遊記 2019長野避暑之旅

入正題之前，先悼念一下因為甴大大搞到咁而去唔成既「2020山陰&關西之旅」


是咁的，小弟就普通毒撚一個，去親旅行都係孤獨一人，不過，亦都有好處，唔洗同人夾行程又唔洗遷就人，都咪話唔過癮

行程方面我就通常一日一個景點算喇，去旅行都係為左放鬆一下，又何必趕頭趕命


咁個避暑之旅就總共九日，八晚換過四間酒店

行程

Day1 NH822羽田機場->新宿->茅野->蓼科

Day2 茅野->松本->大王農場

Day3 上高地

Day4 松本->善光寺->輕井澤

Day5 舊輕井澤

Day6-9 東京

Day1-1


去東京既首選當然係全日空NH822紅眼航班，可惜已經冇左，從此以後想紅眼飛羽田就得返UO



ANA三等人倉飛機餐，主菜係雞肉&薯蓉，再配生果沙律同冷麵三個小食


本來係想食完野瞓一陣，可惜都係瞓唔着，索性派第二round野飲時問空姐要一杯咖啡好過


就係咁眼光光等天光終於到左羽田機場

PS:丫邊個仆街同我講飛羽田有機見到富士山既呢，等我劃左手邊窗口位點知睇左成朝雲

清晨六點到羽田，等入境，等行李，排綠色窗口拎pass,搞得黎坐monorail入城已經係八點既事

話說如果行程比較緊既話寧可花少少錢坐京急出品川再搞pass好過，羽田個綠色窗口好多人排，我行程唔趕先同佢慢慢等


拎pass順便book第一程既特急
1pm新宿出發既Asuza17，茅野落車，車程大約兩個鐘

拎左pass就去坐mono去濱松町，大鄉里第一次坐東京單軌，之前兩次飛羽田因爲冇買pass關係都係坐京急




坐monorail出濱松町轉山手線，唔洗一陣就到左新宿，仲有成四個鐘多d先坐火車出城，先搵locker放低件行李再搵地方打發時間

毒遊最正

上高地正

爛左？

，lm

冇爛

朝早，九點新宿，晨早流流都唔知做乜好，仲要搵地方鳩到一點坐火車，身為毒撚唔通去無料案內所咩，咁想蒲下機鋪但係人地開十點正

於是先去食個早餐，近近地去果實園食個生果三文治

PS:呢間野早餐時間入面全部客都係架妹，冇仔，利申冇圖

食完個早餐終於等到十點機鋪開門，打幾鋪機打發下時間


丫冇訓成晚又算打得幾好
打完四局都差不多十一點
係時候諗下lunch食乜

打機個名叫敘敘苑咁就一於去食敘敘苑
意思意思叫個lunch set B
毒撚要求唔高，敘敘苑lunch夠用㗎啦，真係好撚正


飲飽食醉就慢慢行返去jr 站拎行李搭火車
今日既交通工具，E353系，冇左super字頭既asuza

開始出發去茅野，既然係「茅野」就梗係要同老婆自拍返張

本來plan行程時仲打算中途係小淵澤落車去睇白州蒸餾所，可惜呢日既參觀名額已經full左，只好下次再去

半訓半醒咁叫做訓左兩個鐘，好快就到左茅野站，已經入左長野縣，正式開始呢個長野既旅程

落左車就係等温泉旅館既shuttle，然後上蓼科溫泉

今晚住既係「蓼科 親湯溫泉」，八疊和室一泊兩食盛惠13365羊（連稅）

點解揀呢度呢，其實都只係係relux上面睇到價錢丶評分都唔錯，又算係順路，就book左佢

落車既時候落住雨所以都冇影溫泉旅館既正面，啱啱renew左冇耐，內裡d裝修幾唔錯

今晚訓既地方，八疊和室一間，for一條友乜都夠喇

天氣麻麻，乜鳩都睇唔到，都係換浴衣去浸溫泉算


大浴場唔比影相，用官網相頂住先

浸左一round舒服晒，疲勞盡消，行到返大廳鬼影都冇隻，似乎係時候食晚飯


請問呢碟係咩黎嫁？

飛羽田真係見到富士山，我都係睇網上教坐左邊

留名睇文

LM folllow

個晚餐由一開始就有d唔對路，餐廳門口係一個金髮鬼妹侍應接待，然後帶位係個鬼仔侍應

我去左一個叫茅野既鄉下地方，離開東京兩個半鐘車程，呢度唔會有好多外國遊客掛，點解呢度咁多洋鬼子員工

望住個頭盤真係打左個突，做乜溫泉旅館既晚餐係法國菜，乜去溫泉一泊兩食個晚餐唔係都係會席料理擺到成抬九大簋咁嫁咩

拎起個餐牌睇，點睇都係法國菜

丫但係味道又真係幾好，三扒兩撥就食曬個小食拼盤

然後上佢餐牌所寫嘅鴨皮太沙（appetizer)，係一粒蕃茄，真係越黎越古怪


栗米湯，好甜，好日本人口味



既然係法國大餐咁有舊魚都好應該
石班伴香醋汁，我唔好海鮮所以冇評論


牛，好似係當地名產黎，配佢個山葵醬好好食
大概係用左真山葵而唔是牙膏支裝「山葵」


好水下既湯咖哩，一開頭以為會好淡，出奇地濃味同辣


甜品冇咩特別好講，好甜好日本口味



有啲出乎意料之外但仍然係好食嘅一餐

食飽之後抖左陣又去浸溫泉，個plan包左半個鐘一節既私人風呂，咁就當然要用埋佢
checkin 時已經book左時段，去reception同佢講用私人風呂就會有人帶路

