524 舉起光復革命旗會令香港抗爭再次升華

64 回覆
79 Like 15 Dislike
2020-05-23 01:56:43

光復革命旗幟設計

原 PO: https://lih.kg/2029912

下面整合咗好多手足寫出嚟, 我好認同嘅睇法。

呢支旗, 我推薦叫光復革命旗, 同埋直覺其實好有軍旗嘅感覺: 鮮明、 莊嚴、 對比強烈、 富有力量。

首先我哋撚一撚當中嘅設計先



黃黑色嘅含義直接指向我地香港人咁多年嚟既運動, 運動初期前線手足嘅裝備以黃色嘅頭盔同埋黑色嘅 blackbloc 為主, 而黃色亦同 2014 雨傘革命相連結, 喺香港抗爭史上具有象徵性意義。

Avenge Yellow, 中文譯作復仇黃, 初期有中共長期壓迫之下揭竿而起嘅含義, 佢包含著最初期嘅和理非思想: 和平、 理性、 非暴力, 靈活以及香港人舉世聞名嘅自律性。

另呢隻顏色所延伸出嚟嘅代表性物品雨傘本身亦有保護、 照顧嘅含義。



2014 雨傘運動集會



復仇黃, 同樣令人勾起梁義士係上年 615 一躍而下, 成為第一位犧牲烈士嘅沉痛回憶。 呢一份共同記憶, 成為我哋早期赴荊前進既最大動力, 令到復仇黃有不屈服、 堅持信念、 生命既高度三項被進一步升華嘅含義。


梁凌傑烈士離世前一刻的背影

黃色被賦予嘅眾多意義當中, 復仇雖然係一個負面嘅思維, 但係種種我地所經歷既歷史, 佢足以代表保護香港核心價值, 捍衛香港人自由同民主既意思。

所以點解係共產黨眼中, 黃色亦係代表抗爭, 獨立, 自然係因為呢個顏色同香港抗爭運動有太多嘅關連性, 足以作為代表色既緣故。

黑色, 一個比較沉鬱嘅顏色, 喺今次嘅運動入面因為 Blackbloc 同前線行動而有無分你我、 合眾一心、 隱藏性強、 勇氣、 直接衝擊政權嘅含義。

黑色畀人一種莊重嘅儀式感同壓抑嘅情緒, 令人諗起同死亡相關嘅話題, 自反送中運動開始高企既人口失蹤案, 自殺/被自殺案, 呢一啲都係組成民眾憤怒情緒不可或缺嘅部分。

香港人放棄安穩生活, 走上抗爭之路既沉重感, 黑色係最完美嘅代表。

即使香港人係編年史入面背負住咁沉重的包袱, 香港人依然毅然選擇著上黑色嘅裝備, 走到最前線直接面對警暴、 親政府極端恐怖分子, 令黑色所代表嘅就係無人能及嘅勇氣同堅毅。

另外, 值得一提嘅係攬炒嘅 Stand With HK 同 FreedomHK 大多數都用到呢兩種主色, 兩者組成早期國際戰線嘅基調, 所以喺外國人嘅心入面亦都早已經對呢對色 tone 有初步嘅定型。

下面係當中相關嘅 poster 供參考


2020-05-23 01:57:05
講完歷史部份, 呢支光復革命旗象徵抗爭下嘅香港人充滿創意而且面對極權堅毅不屈、 和勇合一、 戰術靈活, 成為香港抗爭最鮮明而且富有力量嘅一面鮮明旗幟。

我同意之前個post其他手足所講, LESS IS MORE, 呢面旗只係需要兩隻顏色, 乜嘢都唔使加, 星星、 獅子山、 獅子頭留返做徽章嘅時候慢慢諗。

現場揮舞嘅旗, 最緊要嘅係清晰、 極簡之餘有意義同埋容易辨認。

係 524 行動過後, 更會增添共產黨直接威壓既強權之下勇往直前嘅深層含義, 一面有意義嘅旗可以將整個香港抗爭運動提升到一個新嘅層次。

下面講下點解有一面旗係咁撚重要。

我成日都覺得由爭取五大訴求既示威, 去到全面抗爭既準內戰模式, 我哋欠缺嘅係具有強烈象徵性意義嘅參照物作為我哋嘅標竿, 一面旗幟就係我哋整場運動再次升華嘅關鍵: 只要有一面旗幟, 國際輿論先有一個可以承認嘅符號化目標-- 就係香港已經有初步形成政權嘅能力。

