水晶集中討論區（5）繼續貼啲晶上黎啦！

無人ok

我有粒螢石同白晶原石

我都有舊白水晶，買左之後就覺得手鏈頸鏈要差電唔抵，串白水晶又唔夠佢勁
嗰排我成日揸住黎冥想，後尾先知接觸太多能量勁得滯
而家擺喺床頭附近瞓覺個頭右邊，好似唔記得左佢

我之前feel到有能量架 慢慢開始唔識feel 全部水晶都係得個凍字 當飾物戴算

新手買左條好平既s7試下 質素差會唔會影響功效

又網上買？

實體店 貪平買黎試下 少礦會唔會無效

我見過有間鋪，條條都80蚊
佢就話係天然

我買二百幾

聽講碎石好似唔work
琴日淘寶買左個細晶簇
唔知真唔真

淘寶買左條s7想問係咪真

可唔可以幫我睇埋

新手LM
上網買咗呢幾條 想問質素如何

粉晶


草莓晶


紫晶


黑曜


送嘅舒俱來


唔貴 但驚買到假

水晶唔怕假只怕貴

呢條係S7？極少礦同啲色好差

呢家基本都少假野，某啲高危石種除外
優化處理比較多
真既但質素差一樣可以$1蚊都唔值

全部都係遠鏡影成條點睇
不過起碼可以話你知條舒俱萊好屎

首先唔好買爆花，尤其是透明得嚟啲顏色唔均勻嗰啲
多數係人工水晶(都可能有天然水晶嘅)加熱爆花然後染色
呢啲爆花染色水晶仔細睇可以睇到顏色主要集中喺裂縫度
白晶爆花可以係天然爆花或者人工加熱爆花

白晶，紫晶，茶晶，黃晶天然石算平，不過都有唔少人工水晶
紫晶加熱會深色咗，不過天然深色好常見
黃晶同茶晶天然同人工都有，人工黃晶係紫晶加熱，人工茶晶無記錯係照過輻射，啲水晶越深色人工處理越勁
透明綠晶好似無天然，都係人工處理

鈦晶，髮晶已經有人工合成水晶，產地大家都知
粉晶，草莓，S7唔清楚
暫時應該得幽靈晶一定係天然，不過有機會處理過

白啡黑紅瑪瑙比較少染色，淺藍都有天然
鮮粉紅同藍色九成九染色，綠瑪瑙唔肯定
總之太鮮色就要提防

其他天然石太多好難逐樣講
玉石可能染色或者浸油，入膠
透明天然石太多裂紋都可以靠入膠，浸油減少
勁透又鮮色嘅海藍寶，摩根賣得平多數係合成或者玻璃仿製(實色多數天然)
金沙藍沙無記錯應該係撈咗金屬沙嘅玻璃
普通黑曜即係天然玻璃，亦有人工黑曜
琥珀有膠造仿製品，磨粉加熱重製同人工爆花
捷隕好多廣州貨，多數係圓形一pat好多凹坑咁樣
街賣好平嘅藍色黃玉手串一定係輻射加熱處理，深淺都係
透嘅紅紋貴，但係實色嘅天然貨平好多
貓眼太直太硬有機會係合成石，虎眼好似冇聽到有合成
太陽石，月亮石，拉長石絕大多數天然

太耐冇溫書，淨係記得咁多
都係嗰句，賣得太平就小心啲啦

唔知點解近鏡會focus唔到



呢條黑曜用電筒照會有紫光

條舒俱來送嘅 都唔expect 啲咩

鏡頭擺太近
去影相app設定較到最高解像度，遠少少影(focus喺前面粒珠)然後cut細幅相，唔好縮細

據我所知黑曜應該係好深嘅灰或者啡
點解會透紫色光呢點要搵戴黑曜嘅巴絲解答

啱啱google 咗話紫光一定係真
Btw唔該哂巴打

咁會唔會冇效