每日為咗掃黃暴飲暴食加狂啪台式飲品
我體重大半年間已經暴升咗>40lbs
冇橡筋個d褲開始著唔落,行多幾步就喘
d血糖仲開始忽高忽低
會失控到咁其實因為黃店真係幾好食
伏都遇過但比例極少,大部分都中上quality
比起以前去藍紅連鎖店食個d豬糧高質好多
但為咗健康黎緊都要轉戰d清淡d嘅黃店
有本錢狂食嘅手足要靠你地幫手頂住喇
拉埋你地陪我一齊增磅
帶大家睇下我墮落之路
風尚台灣小食(天后電氣道)一碗飯俾差唔多十舊鹽酥雞
個飯底多到我平時食開兩碗飯都爭d食唔哂
Bean the backyard(Popcorn2)呢間主要食all day breakfast,burger之類
但最撚痴線要數呢個甜品,58蚊勁足料
朱古力配柚子sauce
古月(北角錦屏街後街)係佛堂群組個陣深入虎穴入去試
個咖喱汁真係CLS,d豬頸肉又俾得多
Your home cafe(銅鑼灣駱克道)見到上咗告急list去試(幫手頂住阿!!!
)環境好舒服,main dish定小食都水準以上
仲有大富翁層層疊玩,超適合拍拖人士
Vortex American Snack Bar(將軍澳唐明街富康花園,個位好唔起眼下)
唔撚係講笑,係我食過最正嘅burger同nachos
完全係以前細個去外國食過嘅味!!
好想食d小食,但老細話運動成功之前唔賣炸野
想甜嚐甜(堅尼地城士美菲路)睇相都知高質,香蕉船有埋焦糖面
個火陷山入面仲包住好多泡芺
我愛慢煮(上環孖沙街)食肉獸至愛,食咗羊同牛,d肉又嫩又juicy
加個溫泉蛋當sauce直頭直達高潮
阿土伯鹽水雞(觀塘東廣場)份量少咗d,但個調味係究極級
個人覺得仲正過去台灣通化士林夜市食個d
實在食咗太多不能盡碌....
最近因為武肺同正苦d濕鳩政策
有好多黃店都開始頂唔住
黃圈發唔發揮到救生艇作用就睇依家喇
所以希望大家除咗明星黃店外
都要多懲罰弱勢小店
同埋黃店如果頂唔住請盡早出聲
唔好次次都捱到準備執先黎告急
好,冇咩我返出去食沙律了
海膽屋(上環永樂街)痴線意大利佬jacomax pizza隔離
仆你個街d三文魚刺身食完個口會回甘
花之戀仲可以mix牛油果,芒果,蟹膏
