拆磚拆地板 到底有無需要水電全鋪

我都係呢款 用咗30年已經殘到爆
想唔拆係上面鋪spc地板有無可能
本身都想換磚
但屋企有老人家講到明唔想起地板
唔整整又怕跌親佢

舊木板面上鋪無縫地板

全屋換窗係咪好高危？裝完會唔會試漏水？

睇你想唔想改動，一般啲師傅最鍾意叫人拆晒重裝，既方便佢發揮，仲收埋拆、裝、零件設備費。跟住提議你將木地板換成磁磚/人造石，浴室個浴缸換埋企缸。佢所有拆出嚟嘅都可以去換錢，樓主你考慮下囉

你咁攪最後要預多幾多錢？
12年都要換，由唔想換到換曬

錢真係唔多，頂哂龍拎350k
唯有做取捨。寧願換哂水電，唔訂造傢俬 放棄花臣野，保平安。

同埋經過尋晚場黑雨，發現上手裝修手工好差。周圍漏水滲水，更加堅決全爆

一定寫埋落報價單，要佢做防水。經歷左尋晚埋黑雨，周圍滲水漏水

如果全爆真係預住耐。
如果好快又換樓就另外一回事

想搵個正常既裝修佬都咁難

唉。呢個問題 都同另一半商量左好耐
邊個唔想幾年後換樓，愈住愈好。
但無人知道後市係點

既然係咁，不如及時行樂，全爆，自己住得舒服d. 就算後市真係好好，有個靚裝都可以賣個好價錢，都無蝕ge

如果唔係，唔好彩，經濟好差，是但一個失業。起碼係屋企hea, 都hea得舒服。

係。

我大大話話搵左8，9個師父報價。

有d 完全唔負責任，一開波就帶哂頭盔。

有d就hea 你 相又唔影，呎又唔度

有d就過份有主見，我都話左洗衣機想放係廚房，死都要我放入廁所

有d就蝦你唔識，水9你

當然有d真係好好

錢又唔係俾少，仲要擔驚受怕，睇佢面色，乜嘢世界

下年我都全爆裝修，巴打如果最終搵到個好既，介紹黎報價，thx

12 13 年喉最好換過佢啦

公屋？

明白 已決定全換

反正你都鋪過d 地版
唔係整完就爆 又要整過

電你睇下以前用咩線
如果英國線一般都OK
如果cheap雞花線就換埋佢啦

搵d 裝過修嘅friend 幫手
好多細節位要睇

黎緊幾個月 先痛苦

你又唔可以完全信哂師父，施工其間，睇都唔睇。問都唔問

但你又唔可以下下挑戰佢，令人煩厭

然後你對工程又要有基礎知識，唔係你會俾師父偷工減料。

例如你要識叫師父係企缸加防水層，如果唔係，有d師父唔會做。你入左伙，漏水漏到下層，你到時真係仆街

當裝修佬無生意個陣

幫你換個燈泡都需要水電全鋪

我都想有咁ge 朋友。問題係買得樓，即係人地已經結左婚，甚至有埋小孩。

未結婚得閒，根本無買樓，做過裝修。就算自己屋企裝過修，通常都唔會理架啦，都係父母搞，邊度識

呢個問題，就係點解我開post的原因

後尾諗諗下，鬼叫你唔識佢識咩。正如你頭痛，睇私家醫生。佢實叫你做哂d檢查架。可能最後真係只係感冒頭痛，但你當時真係好撚痛，又驚，唯有乜都做哂

其實啲水電會有咩事 好驚

邊個屋苑

用spc石塑板
如果地下D板無鬆無響
正常鋪係面就ok
腳線邊吱番膠
快靚正