用錢希望有一種方法可以解決到 完全係盲頭烏蠅亂咁撞

報告一下俾各巴打參考, 用完熱風槍吹+噴奮鬥吶兩日

用300度熱風槍較細風吹晒成個床架, 枕頭, 床褥邊, 床同牆身D隙, 衣櫃外殼, 書檯, 窗簾
之後果晚訓都仲有野咬....但係少左, 跟住谷鳩氣第日訓醒買奮鬥吶
番黎噴, 所有野都噴, 噴到濕鳩晒, 開風扇吹乾再噴多一轉, 之後風扇吹多兩個鐘先訓

噴完第一晚, 仲見到有屎, 但係無野咬, 跟住第二晚就唔見屎跡, 亦都無俾野咬, 今晚第三晚, 希望繼續有覺好訓....

等星期六放假再大執一次間房再噴多次奮鬥吶

(而家訓覺時開晒所有燈, 手腳查白花油....)

我睇左天鹽清好似都殺到塵蟎 同有keep住換床單應該無咁多塵蟎架? 好似要高溫洗衫先殺到蚤蛋 你可以試下

我明呀真係好無助 醫生一定比啲止痕膏你搽就算
日日一放工返到屋企都要執屋 又訓唔到 簡直想死