月經-大家一齊貼貓貓相

先貼為敬


佢叫kingkong,三巨頭之一,成日挑戰貓大哥地位，重達6.3公斤


銀仔，三巨頭之首，12歲高齡，超級為食，我喺房入邊開薯片，佢一定聽到，然後瘋狂爪我道門，要我開門俾佢。每晚都要瞓我張床，雖然佢身為10隻貓嘅大佬，但係佢好少蝦其他貓

大舊金，三巨頭之一，12歲高齡，性格非常善良，成世貓都冇爪過人同貓，但甚少同其他貓有互動，其他貓都唔睬佢

牛牛，排行第六，非常活躍，睡眠時間比其他貓少好多，同屋企隻狗tiger超好朋友，如果佢係我房入邊，我隻狗喺房出邊想入嚟，佢會即刻跑去門口瘋狂大叫，叫我開門比隻狗，同埋成日擦隻狗鞋，非常鍾意咬啲襪，放喺我阿爸阿媽間房，或者我間房

豬豬，排行第七，同佢家姐牛牛非常好感情，性格極度欺善怕惡，專擦大佬鞋，經常蝦細過佢嘅貓，除咗三巨頭同埋佢家姐，其他貓都怕咗佢，同埋佢鍾意訓人大髀

介紹住咁多先

大豹，排行第八，我阿媽嘅心肝寶貝，善良，活潑，超嗲，同其他貓嘅相處都唔錯，除咗同豬豬，初期成日比豬豬蝦，但佢呢排開始有還拖，變咗大家都驚大家，同埋唔鍾意大家

執返嚟


領養

樓主rich
養十隻貓加隻狗仲要住洋樓

黑貓

養埋me ok？

唔搗亂，唔同其他貓打交，乾淨，識做家務整電腦換燈膽🥺

邊個叫我？

無咩事我訓先

唔養長毛貓？

屌你排隊啦

排緊

趴到勁樣衰

Thirty，排行第四，細膽，比較懦弱，非常癡我，因為佢哋未開眼臍帶未甩時候，我就照顧佢哋兩兄妹，半夜都要起身兩次幫佢地抹pat pat，同埋餵奶，係初期，除咗三巨頭，其他貓全部都有蝦過thirty佢哋兩兄妹，雖然之後已經冇咗呢個情況，但係佢都有焦慮症，係咁奶毛，同埋慢慢變瘦，而家放咗佢哋喺天台屋，同其他貓隔離，有冷氣，佢即刻開心好多，鍾意就走出去天台玩，眼瞓就返返去天台屋

我住村屋咋

除咗三巨頭，其他貓都係執返黎

好得意有一隻訓係個透明波波球入邊好搞笑，下面嗰隻好肥

樓主養埋我 唔打交好嗲三餐你放底我就食 唔洗食零食好健康

好識嘆

成屋貓好正 無時無刻都有貓痴
人間仙境

點解瞓喺度條尾會咁樣

我連自己都養唔掂啊

正呀村屋

執返嚟都咁靚

摸下佢佢就會好開心豎起左條尾 咁岩就比我影低左

July,排行第五，thirty阿妹性格都係細膽，都係一樣咁癡我，冇阿哥咁細膽，雖然都有比其他貓蝦，但係冇抑鬱，之後同其他貓都相處到，但因為想佢陪啊哥，所以佢都係天台屋

因為拖地要困籠 佢哋好不滿