[春夏]衣著討論區(11)

出街行個圈都一蘿啦，黑色本身極端色黎，只要唔係黑白灰mono tone去襯十有九都出事。黑褲啡鞋、黑褲淺藍恤衫呢啲出事例子上環行個圈都十件八件啦

其實黑白灰本身唔係顏色，所以唔可以用對比色(color wheel既對面)或近似色(color wheel既側面)做配搭。黑色基本上係可以同Tint做到對比色既效果，同Shade做到對比色既效果，但都唔係完美既顏色配搭，除非係襯返黑白灰。所以黑色可以話係好overrated既懶人專用色，因為襯大部份色都唔會fail，但亦唔會好睇。
利申: 唔係讀arts 9up only

其實望落去「唔靚」已經係fail⋯⋯IMO。同埋著衫唔可以純睇colour wheel，因為有好多約定俗成既東西，岩岩講過黑褲啡鞋就係典型一個唔識會覺得怪怪的，知就覺得你柒既例子。

同埋有啲野唔係淨睇顏色，texture同款式、位置亦要考慮在內：就好似牛仔褲係頗百搭既item，但有玩西裝的都個藍色系（尤其navy褲）既西褲特別難襯，明明係同一個色但效果就差好遠；而理應好襯既灰色，雖然做褲係百搭，但做褸係鮮有好睇的。

Where do you Learn that
Teach me plz

貼圖啦 文字討論有咩用

黑褲啡鞋都可以著得好睇，傳統黎講黑色係唔可以同啡色一齊著，但我覺得呢條規則同no brown in town一樣係過時既style rules

我又唔覺得黑色襯顏色唔會好睇喎
只要喺Layer同衫嘅Texture上多啲變化都可以襯得靚
圖我貼啲誇張啲嘅outfit 費事太簡單又話懶人專用色

睇個人喜好架姐，就好似有人唔鐘意著白色褲咁。
你講咩都說服唔到佢著，莫講你叫佢試下白色褲襯其他顏色，可能會有唔同睇法。

真，著衫呢樣嘢好個人

其實我應話係「唔會係最好睇」，但又未去到mismatch，我唔反對著黑色，因為黑色係好百搭既顏色，但好多時都可以搵到更好既顏色配搭，正如我上面講黑褲啡鞋都一樣得

認同你睇法算中肯。
不過人睇你，你睇人，不外乎用會自己角度黎考慮同評論其他人。
第一張outfit layering 係日本都幾多人仿效，

根本件事都唔夾不過你唔覺得柒咁我都無辦法，好個人。皮鞋黎講啡鞋襯beige、灰、啡、綠甚至Denim（indigo) 都好過黑。而黑褲襯oxblood、黑鞋、midnight blue都一定好過啡鞋。




上面啲圖全部我黎，要其他顏色配搭我聽日再影。BTW黑色褲最襯既一定係黑鞋,有的「rules」確實會過時，但有好一部分都係一啲好直觀既視覺效果。

唔覺得好睇但respect

有圖討論

咁如果沙色or 驚皮鞋都係用返相似既rule?都係唔太夾黑褲？

感覺同啡鞋類近

牛巴好唔同野都respect
Tailoring 同 Fashion show 都幾兩個世界嘅嘢

Fashion show本身唔係純為好睇，有時設計師為左表達一啲概念、理念，又或者係要做一啲嘗試同突破，設計出黎既果「一套野」並非真係for你現實平時著（拆開可能ok）。而fashion week出現的那些名人、街拍，為左表現佢地既character 同吸引鏡頭而著得特別誇張。

利申：每年pitti uomo同Milan fashion week都要死過去做野

番番去本身個問題，真係睇係點定義fail，我眼中fail既定義係「唔好睇」、「唔協調」，就我既定義去講，黑褲fail例子真係多到圖都唔洗貼，上面貼的黑褲啡鞋，都係果句，唔識就望落怪，識就覺得柒，都不是甚麼好comment黎。

BTW如果係答番果個巴打既問題，黑色褲上身要襯乜，要好睇一定係黑白灰。T shirt+黑褲的簡單襯衫，黑～灰>白；但如果是襯褸就要睇款，西裝款一定是黑～白>灰，Pea coat一類比較casual既褸反而又會灰色>黑白。

呢啲野真係case by case，但黑褲百扣襯乜都「唔會好柒」「唔會fail」我就真係不敢苟同。