三個人去旅行-Namaste!

謝謝

支持
認真我覺得肯去印度做義工已經好勇
有冇水土不服

係自己去當地機構報名做架！我下一篇會講點報同入面做咩

期待更新

以為爛左尾添

咁點搞得掂？黑人問號❓印度人同房都唔得

同個房東傾左好耐同佢講個印度人雖然國藉係印度 但其實係中國大
加埋Chow Chow唔見左電話 冇旅伴一齊訓好慘
我諗係因為覺得兩個男人 一個又係Local 驚有咩"唔正當"行為發生

搞掂好我地都攰攰地 始終訓左成晚機場 就沖個涼攤抖下再出去
下晝2點幾就去我地今次行程既主菜－去德蘭修女之家（簡稱Mother House) 做義工地方登記做義工！

係出發之前我做左好耐Research 主要都係睇佢個網頁：https://www.motherteresa.org/07_family/Volunteering/v_cal.html同埋背包客棧世界各地義工既分享 發現同香港做義工好唔同 唔駛預先登記同機構Down聲 只要每逢星期一、三、五去Mother House其中一個服務中心Nirmala Shishu Bhavan (Home for Children)度登記就OK 佢地星期四係義工休息日唔開放 正正係因為咁 我地都特登較岩時間星期二晚到埗 星期三登記 星期四休息遊覽 星期五正式開始！

由於睇Google Map由Hotel Galaxy去Shishu Bhavan都係15分鐘既腳程 我地又未食晏 慳錢又覺得自己有心有力既我地就決定行過去 順便係附近醫下肚 點知呢個真係我地做過最驚險既決定 因為條路會經過貧民窟 喺呢度我見到我成世人都未見過咁多既烏鴉 係好大隻好大隻叼住生肉（好多肉檔）嗰啲 佢地仲要低飛 對住我地個頭呀呀呀呀呀⋯⋯仲要有好多好多老鼠老鼠屍老鼠屎 我地每行一步都覺得自己受緊威脅 好想放棄 但係15分鐘咋喎 最後都係死死氣咁樣行埋條路 當然 呢度同大街好唔同 呢度有好多好多好貧窮既人 一家大細坐哂係充滿垃圾既地下 見到我地既時候個BB就會行出黎問我地拎錢 佢地既眼神我都而家都記得 係好絕望既眼神⋯⋯
行去Shishu Bhavan的路上：

見唔見到啲烏鴉同垃圾

經歷左身水身汗同腎上腺素上升既十幾分鐘 我地終於到Shishu Bhavan附近 好肚餓好口渴 行黎行去都唔知成咩好 突然見到附近有間酒店 酒店樓下好似有間餐廳⋯⋯唔理喇 入去啦 一入就見到佢個名叫做 Hotel Heaven!!!

佢真係Heaven 黎架 因為好勁冷氣 啲凳又舒服 仲要侍應叔叔勁好 佢係咁介紹有啲咩食（雖然係英文MENU 但印度既英文MENU好難明）經叔叔推介下 我地食左一個好震撼既焗芝士意粉 可能因為太攰而個意粉又真係好撚好味 我地食完第一啖個樣係左 ！！！！我地仲叫左個印度好多餐廳都有既飽肚之選 Chicken Fried Rice 熱辣辣 粒粒分明 好香同香港酒樓炒飯有得揮 三個人食兩樣野 好好好好飽 又好開心食到咁好味既野

勁多芝士 啖啖芝士

再講多次！Hotel Heaven真係Heaven黎！ 因為佢好近Shishu Bhavan同屋企，所以我地決定左之後會再戰但因為都要成30幾40蚊一樣食物 太奢侈 我地唔可以成日去

食飽，3：00, 夠鐘登記做義工！

JM9

加爾各答有好多客家人，你有冇去到唐人街？

有聽中國餐廳廚師講過 但我地冇去過
巴打有去過？

太混亂兩次既開頭都好似

舊年去印度做野, 1個人出去 explore, 識揾其實都有幾多好食既野

幾吸引個pizza

真心好食, 香料 + paneer cheese好惹味, 啲邊焗得夠香脆但係個 dough 入面仲係鬆軟
間野係係個平民區行路探險誤打誤撞揾到, 佢話我係第一個非本地人去食野, 仲送支野飲俾我

絲打🤪

https://youtu.be/W5P0yPRNjEI
我睇完之後好深刻，街市啲印度人都識同阿婆講客家話！
華人嘅皮革生意逐漸沒落，感受到佢哋有好大嘅無力感
片中主角貞貞去台灣讀書，搵返自己嘅身份認同


https://youtu.be/jM9fxv6OooE
另一條片，唐人街比較髒亂，啲客家人阿叔好熱情
啲仔女去晒外國定居，佢哋就留返喺印度

邊個城市？