老屎忽路過又懷緬下先。全部講緊正服。
其實成隻game個系統真係無出其右,d人成日屌血差問題,一睇就知係新到唔新既人或者好後期無曬人玩先玩既人。 明明個血差去到尉級已經大家都係一樣,升尉係幾日搞掂既事,而且多人玩時,d人開場都分曬條場,校場,將場,任君選擇。 我自己係尉時就最鍾意入將校場拎住支士官步,hg70 冧完人再執槍打,殺高lv又可以有經驗加成。
而且隻game個按lv 配槍又係一絕, 上少尉有少尉手槍送,把野我仲記得係50攻,果時未多bug槍又冇乜人有錢買點,個個拎住少手已經係好威既一件事,之後升上中將又有中將手槍送,d人通常都係一升到果個位就放把配槍出來,不過後尾唔知乜bug可以瘋狂賣完又自動生番出來,搞到隻game一野封埋個交易系統,先令到隻game既一大特色冇埋,其實e家有邊隻槍game仲有玩家之間既交易系統? 仲記得果時係藍國人,買左把hg70 但 想要紅國既果把(唔記得咩名,相等實力既槍,btw e個又係正,兩個國既槍都係唔同但又相對數值) 之後係交易大廳到嗌左成晚先有人肯比我加錢換,純係因為把野靚d,個聲好聽d。
另外隻game最正既射擊系統絕對係把狙,玩過n隻槍game, cs,csgo,ava,冇一隻game既狙系統夠佢正,把狙有咩特色上邊都有人講左,最重要係佢真係做到一樣好中二但其實幾熱血既野,就係狙在人在,狙亡人亡,果時d狙神,乂天使仔乂,maskasa_櫻( 唔記得有冇串錯),〈冰。。〉,隻狙真係神到可以以一個人封撚左成條路,係mk一人封撚左條2樓,中路或者女人街,真係好恐怖,最正既係見到ed 狙神出現係同一個場,佢地會自動唔同隊,然之後其他人都會自動讓條路比佢地隻抽,係第二d地方打生打死,然後有人會想兜佢地屎忽偷雞,佢地一個轉身快狙ko你,基本上副槍都唔會換,正係玩一把狙。而且,我唔知點解之前玩d私服好似冇左回事,明明係正服到用210打身(其實未必一下死,打得低係要2下)2下死,係會比人屌,會比人話係身狗,一定要爆頭先叫有實力。
然後隻game個升lv系統又係完美,上到將之後升lv已經唔單單係睇經驗,仲睇勝率(kda),成隻game既上將限左係200個左右,係排行榜見過上將之間既排名,下一個多上一個幾十萬經,但排低一名,就係輸個勝率。
之後軍團戰方面,神話獵人真係好似傳說咁撚樣,個團集合左成個game入邊最top果班人,我唔知有冇輸過,但總之我未聽過,佢地係癲到班人個個退出晒冇玩幾年,個團仲係軍團榜第一,差唔多去到隻game收皮既時候仲係,就係因為佢地嬴得太多軍團點。間中會有一兩個神話人出現係街場,個個都會當神拜,我仲記得果時我中將想入團,都未去到考試,一問kda話係1.6就話唔收,其實(果時已經幾勁,不過新手時入高手場比人屠得太多,d kda拉唔番)
btw,我小學雞三年班開始玩,隻game最開始出現既頭幾個上將我真人識得3個,一個係坐我隔離個同學既阿哥 阿愁,兩個係長期係同一間網吧既 小文子同 =戰神dee=,小學雞又新手既時候見到佢地真係水都出埋唔係講笑。 仲記得隻game既第一個上將 我不小心用刀( 條友個影響我估應該令到咩槍game都會出現佢個名) 但其他上將係勁不屑佢,話佢垃圾。
最後,e 隻槍game之所以咁經典,除左係個系統正,亦都係因為佢出現係香港online game最鼎盛,但網絡資訊又未流通到極致既時候(果時youtube都未hit),但d勁人唔知係咪睇得武俠小說太多,係街場出現一定扮撚晒野d人r水吹佢會唔理人,一個人清場比人吹奏又係唔理人,係個個都咁撚樣,諗起都好笑。但係加添左隻game既魅力同神秘感,亦都係點解我小學雞真人見到上將會濕晒既原因。
仲有mods
m櫻玩狙真係勁 將場成日見佢玩黃狙係大街拎first kill
不過個陣玩惡2多 覺得個場好正
惡2都有一班藍國團成日開團戰 不過唔記得團名係咩
Mods 我覺得還可以,個團d人又係成日集結係我去開個網吧,國b d人成日話佢步神但真人睇佢玩我覺得還可以。不過之前有條友叫小妹,成日串77,係街場國b出現之後,因為識佢真人,屌到佢飛起,聲都唔聲下,好好笑。
個kit888唔係普通重狗,好多人都鍾意佢,因為佢渣重係玩camp同埋聽聲埋伏,好勁