首先,成件事又冇咩爭議點,唔理係司機定佢唔啱,成件事都係好簡單,就係有個女學生比小巴撞死。又唔係話咩尋仇,奇案定有咩大意義帶出。
相對於同類事件,每年唔知有幾多個老坑比車撞死啦,但回響一定冇咁誇張,反而係平平淡淡咁過左。你話我口臭都係咁話,嘩,唔講以為呢條女係香港核心人物 ,交通意外瓜左嘅新聞可以換黎係5個鐘內500幾600k views(淨係計蘋果),連登大量post討論 。唔好同我講咩條女大把前途,即係作為一個有同理心嘅人,我唔認為阿伯阿婆條命同個細路女有分別,何況有句說話,該死唔洗病,就算個女仔今日唔死,佢聽日可能都因為其他原因出事,班老野分分鐘長命過佢。點解單純因為佢係細路女呢個point而放大成件事?
好,你話留意時事唔好咩?好呀,但唔該唔好選擇性留意囉,早排連續十日有人(包括多個學生)跳樓,你地d時事觸覺呢 ,同理心呢 ?去曬邊 ??即係你地覺得一個有機會係因為自己過失而比車撞死嘅女仔可憐過班比香港教育制度搞到壓力太大而跳樓死嘅o靚仔?
唔該你班香港人醒下啦,成班羊群心理,人地話可惜你又可惜,早兩日有報紙賣有個ol因為白血病毀曬容,個人腫到要用拐杖,仲慘過死啦,佢又可唔可惜呀?又唔見你地留意下
最後,我上面講咁多野唔係希望你地忽視呢d新聞,而係想大家對所有新聞都一視同仁,唔好再人云亦云,又或者見到任何term而影響左自己個分析,變左偽善撚,將件事放大。試問呢單新聞係唔係真係值咁大回響。
其實講到尾咪又係少左條人命,香港每日都唔知唔見左幾多條啦