[選項] 碧咸領軍紅魔鬼

咁多人揀雲比沙卡七旋斬

B
因為James暫時除咗爆之外冇乜特點另外果兩個自己都叫有啲個人能力

sorry
係A

A

awb練七旋斬啦想睇awb中圈附近放長波助攻

碧咸心目中嘅人選就係雲比沙卡，因為碧咸覺得雲比沙卡有速度，攔截夠狠夠準，而且踢法具侵略性。如果能夠提升長傳嘅準繩度，將會為右路嘅進攻帶來更多樣性嘅變化。「雲比沙卡，我希望你聽日能夠抽空喺早上返去球會見我，並帶齊訓練所需裝備。」碧咸喺比賽完畢，球隊解散後急急送出一條短訊。



翌日，碧咸一早返回球會，喺訓練場做了一些佈置，然後便靜心等候雲比沙卡嘅來臨。不一會兒，雲比沙卡出現於碧咸眼前，「領隊，唔知道你今日約我有咩事呢？」雲比沙卡禮貌地問。碧咸:「雲比沙卡，你喺我帶領下已經踢過好幾場球賽，我對你嘅表現非常滿意。今日約你返黎其實係想將我一門絕技傳授俾你。」雲比沙卡滿心歡喜:「百步穿楊嘅罰球？」碧咸搖搖頭:「非也，係我獨步天下嘅七旋斬。」雲比沙卡微感驚訝:「但領隊，點解會揀傳俾我？」碧咸:「我信任你，並希望你可以為曼聯，甚至英格蘭國家隊貢獻更多。」雲比沙卡有點感動，講不出聲:「領隊我⋯」碧咸:「方法，技巧我統統都可以傳授俾你，但要練成就靠你自己嘅毅力同堅持。」雲比沙卡堅定不移:「我一定唔辜負領隊嘅期望。」碧咸:「好，咁我哋一齊落訓練場喇。」

平時熱鬧非凡嘅訓練場，今日只得碧咸同雲比沙卡二人，場上嘅佈置亦同平日不一樣。做過熱身運動後，碧咸將提氣同換氣嘅技巧教授俾雲比沙卡，雲比沙卡心想:「竟有如此竅門。」然後收斂心神，專心一致咁記低碧咸所講嘅要點。一番講解過後，碧咸問清楚雲比沙卡是否明白，便隨即示範七旋斬。雲比沙卡見到場上嘅不同角落擺了好幾圓筒型嘅垃圾桶，正當猶豫有何作用之時，碧咸連踢了幾腳，皮球都統統掉進垃圾桶內，準確度可謂百發百中。雲比沙卡早知碧咸厲害，但當親眼所見後亦驚訝得難以置信。碧咸示意叫雲比沙卡一試，雲比沙卡呼了一口氣，又踢了幾腳，雖然踢得似模似樣，但卻只得一兩個皮球掉進垃圾桶。碧咸提醒雲比沙卡:「緊記腰馬合一。」雲比沙卡接著繼續練習，也不知時間過咗幾耐，只見雲比沙卡滿頭大汗，氣來氣喘。碧咸:「凡事不可一步登天，今天到此為止吧。只要你依照方法練習，一定可以練成。」雲比沙卡:「知道領隊。」隨即把場上嘅一切收拾好，然後便去了更衣室梳洗。

碧咸回到辦公室內，正打算處理一下文件及翻看一下比賽記錄時，電話響起，傳來一則訊息:「你寂寞嗎？孤身一人嘅你立即回覆，馬上為你安排美人相伴。」碧咸會⋯

A 立即回覆
B 視而不見
C 心存懷疑

C

c

a

c

c

秒

碧咸見到這樣一則訊息，心存懷疑。雖然碧咸有一刻衝動想要回覆，自己孤身一人，離開家人，隻身回到曼徹斯特。能夠執教自己最愛嘅球會當然高興，加上球隊事務繁忙，而且極具挑戰性，碧咸頗感分身不下。但有時夜闌人靜，自己一個躺在床上，難免感到寂寞難過。此刻面對如此挑逗性嘅訊息，碧咸何嘗唔感到心動。但想起多年前自己捲入桃色新聞，今日所謂見過鬼都怕黑，深怕這又再是一個桃色陷阱。唯有馬上將訊息刪除，以免自己再胡思亂想。



週中又有一場次回合嘅歐霸賽事，喺主場迎戰第一輪比賽對手札爾吉里斯。球員們正在忙於備戰，加緊操練。雖然如此，氣氛依然相當愉快，因為上回合領先三比零，大家都相信要爭取出線並非難事。就喺依個時候，一個既熟悉又帶點陌生嘅身影出現喺訓練場。「費爵爺！」碧咸好高興咁叫咗出黎。球員們都停了下來，向費爵爺招手同打招呼。「大家好，繼續訓練，唔需要理我。」費爵爺臉上帶著燦爛嘅笑容。助教卡域克率先走到費爵爺身旁，互相討論著訓練嘅進度。此時，碧咸亦走過來:「咩事要你老人家親自前來？」費爵爺:「只係見好耐無返黎卡靈頓，所以就不請自來。」碧咸:「你太客氣啦，依度嘅大門隨時為你而開。」費爵爺:「今次黎除咗係探下大家之外，我係想睇睇查頓辛祖嘅情況。」卡域克:「費爵爺不必擔心，查頓辛祖非常融入球隊，而且表現亦十分理想。」費爵爺:「天才球員永遠都係好吸引人注目，希望佢可以成為又一個天皇巨星。」碧咸:「我哋一定會用心栽培佢。」