又係果個金髮鬼妹侍應，可惜我就毒撚一個都唔知點樣同人搭訕好，但係行到一半佢居然開口問我”where did you coming from”

咁我答完佢「香港」之後就順便問返佢邊樹人啦，答案都有d離奇，居然係露西亞
起立唱番首國歌先
https://youtu.be/AOAtz8xWM0w

俄國人喎，煙文我就得姐，俄文咪只係識得係CSGO學返嚟既Cyka 同 Blyat，絕對唔係適合同女性講嘅單詞
好彩睇得meme多，記得一首洗腦歌個開頭，於是就同佢講我識唱首俄文歌，佢既反應就係一個ORLY

於是我仲真係開始左唱
“Ka~lin ka~ka~lin ka~ka~lin ka~mo~ya”
係”Kalinka”，著名俄國民歌，照計冇俄國人唔懂掛，丫我唱到一半佢仲真係跟我唱喎

打咗咁大段嘢如果仲係txt應該會俾人屌
金髮俄妹示意圖，from溫泉官網

件事仲真係有啲超現實，去到日本旅行係一個荒山野嶺食法國菜以及同俄妹唱歌
可惜快樂嘅時光總係短暫嘅，好快就行到去私人風呂嘅門口，佢就面帶微笑交低條匙俾我就走左去

老實講一條友都幾悶下，真係得個浸字


半個鐘之後返到去lobby交返條匙已經見唔番俄妹小姐，到最後都冇問人拎contact呀屌，只好返房訓

就係咁第一晚結束左

正啊ANA，佢有winglet嘅763都唔算舊

紅眼班機訓唔到既關係呢覺好好訓

起身食早餐，終於係正常好多既日式早餐


唔知係唔係廚房出唔切，六個前菜分兩次上



食飽就check out走人，可惜都係見唔到俄妹小姐


坐温泉提供既接駁車返到落茅野站，然後就係等火車上松本






Matsumoto~Matsumoto~

號稱樂都丶岳都丶學都既松本，最出名既就莫過於松本城同上高地
松本城上次已經去過，今次黎松本既目的自然係上高地
不過火車到站已經十一點幾，去上高地有d遲，明天再戰，先去酒店寄存行李

住既係松本Buena Vista酒店，離松本站五分鐘路程，單人房(17平方米）5800羊一晚唔包早餐

有排都未到三點checkin，所以放低左行李就行返去jr站開始今日既行程，其實呢日冇乜特別，近近去睇下大王山葵農場食個wasabi雪糕打發下時間算

大王？你哋有冇聽過大王個名呀？

首先坐jr去穗高


問題係jr站去農場既巴士班次非常少，而我要係穗高等成個鐘先有下一班車，與其喺度白等不如行過去算

留一晚仲好

冇女又冇錢唔留啦

貴:(

樓主冇邀請鬼妹一齊浸？

冇膽開口問人

搭唔到巴士只好行過去囉，好彩呢一日係冇行程，但求搵個地方去下放鬆下
沿路風景唔錯



行左半個鐘左右終於到

乜都睇唔到囉屌


宣傳用嘅相片明明係咁，呢d都唔知係「理想與現實」定係話佢違反商品及說明條例好


不過點都要喂飽個肚嘅，走咗去農場附設嘅餐廳叫左個烏冬set ，既然呢個係山葵農場照計應該比真正山葵我食嫁嘛？



我食飽之後就圍住入邊個園區行咗個圈，呢度其中一個最出名嘅景點都係黑澤明嗰個水車，不過嗰日天氣麻麻地冇影到相

行咗一個圈叫做到此一遊之後就去咗食佢嘅山葵雪糕，同行下手信舖頭，係咁以買咗啲山葵零食，然後就去坐巴士返去JR站再坐火車返落去松本

叫得28座大王果然都係流流地

返到松本已經係五點，check in 上房叫做坐低唞吓就準備去浸溫泉

酒店本身係冇溫泉浸，不過可以去同一個集團旗下嘅溫泉旅館 「翔峰」浸佢個日歸溫泉，免費，包埋接送

有得浸咁梗係幾大都上去啦，去reception問佢「Onsen?」，就比左張飛仔我叫我喺酒店大堂等shuttle黎就係


架shuttle會去三間唔同嘅酒店（都係同一個集團）接晒啲客再上溫泉，車程大約20分鐘

去到溫泉門口落車就會有人收走張飛仔同派毛巾，幾唔錯連自備毛巾都慳返

個溫泉又幾鬼死正，下次如果有旅伴嘅都應該會上嚟住返晚一泊兩食

溫泉官網嘅相


趁冇人偷偷地影一張


浸完就返番落去松本，浸完溫泉開始有啲肚餓啦，既然黎得長野就咁就食蕎麥麵

打開個tabelog搵到間都有3.5x既蕎麥面舖頭，就喺jr站出邊

叫咗個天婦羅蕎麥面


你問我好食唔好食我老閪都話好食啦係咪

食飽之後就去便利店買埋宵夜同甜品就番左酒店啦

冇乜特別事做既第二日就咁完左

之後嗰日就真係不得了

長野蕎麥麵好撚正