今次想講街頭抗爭既樽頸
街頭抗爭既樽頸我地已經講左好一段日子，
好多時一講呢個話題就會變左兩派手足各有各講，
一D話要繼續衝，一D話唔好送頭，最後都冇共識
大家都好熱衷於下一步應該點做，但係好少回顧過去我地到底做緊咩，
而我覺得呢種回顧對於定立下一步行動係好有幫助
所以今次想係到拋磚引玉，同大家講下街頭抗爭既一個策略 –
暴力邊緣論
係過去既一年，我諗好多人都聽過呢個Term，我都係到簡單介紹下：
唔知大家讀書果時有冇試過遇到D好摟打既同學，到佢真係俾人打果時佢就會搵老師報串，而最後老師就會罰打佢果個人
暴力邊緣論大致上就係咁既一回事
不斷挑戰對方底線，直到對方忍唔住手使用過渡既暴力，然後以此達到自己既目的
但係點解我地要用咁既策略呢？
首先我地睇返街頭抗爭到底有咩出路，大致上會有幾條路：
(1) 升級到武裝革命，用武力令政權屈服
(2) 出黎表達民意，然後政權接納意見並作出改善
(3) 道德感召更多人出黎反抗暴政，全民反抗，令政權無法正常運作而屈服
(4) 出黎表達民意，向世界出發尋求外力支援，等有能者打救
(1) 我唔會話冇可能，不過應該唔會咁快發生到
(2) 200萬人出黎證明呢條路係香港唔WORK
剩低既就係(3)同(4)，而我地一路以黎採用既策略其實都係為左達到呢兩個目的。
打又唔夠佢打，佢平時又暗地裡恰我，同老師講佢又話冇證冇據幫我唔到。咁唯有整D證據，引佢係成班同學面前打我，到時成班同學都見到佢有幾惡，老師都冇得當睇唔到，你仲唔死？
呢個策略係歷史上都唔少例子，香港係過去一年都證明左佢確實係有效既策略，咁繼續用呢招咪得囉，點解我地會遇到樽頸呢？
主要有三個問題，而且係環環相扣：
(1) 畫面新鮮感流失
好多畫面都係一次生兩次熟，香港第一次放TG就全世界嘩然覺得接受唔到，第二次就全世界慨嘆香港正苦死性不改。然後第三次、第四次、第一百次全世界就習慣左香港已經冇得救，都唔係D咩新鮮事。
用作本地既道德感召可能都仲夠用，但係向世界出發既力量就會越黎越少。
唔新鮮，姐係唔JUICY。唔JUICY，媒體就唔會報導。
我地可以試下反過黎用第三者角度去睇。上年係我地打得火紅火綠既時候，伊朗人民都開始左佢地既戰鬥，佢地情況比我地更惡劣，軍方好快就開實彈殺人。佢地第一兩次殺人，香港好多媒體都有報導。但係之後再殺，就越黎越少香港媒體報導，香港人對伊朗局勢既關注都隨之下降，最終伊朗死左最少200人。
(2) 政權一方既進步
無意吹奏對手，但不得不承認係我地進步既同時佢地都會進步。佢地都好清楚每次佢地忍唔住手犯錯，就會製造左好多子彈俾我地做文宣。所以佢地犯錯既次數越黎越少，特別係鄧小強上任之後。
上年11月之後，狗方使用既武力已經好少再明目張膽咁提升，莫講話實彈，2020年連TG都冇乜點放。取而代之既就係每日都有上門綁架，每次遊行集會都提早幾個鐘做早期介入，用限聚令罰錢取代暴力拘捕。就算開槍都係胡椒球行先，TG行後，因為難影到「靚」既畫面。
當然唔完全係佢地既功勞，但係的確佢地都進步緊，雖然間唔中都有狗失控，但對畫面既控制無可否認係比起上年嚴密左。
(3) 我方實力疲弱
都唔需要多講，9000幾個手足被捕就係被捕，當中好多都係街頭抗爭既主力。好多案件進入司法階段，就算係本身保釋緊都仲出既手足都好難再出。街頭戰力每況越下。
加上中共多次高壓干預，法院判決又不如人意，而且局勢已經升溫到大國政治層面，有部分手足會覺得已經唔到我地插手，又有好多手足心理創傷都越黎越嚴重，莫講話再出去打仗，留唔留係香港都成問題。
而吊詭既係「暴力邊緣論」本身就係某意義下既「苦肉計」。
如果要對方持續地犯錯，我地既實力就要不斷提升去挑戰佢新既底線，但係呢條苦肉計又會令我地既實力不斷減少。
當實力減少到已經冇辦法再觸碰對方既底線，街頭抗爭係咪仲要採取呢個策略，正正就係而家既樽頸。
我知道好多手足而家都好迷惘，我自己都一樣。
但係希望大家都可以繼續思考，光復香港既路仲有好長好長。
衝破樽頸，就靠大家一齊努力。
如果呢篇文令你對下一步有多左想法，不妨留言同其他手足一齊討論下，順手推POST。
