《我用廣東話征服世界》新手 自行選擇甜度 2

960 回覆
91 Like 5 Dislike
2020-04-04 00:52:42
多謝各位一路支持,終於開新post ~

如果係新讀者有興趣可以睇返舊post先

《我用廣東話征服世界》新手 自行選擇甜度
https://lih.kg/1806215

有追開嘅,多謝你地鍾意睇
2020-04-04 00:57:11
鳩拖住童童一路談情說愛一路行返屋企。
「你話呢~BB叫咩名好啊~」童童橋住鳩手臂問。
鳩摸著童童肚子淺笑:「咁快就諗叫咩名~?」
童童挺起肚子傻氣地笑著說:「嘻嘻~諗定先都無壞呀~」
鳩搣一下童童面珠墩:「嘻~都唔知係男仔定女仔~」
童童拍一拍肚子嘟起嘴說:「如果係女仔就好啦~」

佢地返到屋企,林海欣早就等待多時。
「返嚟啦~」林海欣高興得攬住童童。
「嘻嘻~係啊~」童童尷尬地笑說。
鳩企係隔離心諗:「咦?幾時咁friend架?」
「話時話茉里奈呢?」鳩好奇問。
「俾我嗌走咗啦~」林海欣淺笑說。
童童:「係啦⋯上次講嗰支唇膏呢~個顏色真係好靚喎⋯⋯」
林海欣驚訝說:「你買咗啦!?」
童童:「係啊,行過見到咪買咗囉~」
林海欣緊張說:「聽講有BB唔好搽唇膏啊~」
童童驚愕:「喔?原來唔得架?」
鳩企係一邊見到佢地傾得咁開心就去睇電視,今日有鳩追緊嘅動漫播。
睇到一半嘅時候禮行傳咗個訊息俾鳩。
「仆街仔宜家得閒?」
「得啊,做咩啊?」鳩好奇問。
「出嚟啊~我無帶銀包啊⋯」
「喔!?咁我依家過嚟啊,你係邊啊?」鳩熄電視就準備出門。
「係你屋企隔離間便利店~」
「好啦,你企係到等我啦。」鳩愕然點解禮行會嚟嘅,之後就著鞋落去。

「咁夜去邊啊~老公?」童童好奇問。
「er⋯⋯搵⋯朋友⋯⋯」鳩心虛起來說。
「係咩~」童童一眼就察覺到異樣微笑說:「如果你呃我呢~個BB就會無爸爸架啦~」
鳩頓時嚇到鼻哥窿都冇肉,即刻吐出真相。
童童扁起嘴說:「唉~去啦~」然後就返入房同林海欣繼續傾偈。
2020-04-04 01:01:04
係文啊
2020-04-04 01:02:48
文呀!!!樓主
2020-04-04 01:05:39
打緊
2020-04-04 01:06:11
等你出文
2020-04-04 01:24:06
點解童童佢地咁大方
鳩成個韋小寶咁
2020-04-04 01:39:07
新post 又有文
2020-04-04 02:31:39
鳩攞起條鎖匙就出去搵禮行,今晚有啲凍鳩就著咗件外套。
「喂~依邊啊⋯⋯」禮行坐喺電單車揮著手叫鳩過嚟。
鳩就連忙跑過去攞個無乜錢嘅銀包出嚟交俾禮行:「嗱~」
禮行接起銀包笑說:「咁輕嘅~」
鳩尷尬得摸著頭:「我都唔想嘅⋯你知唔知點樣搵多啲錢?」
禮行諗咗陣:「打劫銀行⋯?」
鳩聽完嚇咗一跳:「唔得⋯!犯案嘅嘢我死都唔制啊~」
禮行竊笑,拍一拍鳩心口笑說:「哈哈~咁你又殺人?」
「咁佢地抵死嘛~係啦,你做咩無端端係到嘅?」鳩好奇問。
「掛住你囉~」禮行嬌嗲說。
鳩有啲沾沾自喜:「嘿嘿~咁今晚我地周圍去啊~」
禮行:「你唔洗陪女朋友咩?」
鳩心虛說:「er⋯⋯佢有人陪架啦⋯⋯」因為禮行唔知林海欣住鳩屋企。

