碧咸最終打算排出三後衛嘅陣式,以加強防守力,應付即將來臨對賽阿仙奴一戰。
「歡迎來到週中嘅英超直播賽事,榜首大對決,曼聯主場迎戰阿仙奴。雙方由開季至今都大打進攻足球,曼聯分別喺皇家馬德里同多蒙特分別購入巴爾同查頓辛祖,大大加強咗側擊能力。至於阿仙奴則從切爾達收購咗前鋒艾斯巴斯,至今上場九場錄得七個入球四個助攻,實力不容忽視。」「係啊,雙方收購都踢出身價,而且兩間球會都一直係競爭對手,新仇舊恨之下,大大加強咗今場比賽嘅觀看性。」「好,我哋介紹一下由碧咸帶領嘅曼聯同阿迪達帶領嘅阿仙奴,雙方分別嘅出場陣容⋯」
碧咸此時喺更衣室,同球員作最後嘅訓話:「依一場比賽,唔只關乎榜首之位,仲係第一場正式對戰列強嘅比賽。你哋要打得前精彩,贏得漂亮,唔好辜負一班專程過嚟睇你哋嘅球迷,知道嗎?」眾球員高呼一聲:「知道!」然後便準備出場迎接今場比賽。
喺出場通道中,碧咸迎來對方領隊阿迪達,大家識英雄重英雄,來個先禮後兵。大家先握個手,阿迪達:「今場將會係分出誰更加配得上踢而優則教。」碧咸:「個人榮譽我不在乎,我只在乎球場嘅演出。」阿迪達:「哈哈,就睇下你教嘅球隊出色,定係我教嘅球隊厲害。」
比賽喺球証吹響嘅笛聲下正式開始,碧咸已喺球場邊線指揮著,一刻都唔敢鬆懈落嚟。直至比賽嘅七分鐘,普巴一次攻門,對方龍門萊諾雖然將球撲出,但梳爾後上迎來機會,攻入自己今季嘅首個入球。之後比賽互有攻守,雙方鬥個你爭我奪,就連邊線嘅碧咸同阿迪達都忙個不停,一時指手劃腳,一時大呼大喝。比賽嘅三十二分鐘,阿仙奴小將馬天尼利接應比比嘅傳球後,成功避開麥佳亞嘅攔截,一射破網,為阿仙奴追平比分一比一。之後接下來嘅比賽雖然緊湊,但雙方再無攻入任何入球,比賽暫時以一比一完結上半場。
碧咸知道今仗非勝不可,想起上次費蘭嘅勸喻,換人要夠狠夠準,所以一直盤算著究竟應該怎樣作出一個合適嘅調動,考慮過多重因素後,碧咸最終決定⋯
A 連迪洛夫 <-> 般奴費南迪斯
B 普巴 <-> 格連活特
C 雲比沙卡 <-> 占士