我亦夠膽咁講, 只要呢支旗一出, 呢個象徵性嘅符號一定會成為共產黨瘋狂攻擊嘅目標, 所有佢嘅喉舌、 鬼、 機關都會盡全力泛低呢支旗嘅意義, 因為佢背後所代表嘅係一個走向獨立嘅民族, 比起願榮光歸香港, 佢更加能夠進一步形成屬於香港人嘅獨立思想。

524 呢支旗一出, 及後即使共產黨點樣打壓, 送我哋去教育營又好乜嘢都好, 呢一面旗幟嘅意義, 已經深印喺我哋每一個香港人嘅腦入面, 思想層面上共產黨已經輸咗。

玩得叻啲嘅, 一路舉旗一路唱願榮光, 一定要畀記者同外媒見到形成一片旗海, 呢個象徵抗爭新一頁嘅畫面, 一定會成為主權國家新聞媒體嘅頭條。

所有香港人嘅抗爭行為同埋共產黨政府既反抗行為, 到最終都係引導至代表香港管理人嘅政治符號爭奪戰, 亦可以話係主流思想嘅爭奪戰。

換句話講, 只要啲鬼佬一諗到香港就會諗起呢面旗, 見到呢面旗就會諗起香港人, 我哋喺佢哋嘅心入面就已經係一個被默認嘅政體。 當呢啲條件已經達成, 我哋就已經完成香港爭奪戰嘅第一步, 之後就係點樣令國際承認呢個政權/思想體, 協助我哋全力抵抗國安法。

如果香港終有一日成功獨立, 軍隊可以繼續沿用呢支旗, 但係喺建國時期我哋更需要嘅係其他唔同嘅、 更加有親和力同知性嘅元素, 我哋到時可以諗過第二樣嘢。
2020-05-23 01:59:10
[文宣方向]利用武肺解決惡安法
https://lih.kg/2030421
- 分享自 LIHKG 討論區
2020-05-23 02:00:16
524 港島見
2020-05-23 02:01:18
光復香港
時代革命
嘅旗其實已經係最好
2020-05-23 02:02:54
524 港島見
2020-05-23 02:05:43
初頭可以同時舉用開嘅獨立旗


民族自強
香港獨立
2020-05-23 02:10:56
要出英文論述俾手足同外媒做訪問
2020-05-23 02:13:15
其實我都有諗過, 光復香港旗, 香港獨立旗都係利用文字表達訊息嘅旗幟, 如果旗幟係純顏色, 純 symbol 既話其實可以同我哋呢場運動建立更加深切嘅直接連繫, 呢個就係點解一般國旗或者軍旗唔會有任何文字嘅原因。

文字建立心理聯繫同連結唔同既概念需要較大嘅成本, 因為人腦處理文字嘅速度比符號慢六千倍, 利用簡單嘅 stimuli 如顏色連結深層含義, 能夠極大咁簡化所需嘅成本, 易更加容易牽動情緒。

通俗地講無論係講任何一個語言嘅人, 定係還是呢面期出現喺國際媒體面前, 一見到呢兩隻顏色, 不用多解釋就會即刻諗起香港民族同抗爭。

要令到全世界一諗起香港就唔會諗起嗰支紅色抽氣扇旗, 而係光復革命旗, 諗起革命期就會諗起香港人嘅堅毅同埋勇氣, 令到我哋嘅感召力變得更加強大, 就係靠呢啲。
2020-05-23 02:14:40
Look how they shine for you
2020-05-23 02:18:02
524 港島見
2020-05-23 02:18:21
無錯, 多啲手足睇到同埋支持就會出
2020-05-23 02:20:24
05240527
2020-05-23 02:21:40
舉咩國旗都好 唔好不舉就得 香港獨立
2020-05-23 02:23:40
推!
2020-05-23 02:26:25
好有心啊寫咁多
2020-05-23 02:27:55
2020-05-23 02:28:49
光復香港 時代革命
民族自強 香港獨立
2020-05-23 02:30:12
2020-05-23 02:31:04
粒星呢
2020-05-23 02:32:08
光復革命旗!
2020-05-23 02:32:32

2020-05-23 02:32:45
粒屌喇星無咩意思
2020-05-23 02:33:05
我最希望係由最底層嘅故事去發掘呢一面旗, 因為當佢一出街嘅時候佢代表嘅並唔單只係抗爭運動本身, 而係我哋作為抗爭世代呢幾代香港人最核心嘅價值, 同埋我哋對於自由制度最堅毅嘅追尋。

光復香港, 時代革命
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