認證事實，我哋無本錢內鬥、做犬儒

當喪失是得著 2020-05-16 00:45:33

TLDR: 今日發生嘅四件事：
（1）6.12手足判刑比情操高尚斬人廢老更重
（2）議會DQ，硬推收成期上內會
（3）借DSE歷史試題掀文革批鬥教育界
（4）監狗會(無調查權)調查否認一切對警隊不利指控
可以預見，未來將會有更多政治逼害、批鬥，手執武器、法律同宣傳機器嘅政權絕對唔會姑息異己。

消化完悲憤，記住手足嘅犧牲，再做嘅唔係鬥黃之後繼續推甜Post，而係堅守信念繼續抗爭。
唔好比傷痛將你變成你做犬儒 (i.e. 議會街頭國際做咩都無用，好嬲好嬲不如等死）。
不作為其實等同默認政權，純粹悲傷只會令更多手足白白犧牲。

（長文 ) 點走出呢個困局可能係纏繞好多人嘅問題，先睇睇面對緊嘅問題

1. 抗爭成本：成本需要同回報相稱，抗爭切忌浪漫主義。

街頭戰線 -
狗狗戰術針對Black Bloc；
－直接包圍網濫捕，導致少咗人Cover安全離開
－引蛇出洞：自製「開花」，便衣埋伏
要思考街頭抗爭嘅作用
如果(癱瘓經濟)；和你Sing狗狗會自動波攬炒商家／地產（然盡量唔好避開幫過手足嘅商場 eg 朗豪坊、新港城）
(打狗）；即使比你近距離(幾乎不可能）火魔對全身防火裝嘅綠曱甴，比盡輕傷。出得防暴就係唔驚同你硬碰，糾纏亦無意義

2. 邊際效應：
就算當香港人唔會對警暴盲目，
有冇發覺最近狗狗改變策略，暴力鎮壓較少係鏡頭前出現，即使你想用血肉堆砌畫面；狗狗可以
(1) 先圍堵記者
(2) 入狗屋先發癲，巧妙避開鏡頭。

唔好因為贖罪心態而走上前，覺得被捕就可解決問題。除非有鮮明嘅目標，你先值得冒相應風險上去。想幫手有好多辦法，之後會講。

何況民鬥民格局正正就係政權轉移視線嘅手段：用黑警同藍絲嘅賤命去換手足嘅一生自由。
中共恨不得快啲上街，濫捕更多人，拉晒所有義士，將香港變成新疆，清洗呢一代香港人。
（頂多搵班即棄Condom祭旗、陪葬）
僵持呢個局面正中中共下懷。點樣對準政權（港共+中共）、抗爭多元化係我哋先要解決嘅問題。

3. 「外判式」抗爭：即使黃營有唔少人，資訊行動比率 係未足以抗衡國家機器。
舉個例子，Lihkg行動post 300個like，轉化到twitter只有大概10%。
黃店+投票只係基本消費，而點樣recruit更多人支持，拉攏淺黃甚至中間遊離？
（只要每個人可以說服多一個人轉軚，200->400萬，最簡單就從父母、親戚著手）

4. 代表性：
國際遊說需要代表，大家endorse嘅代表。
只有由上而下、由下而上，持續遊說民主國家，佢哋先有機會幫手（正值國際向支那追債）
而呢個論述，不單純用對抗極權嚟建立，更要揉合屬於我哋嘅願景、理念

5. 善用資源：
區議會、立法會嘅資源、「民選聲譽」應該加以利用，即使DQ亦係印證攬炒好機會。
－因此唔明白票作用，唔妥老泛民可以投本土派，累積經驗、影響力帶領抗爭
警暴資料嘅「核彈」，需要大家引爆，包裝再輸出（Memes?）
維繫已有嘅公民社會力量（eg. 立場，本土研究社）
鞏固返Youtube戰線 (CLS基本啦)

喺達成光復香港，時代革命之前，可能先要從自己開始，迎來思想／行動上革命。

即使無日程表行動，我哋可以做嘅其實唔少。唔鬥黃可以鬥呢啲：
英文好嘅話，join 咗Twitter tg，試下edit wiki，打國際戰線未？
有多餘時間可以聲援手足上庭，寫信比牆內手足!
有無幫襯出錢出力嘅黃店？唔止最出名嗰批，亦唔止幫襯餐廳(e.g. 光時、Jimmy Jungle）
有無幫手整合+更新警暴、政府濫權、法治失衡證據？累積實質證據駁斥所謂「本土恐怖主義」嘅說法？
關注下因為表態而被封殺嘅人，支持下本土文化，否則只會由劣幣驅逐良幣。
（與其晒時間批鬥唔表態嘅偽人，不如撐啲義無反顧支持你嘅人）

野比大熊貓 2020-05-16 00:46:38