抑鬱症圍爐區（6）

我呢排都有啲，因為我做嘢嗰陣會開住whatsapp web以前同佢嘅對話嗰版放係度，我有時有一兩下會以為我冇同佢分開，但我理智上係清楚我同佢分開咗好耐嘅⋯

但認真㗎，有需要搵人傾你就上嚟啦，係幫唔到你，俾我哋聽你訴下苦都好丫⋯我哋一齊走返出去

我冇資格再打俾佢但我會睇返以前嘅對話，有啲開心嘅對話睇返都好嘅，就係嗰啲時候我有時會誤會冇同佢分開

有朋友陪好好，至少令你開心啲，你至少有兩個鐘可以放鬆下，唔使咁辛苦，如果搵唔到人傾就上嚟，我好得閒

冇事嘅，一切都會過去嘅，一齊行過去

我明個人負既時候好難欣賞自己 但係可以學識下
有時想走出個失敗既牛角尖可以試下諗下自己好既野
個人感覺會好少少
唔是同人比較 但自己同自己講原來我都做到xx
我有時放負都會試下咁樣 有時都work

屋企人知唔知你個狀況？ 如果唔知道可能未必理解
再唔係買d野塞住d門罅 佢地唔改就自己搵辦法

我都係咁啲人話諗吓你想做嘅嘢，我都冇嘢想做乜都冇⋯諗諗吓仲衰，好羨慕人哋有夢想有目標有生存嘅動力，佢哋係生活係世上我係生存係世上，世上好多嘢我都唔明點解咁，我每日都諗點解會咁⋯

睇返ex追我嗰陣話因為我好樂觀，睇完特別諷刺其實我嗰陣只係冇將悲觀表現出嚟，而同佢一齊嗰陣我就真係俾佢嘅樂觀感染到姐

我仲癲到發夢俾佢鬧/發夢冇分開過，我驚我再咁落去會有其他病，到時更加黑人憎

不過我哋已經算好彩，我有個朋友有驚恐同抑鬱，身體又差，連出街都驚驚恐症發作

你自己決定就好，最緊要你開心，隨時都可以上嚟傾計

我咁垃圾又醜樣，佢現任一定好好姐⋯
唔知佢會唔會後悔同我呢啲咁嘅人一齊過呢

我發夢佢鬧我，同我一齊從未感受過幸福，好彩我同佢分開，同現任一齊先知咩叫幸福，好後悔同過我一齊好煩，點解我咁垃圾

應該唔會搵返你個名掛，你都冇講啲咩，唔驚嘅
我試過轉藥食到驚恐症咁，係街度突然心跳得好快好驚，但又唔知驚咩，嗰刻真係好無助，我朋友仲長期係咁，佢真係好勁⋯