呢幾日一直都好和平 同team問下工任上既野無特別問題
突然四點幾高層話要見我 我已經心感不妙
原來係通知我過唔到試用期 話達唔到公司standard
今日會係last day 寧願賠錢都要我即時走
然後即時已經安排埋會計同我講點出糧
當時已經唔係好聽得入耳
但聽得好清楚係叫我簽一堆野
叫我即時落樓執野 叫我即時交還拍卡匙 仲問我要唔要個紙箱
我話我個位唔多野 唔使紙箱
我果層五六十人 完全唔想俾人見到我拎住個紙箱行出門口
我問可唔可以收工先執 我話唔太想俾人見到好老尷
會計同我講 我明 但點都要收工前執好 而家四點兩個鐘內夠你執掛 會有admin mon著我執
之後望下個鐘四點幾咋嘛
咪慢慢執 執好自己野 仲清埋公司啲文件落回收箱 諗住走都俾張乾淨既枱人
點知半個鐘後差唔到執好 admin已經問執好未 執好可以即時走 仲叫我唔使清理枱面上既文件
我當時即刻已經下左 我成層樓五六十人 完全唔想拎住一袋二袋係office hour行出門口
我問admin可唔可以六點走呀 都係差一個鐘
admin話唔得
我又問admin可唔可以後門走呀 前門要經過幾十排枱
admin話 唔得 一定要正門
我dklm! 我而家係唔過試用期咋嘛 我無做錯任何事亦都無做對唔住公司既野
而家係要我係office hour拎住一袋二袋差在未拎紙箱咁橫過幾十人差未大大聲同幾十人講I am fired咁行出門口
突然無份工都算
原來你講既last day係要你last minute都唔準留低既意思 大公司原來真係得個樣 對外包裝得好令 走果刻
係要你員工即時好似過街老鼠咁走
你要一個無做錯啲咩既員工走唔緊要
可唔可都俾人有番啲尊嚴咁走
我之前第一份都一個月突然比個西hr炒，初初我都好唔開心，但發現啲咁嘅西公司早走早著，大把公司好過佢