三個人去旅行-Namaste!

有人話印度係個好神奇既地方，去完一次之後你一係會好憎呢個地方、以後唔再去，一係會好似我咁好鍾意呢個地方，鍾意到會想係咁返去。二零一九年五月中，我地一行三人出發去印度：同第一次去既時候一樣，都係三個人，都係第一站就去加爾各答。

好記得呢個旅程既下半段心情好複雜，完全冇心機出去玩，係咁睇live、出post、同旅途上認識既人講香港發生既事......之後就趕返香港同大家一齊努力左差唔多一年既時間，一直都冇時間同心力整理呢次經歷。適逢上年喺印度識既新加坡朋友提醒我原來前幾日係我地相識一週年，就決定記錄返呢二十日到既經歷。

喺呢段難過、唔係好睇到將來既日子，適時既回顧為自己儲下能量係件好重要既事，希望大家睇既時候都可以回憶返自己喺旅途上既種種經歷，期望有日我地可以安心去旅行～出發！

樓主好勇

第一站加爾各答：
揀去加爾各答kolkata既原因除左係因為機票算係便宜啲之外，就係因為我地去印度主要既目的其實就係去位於kolkata既德蘭修女之家Missionaries of Charity 度做義工。學生哥冇咩錢同time cost，除左好快到既地方，我去親旅行都係轉機同坐廉航咁濟，今次就係坐Air Asia，係吉隆坡轉機！




去到吉隆坡已經5點幾，仲要等多5個鍾先上機，喺機場食左唔係幾好食既喇沙...但唔食既話就要一直餓到第二朝，因為預計到達kolkata既時間係夜晚12:00

終於都到...一落機聞到好重既香料味，就知道自己終於到左咖哩國～今年同上年唔同，唔諗住再挑戰自己訓機場，夜麻麻都算都要出返市區先。拿拿臨填入境表、過關、唱定少少少少錢20USD就出發去酒店。


點出酒店？
我地坐機場入面既prepaid taxi，姐係講左俾佢地聽去邊跟住係counter 度俾左錢先再上車既的士。之前爬過文都話prepaid taxi 都唔係咁安全，但相對出面求其截/俾人兜既的士，根據個人經驗，prepaid taxi 係保險10000000倍。但要記住1）要格價 -機場會有幾檔prepaid, 要同佢地溝通清楚肯肯定價錢先上車 2）搵Counter既人/警察幫你係taxi booth 搵司機！3）上到車第一時間俾收據佢證明你俾左錢！

點解只係兌換20USD咁少？
因為機場兌換率通常都好高，同埋我地住既地方隔一條巷就係Sudder Street （背包客天堂），嗰度有好多hostel 同個rate好好（暫時去過幾個城市，sudder street 個rate 好唔錯），我地都係想有個錢傍下身俾下錢叫prepaid taxi 咁～

Pish

頭2張相仲以為係1張相黎

一句講晒男定女

Hotel Galaxy，但其實佢完全唔係一間酒店
佢只係一間係條巷仔既hostel

巷仔：


揀佢既原因係第一次去之前睇左好多review話佢咁既價錢有咁既質素算係咁（雖然淨係搵佢個聯絡email都搵左好耐），住落又真係ok! 三人房，有獨立廁所，逼就逼啲但係印度黎講都算好乾淨同埋就係真係好多去mother house 做義工既人都會係個度住，朝早可以一齊坐tuktuk/行返去mother house
房間一覽圖：

留明

硬係覺得呢啲地方好危險 行去邊都可能會畀人強姦

刻板印象

好鐘意印度

俾大家睇下第一次去既時候日頭既機場～其實好有系統，分哂UBER同的士站，幾容易搵到自己既車！


再送多張第一次去訓係KOLKATA機場既相俾大家睇，冷氣勁凍，冚實係飛機拎既BLANKET，迷迷糊糊守住行李咁同住一啲都係等緊朝早出市區／轉機既人傾計⋯⋯不可一不可再，醒左條腰同頸都好痛 好彩有人一齊講下野，分散下想訓覺既心

絲打

絲打好勇

malindo明明就係馬印航空
同air asia兩間黎

菲林機？

唔勇勇過我既人大有人在

謝謝

哈哈哈哈 又幾似

係絲 同行有男仔
不過保護自己既意識無論男女、去邊度都要有

謝謝！！！

我都係啊！！
你之前去過邊度？可以交流下

同行三人 有男有女

唔勇啊
去邊度都好 最後可以平安返到香港係福份黎

Sorry 啊大家打錯左
一開始係揀air Asia
但最黎決定係馬印
混淆左