貓仔係咪一定要絕育﹖

新手又野想問，請各位指教。

小弟宜家有隻一歲男仔。我仲諗緊同唔同佢絕育，基本上我唔會放佢出街，亦唔打算搵隻貓女返黎，我都唔介意佢發情時亂叫亂爪同屙尿。我唔想幫佢絕育係因為唔想佢無啦啦要受一刀，目的只係為左主人啲財物唔會爛同嘈住我。

不過又有人話絕左育係會健康啲，但我唔明，因為明明唔絕育先係天然架。

但我將來可能會養多一至兩隻貓仔，如果全部唔絕，係咪會好易打交﹖

現時係日本，我打算下年帶佢返香港，如果要絕都係到時先絕，貓仔果時大約兩歲，又會否太遲﹖

請多多指教！

另外，隻貓一歲，4.6 kg 算唔算太重，佢係美短。

你肯定唔會嘈到其他人？

係咪名種打算配種要留條後路呀

絕育
我所有的貓都絕育了

你自己諗想扑無得扑咁既感受囉 唔絕育反而對隻貓唔好

我以前都好似你咁諗
但最後都係絕咗
未絕育個陣佢發情發到24/7咁搵嘢un
甚至un到個樣好辛苦伸曬脷虛脫咁
最主要都係因為un公仔個啲佢發洩唔到
（我甚至比埋手指罅佢un 諗住希望佢發洩到實在太on9）

最後同佢絕咗育之後佢活潑返
唔再日日淨係食同un
肯玩下玩具跑動下同埋瞓返夠時間

老實講 最簡單做法就係留意佢一歲前發情期係咩情況
隻隻貓都唔同 絕育有好有唔好 如果佢未去到完全搞唔掂既情況都唔打算帶佢絕

多謝各位意見。

男仔貓絕育好簡單，唔係咩大手術，十分鐘搞掂。同埋如果唔絕育，有機會一個大問題係佢會噴尿，有D主人會話到貓仔噴尿先去絕育，但當有噴尿習慣后先絕育，佢未必會改到習慣。換言之，佢有20年命，你每日就要幫佢抹尿20年。

同樓主一樣諗法
好唔忍心貓貓做手術
兩隻都仔 快一歲
樓主決定成點