遊記 2019長野避暑之旅

開始出發去茅野，既然係「茅野」就梗係要同老婆自拍返張

宣傳用嘅相片明明係咁，呢d都唔知係「理想與現實」定係話佢違反商品及說明條例好

因為山葵係唔受得高溫 同埋唔可以比陽光直射
所以會有塊黑布擋太陽

高温や直射日光にも弱いため、木陰を利用したりして日陰を作ってあげます。安曇野では、黒い布で日陰を作るという、独特の方法をとっています。
https://www.wasabi.co.jp/mamechie

留名

死宅係咁㗎啦

學到野

佢有個限定生わさび餐真係有支小山葵俾你磨，我試過喎

睇來我去到嘅時候已經賣晒

仲以為去諏訪湖

18年去過所以今次pass左


下社秋宮，d巫女好正.txt

第三日就早d起身，求其去jr站對面食個松屋腸仔蛋早餐set就算

食飽就去JR站買飛
松本-上高地來回車飛，4550羊，有d貴


上高地線既時間表，班次都幾疏下，miss左一班就要等大半個鐘

松本去上高地車程大約個半鐘，首先係坐火車上高地線去到終點站新島島站
然後係新島島站再轉旅遊巴去上高地

網上d文教路大正池落車一路行去河童橋最順路，咁我都係跟人做㗎啦

係大正池酒店門口落車就見到個牌指住大正池，行咗唔使兩步就見到大正池，哇屌真係會令人眼前一亮





剩係呢個位已經值回票價

穗高連峰，下邊睇吓好啦，千祈唔好叫我爬


就係呢座「燒山」當年火山爆發，塞住左梓川形成左大正池

好想再去上高地

下站係田代池

田代池曾經真係一個湖，不過家下就變成左個濕地


可能過多幾十年就會變成隔離塊草地咁樣

然後穿過田代橋同穗高橋行去梓川西岸繼續溯流而上

d河水冰既

轉左個彎就見到上高地Lemeiesta酒店，一支公一泊兩食38000羊起（未連稅），等我有女再諗下



呢位老友叫Walter Weston，當年去日本傳教之餘仲大力推廣日本行山活動，「日本阿爾卑斯」呢個名都係佢命名



再向前行冇幾遠就係河童橋，河童橋附近就算係上高地既中央區域，餐廳丶酒店丶手信舖頭丶廁所丶巴士站等設施都係呢度最多最方便

係河童橋上面見到既穗高連峰同燒山





係東岸影河童橋

真係不得了，點解呢個地方六月尾咁好太陽可以一d都唔熱

午飯都係係河童橋附近食算，係五千尺lodge食左個山賊燒（炸雞扒）定食

食飽左就行下附近，買下零食甜品一類既手信就去搭巴士回程

上高地真係好撚正，下次黎或者會住一晚，再行入d行到明神池

返到松本又係先放低手信，然後上去「翔峰」浸溫泉，再返松本食晚飯

個温泉上面已經講過，skip得

晚餐又係開個tabelog搵下jr站附近有乜好食，搵到間3.59分食「鄉土料理」，即係又係食信州蕎麥麵

想食天婦羅就求其叫左個2580羊既set，因為唔識睇日文，唔知原來有兩份蕎麥麵


燒味噌最好食，另外兩個小菜都唔差


一d味道都冇既馬剌，冇肉味冇腥味，口感好似食緊香口膠

天婦羅，非常之中規中矩

蕎麥面同埋個鍋，要自己放落去煮

好味還好味但其實食埋個麵同鍋都已經好飽

到食曬枱面所有野，店員收走左個鍋既時候我仲喺度諗「呢餐二千幾羊又幾抵食喎」既時候無喇喇上多碟


結果當然係食唔晒，仲真係有啲唔好意思


上埋甜品就安心啦，終於見到終點

由於晚飯食得有啲飽得滯，先去散吓步再返酒店

慢慢行吓行吓就到左松本城


上一次去松本（18年3月），同一個位影既


松本城真係個好地方睇吓人哋拍咸片都喺呢度取景




時候都唔早行一陣就返酒店執行李

做咩唔行埋明神池

好拖咁耐又返嚟啦

第四日

因為時間關係就直係酒店食埋早餐然後拖篋去JR站

下一站係長野

今日既交通工具，JR東海既信濃號，383系，架車都20幾年歷史，同早兩日坐黎松本既E353就自然冇得比
車程一個鐘，中途唔停站，冇推車售賣嘅服務，飲食要上車前買定


一個鐘就好快過，到站都係循例攞pass出閘然後搵locker放低個篋，咁去長野嘅目的就自然係國寶善光寺

橫掂天氣都幾唔錯索性行上去


山門以及本堂


上去山門以及入去本堂嘅內殿要俾入場費
上次（2018春）已經睇過所以今次就冇入去

由山門望返出去嘅景


而內殿係禁止影相

循例求番支籤，都好，末吉　


對上一次黎係直情係凶


善光寺表參道，我就係一路行呢條長命斜上黎，下次都係坐返巴士算



左手邊嘅三間舖頭毒性都非常之強
專做醬料鹹點果汁葡萄酒既St. Cousair
隔離係七味粉老舖八幡屋礒五郎
再後少少都仲有賣各種日本食材嘅久世福商店

Thanks for sharing your itinerary and photos!

Sure!

Sure thing!

Anytime!

Glad to help!