禮行見鳩反應咁奇怪,有啲疑惑不過無追問。
「係啦⋯明宴會最近有啲事,你都係唔好去住⋯⋯」
「做乜事啊?」鳩好奇問。
「自從四眼仔死咗之後,首領就發晒癲叫啲手下周圍殺人⋯話要收集多啲舌頭唔知做乜。」禮行R一R頭說。
鳩諗咗陣突然估到首領想做乜,就慌失失咁問:「咁你有無問啲舌頭放咗邊?」
禮行感覺莫名其妙:「緊係無啦~咁噁心~」
鳩又追問:「咁首領啲手下點啊?」
禮行收起個銀包說:「嗱!依家明宴會七國咁亂,分咗做三派人,首領一派啲、兩個副首領各自一派,跟首領啲人一係就忠心耿耿,一係純粹係想殺人啫,而兩個副首領就一直都有自己嘅勢力,話係時候要換首領。」
鳩好奇問:「咁你呢?你係邊派架?」
禮行笑說:「無架我~上車啦~」然後把頭盔交到鳩手上。
鳩愕然:「去邊啊?」
「哈哈,一間你咪知囉~」禮行戴上頭盔準備開車。
2020-04-04 10:50:51
2020-04-04 13:29:13
新post Lm
2020-04-04 13:56:55
已正皮
2020-04-04 19:14:15
留名
2020-04-04 21:44:37
今日有無文啊樓主
2020-04-04 23:07:02
有的
2020-04-04 23:49:43
fast la
2020-04-05 00:33:54
鳩坐上車就跟著禮行出發,途中鳩一直色迷迷咁望住禮行PatPat,
巨龍又蠢蠢欲動,就索性攬住禮行條腰不知不覺就瞓著咗。
「喂~到啦~」禮行拍一拍鳩手臂。
「嗯⋯⋯」鳩迷迷糊糊張開眼睛,然後捽一捽眼望出去周圍。
「!!!」鳩嚇到眼都大埋,依個地方荒僻清靜,一個個墓碑整齊地排列。
令人毛骨悚然有種倩女幽魂嘅感覺。
忽然一陣寒風掠過,鳩打咗個冷陣,慌失失咁問:「夜麻麻嚟墓場啊⋯?」
禮行見鳩個樣咁驚就順勢講:「你知唔知呢,依到夜晚好鬧鬼架?」
「吓⋯?唔係掛⋯⋯」鳩坐係架電單車死都唔敢落車。
禮行見鳩驚到咁就笑咗出嚟:「哈哈~講笑咋,落車啦~」
「去邊啊⋯?」鳩問。
「嚟得依到緊係掃墓啦~」禮行放低個頭盔就行。
「喔?探邊個啊?」鳩好奇問。
禮行撥一撥頭髮:「探媽咪啊~」
鳩記得禮行講過佢屋企人幾年前意外過咗身,後來俾副首領帶咗去明宴會。
「喔⋯⋯」鳩點點頭就跟住禮行入去。
鳩咁大個人從來都無去過墳場,連啊爸啊媽係點死都唔知。
每次問啊哥,啊哥都只會笑笑口輕輕帶過。
2020-04-05 00:48:02
點知佢哋同一個老豆
2020-04-05 00:49:58
咁好恐怖喎
2020-04-05 01:14:50
Lm
2020-04-05 01:41:50
「咦~又嚟探屋企人啊?」墓地門口有個推住車嘅啊婆問。
「係啊~明嬸~」禮行攞出鳩嘅銀包:「要摘花啊唔該⋯」
個啊婆摘花出嚟笑說:「男朋友仔啊?」
禮行尷尬說:「係啊⋯⋯」然後打開鳩嘅銀包:「咦⋯得一張五百蚊紙咋喎⋯⋯」
「嗱~唔洗找啦。明嬸今日早啲休息啦~」禮行果斷咁用晒鳩啲錢。
鳩企係隔離呆鈍地睜大雙眼,望住自己啲錢一口氣無晒,淚水湧上心頭。
「多謝~多謝~啊妹真係有心~」明嬸接過啲錢就推著車走左。
鳩望住佢嘅背影五味交雜,兩個人身上都無晒錢⋯
「俾返你啦~」禮行俾返個銀包鳩。
鳩傷心欲絕咁攞返個銀包,然後就跟住禮行入去。
2020-04-05 01:46:05
新post lm
2020-04-05 04:31:15
Lm
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