大家保持獨立思考
咪撚害死國際線手足
https://www.facebook.com/1023721804/posts/10218804618959572/?d=n
//睇到都嚇咗一跳,報紙名義發起聯署都係後話,問題在於完全唔符合爭取跨黨派,即bipartisan支持嘅準則,大國政治局勢影響香港係事實,美國最有本錢反擊中共都係現實,但表露無遺畫公仔畫出腸叫特朗普拯救香港,仲用頭條去谷 Hashtag TrumpSavesHK,睇到真係覺得有啲骨痹同埋肉麻,更加望唔透美國民主黨嘅國會議員睇到有咩感覺⋯⋯萬一聽日佩洛西個幕僚email問我點解會咁,我諗要有一個完整說法都唔係咁容易。
要爭取國際關注支持,無需要將自己身段放得咁卑微,縱觀全世界,狀況慘過香港嘅國家多的是,措辭格調更為恭敬大國嘅都有,香港人莊敬自強挺起胸堂,我更加會贏得國際社會嘅敬重,悲情牌大家都會用,但其實我哋都唔只係等待人哋救援嘅狀態,都可以勉勵到好多國際公民社會嘅友人,意識到原來對抗極權真係可以咁不屈不撓。
上年,當部份網友不斷話要PresidentTrumpPleaseLiberateHK,我從來都冇將呢句野講個出口,遊行集會期間見到部份擦鞋擦得有啲過咗火位嘅標語都不敢恭維⋯⋯搵國際盟友梗係緊要!我都做咗四五年,但真係冇理由叫人哋國家嘅總統SaveHK。
自己香港自己救。//