1960年發生南非版六四，黑警射死咗69個示威者。
之後曼德拉嘅組織（非國大）知道搞和理非路線冇用，轉咗做地下組織。
而跟住佢畀人拉咗去坐監。
去到80年代，非國大定咗四大方針，講點樣推冧隔離措施。
四大方針係：
群眾動員
武裝行動
地下組織
國際連結
你估邊個係最緊要？
非國大話係 群眾動員。
非國大嘅策略好明確，係要透過公民不合作、罷工以及破壞重要設施令政府「無法管治」，迫政府做真正的談判。
但如果淨係得群眾動員，你估政府會唔會即刻就「無法管治」，或者真係談判？
所以發生南非六四後，非國大著手發展後面三樣，目的係：
分化同減弱統治階級，壯大反抗勢力。
即係削弱對手，加強同伴。
可能你會問，有得武裝勢力，做乜唔直接剷冧南非政府？
至少喺非國大嚟講，武裝勢力只係破壞手段，而實際上有冇可能咁易打贏一個國家？我諗大家心知肚明。非國大講嘅係「 四大方針」，如果得個打字，好明顯「國際連結」就唔駛做。
非國大由始至終，都係要搞到
但係，如果只係單搞群眾動員就有效，就唔會有「南非六四」，曼德拉唔駛坐27年監。非國大最後係同政府談判然後奪權，不過後面連住一堆國家同武器，甚至商家。
而家問你，一日內有冇可能迫到政府埋枱投降？
當然，就算冇，唔代表做咩都冇用。每次行動都係累積嘅一部份。
但要累積到終有一日可以反枱，就唔可以成日當Endgame咁諗。諗下現階段可以做到啲乜，唔駛All-in。南非人決定以身捐國前，起碼係拎住支槍。
簡單啲講，今日只係其中一日，做到效果固然好，冇唔代表所有嘢玩完，請量力而為。咁講好殘酷，但我哋已經被揀中，呢一世注定同佢賭。既然有排賭，請唔好咁快all-in輸身家。
