有冇人試過生風癩生到咁（有圖）

細一轉天氣就咁 仲係成身都咁
個陣去睇政府比曬類固醇都冇用
又驗血又做曬一大堆test都搵唔到致敏源
轉左睇中醫 睇到咁上下得返大髀會出
依家個中醫話入風要拍佢唔係R佢 拍完又真係冇
自己觀察個排飲太多甜野會咁

樓主有冇將啲被單，枕頭套換晒佢？會唔會係蟲蟎吖？

轉季都有影響，之前我轉季就係咁生風癩，都係食治敏速就退。

以前成日有
成手成腳都係
耳仔腫晒 手指腫到揸唔埋隻手
但我最多一個禮拜 之後隔幾個月又再嚟咁
風癩有分長期短期
長啲啲真係可以生成個幾月
你搵西醫㩒住佢先
之後搵個中醫長期食藥啦

唔好等
等到急性變慢性就手尾長
我就係咁

有可能
新床褥係咪名牌野？劣質床褥有可能有蝨的。你試下搬去酒店住幾日，睇下有無改善，如果唔再痕，就可能係有蝨。

試過去完日本番黎香港就咁 最後請左幾日病假

兩樣都試過
濕疹D皮膚已經受損左 一R就好易損 又痕又痛又乾
風癩就R極都唔損 果種周身痕既感覺
btw 食粒piriton幫下訓教啦

都係睇皮膚科先，佢開左啲組織胺我食，都叫見效，起碼訓到，食左1年左右病情穩定左啲。
但斷唔到尾，唔食藥就會起，但範圍細左同冇咁痕，未去到影響生活個種程度
之後轉睇睇中醫，食左3個月中藥左右就好番9成，要忍口唔可以食啲濕熱野，個段時間戒左咖啡奶茶，芒果，牛，海鮮，菠蘿..
你都係搵皮膚科醫生睇啦

我打錯呀...係薑片點燒酒搽呀
佢嘅效用係冇咁痕
但唔會退走晒
我嗰陣搽藥膏都冇反應繼續痕
所以好過冇

似梅毒初期
快啲睇何家強醫生
https://www.seedoctor.com.hk/dr_detail-1.asp?dr_doctor=2800

yes. 千祈唔好用熱水
個下好爽
之後脫皮加乾燥 人都癲
痕既倍數幾何增加

介乜都無用 搽咩保濕都無用
搽無比膏仲好 自己唔r佢 就唔會愈黎愈大達
枱頭點都放兩枝 感覺到想起濕疹就搽

皮膚敏感黎，我4月初開始同你一模一樣case
開始得幾點但之後越生越多，手痕忍唔住R就越整越大範圍，呢啲即刻去睇醫生，食抗敏感藥同茶藥膏，仲要戒口

今次已經係我第二次出事，好多年前都試過係咁，睇幾次醫生都無用，最尾都係睇返同一個專科醫生先好返
診所係荃灣南豐中心9樓葉祺焜醫生，有需要可以試下

已經唔鳩理了，中西醫介口乜都做過，一年比一年嚴重，最嚴重就係冬天太涷個陣個眼球同喉嚨痕到仆街，如果真係想唔生就要日日食西藥

有 生到全身都有 r到勁厚
認真答你 我個次係用偏方清哂
1. 我個次痕到去醫院排急症 吊咗包藥水 吊個陣睇住佢散 吊完番屋企全部再出過
結果老豆話佢以前出過 用酒餅沖涼+米酒抹身好翻
我第二日買嚟試 放酒餅溝埋啲水沖 再一邊好少量米酒抹風癩位置 (因為酒始終都有刺激性 所以少少好喇）會即時舒緩啲無咁痕 當時我沖完涼就好翻
2. 呀媽係食敏感藥 再上網見人話煲啲黃片糖沖涼就好翻 （沖涼可以一日兩次用黃片糖煲水沖身（唔好溝生水），沖完唔洗過水，個身好滑好舒服的！）
搞唔掂可以試下希望你快啲好翻

溫書都搞到咁？

有，幾年都未好

屌你老母

晚晚都出 晚晚都逼自己做運動做到滿頭大汗 然後就退哂

傻豬黎嘅！用熱水個幾秒舒服完 一熄水就乾到傻 仲要好熱就愈黎愈乾 之後會更痕！一定要凍水沖 沖到唔痕！

我都有試過無啦啦生疹，心口開始慢慢生到落肚，手腳都有d，去睇醫生話我係生玫瑰糠疹，係會無原因咁生，都會痕，過一個月到就會自己退，我個陣個肚生到聖誕樹咁既樣