第一 我地唔識任何拍攝手法剪接設計等等 所有野由零夾硬開始 努力學習緊 亦都由徒手拍到買腳架又用雲台 如果做得唔夠好請見諒
第二 收音方面我地已經不斷求改善 由冇咪到指向咪到買埋夾咪 可惜我地冇budget再買第三個咪 所以1523老闆娘會有少少細聲 唔好意思
我地唔係一個人 其實有三個人做緊 但如果要由一星期一片改為一星期兩片 要多一team人去做
而拍既舖頭 訪問問題 點樣剪 配樂封面設計等等所有野都係變數 每次都要傾要揀 VO亦都要加人
係所有野都唔同晒既情況下 究竟新team係獨立運作好定由我管埋好?..
開多一team同開多另外一個channel係完全冇分別
幾人之力或者好細 我地亦都唔及專業 但我地已經盡最大努力去做緊同埋進步緊 希望你明白以上既顧慮