比賽日正式來臨，雖然曼聯喺上回合遙遙領先，但碧咸依然排出強陣應付，似乎未敢太過放鬆。開賽初段，雙方保持膠着狀態，但曼聯有些微佔優。比賽二十六分鐘，般奴費南迪斯連過兩人，直入禁區起腳射門，皮球直飛入網，曼聯領先一比零。之後上半場都再無任何驚險鐘頭。到下半場開賽幾分鐘，馬舒亞憑着個人技術，邊扭邊過，如入無人之境，然後一腳抽射，皮球恰到好處落入死角，比分擴大到二比零。七十一分鐘，巴爾喺中場線拎到波之後，一直喺底線進攻，然後一腳中腰波傳中，馬舒亞喺禁區接應，輕輕一腳，又將皮球送入網，曼聯贏到三比零。最終球証鳴笛，曼聯兩回合計贏六比零晉級。奧脫福嘅球迷有的拍掌，有的高呼歌唱，慶祝之聲響徹雲霄。

賽後，有記者訪問碧咸對賽果有何感想，碧咸:「非常滿意，除咗入球嘅兩位球員外，其他球員亦打了一場出色嘅比賽，好似巴爾同查頓辛祖等。而且我更加想稱讚後防線同龍門迪基亞，能夠保持不失，令比賽錦上添花。」記者:「有人歡喜有人愁，今季加盟嘅巴爾同查頓辛祖表現出色，球迷對佢哋都非常熱愛。但舊有球員變相就少咗出場機會，好似啱啱就有鏡頭影到格連活特鬱鬱寡歡，你下場會否考慮用佢踢下比賽？」碧咸:「⋯」

A 一直想起用格連活特，下場佢會出場
B 暫時格連活特會繼續擔任後備
C 我唔評論排陣嘅任何安排

補返張比賽game 圖

B

B

c

B

C

B

啲圖

a

碧咸:「暫時格連活特會繼續擔任後備，但我保證，只要刻苦訓練，狀態維持穩定，保持喺高水平，任何球員都會有上陣嘅機會。」

過幾日，曼聯將會作客面對紐卡素，球隊當然需要積極備戰。喺賽前訓練嘅前一晚，碧咸收到一則訊息:「領隊，我希望喺聽日訓練之前同你會面。」想唔到格連活特主動聯絡碧咸。碧咸回覆:「無問題，來我辦公室傾。」翌日，格連活特早早來到碧咸嘅辦公室，急切地問:「領隊，我好想知自己喺球隊嘅定位。」碧咸心想年青球員對自己嘅前景固然比較容易著急，因為佢自己都曾經經歷過。碧咸:「格連活特，請放心，你喺我嘅計劃之內，而且你將會喺球隊喺未來主力。之不過你需要耐性，靜候機會嘅來臨。」格連活特:「我睇過你嘅賽後報道，我對前景感到憂慮。」碧咸:「你必須明白，我應付傳媒需要一些手段，但我承諾你嘅曼聯嘅前景一片光明。只要你勤力訓練，準備好自己，機會一定會黎。」格連活特臉上變得寬容:「我明白了，多謝領隊。」碧咸:「小意思，準備去賽前訓練。」



喺卡靈頓訓練場內，曼聯嘅球員為咗作客紐卡素而落力訓練，滿頭大汗，汗流浹背。大家都知道作客嘅賽事從來都唔容易對付。助教費蘭此時向碧咸走了過來:「某些球員因為週中嘅歐霸賽事導致體力下降，雖然並不明顯，但我建議你喺作客紐卡素嘅賽事做一些輪換。」碧咸有點懊惱，假若自己並非太過保守，上場賽事換上副選球員，今場比賽就可以強陣出擊。正當碧咸在思索之時，忽然一聲悶哼，馬舒亞跟杜安沙比撞埋一堆，杜安沙比立馬站起來，扶起馬舒亞。但見馬舒亞臉露苦楚，碧咸心急如焚，馬舒亞目前狀態大勇，碧咸實在唔希望佢受傷。隊醫亦馬上到來為馬舒亞檢查，經過一番檢驗後，幸無大礙，但隊醫建議最後讓馬舒亞休息一輪比賽，以策安全。

轉眼又到週日，曼聯作客對賽紐卡素。賽前，碧咸絞盡腦汁，喺不同任置做咗多個調動。後防線以達洛特同連迪洛夫代替雲比沙卡同梳爾。中場線以費特、馬達同占士代替麥湯文尼、普巴同巴爾。前鋒線則以格連活特代替馬舒亞。而今場亦由麥佳亞擔任隊長。臨開賽準備出場前，碧咸特意走到格連活特身旁:「年青人，好好把握機會，表現自己。」開賽七分鐘，查頓辛祖接應馬達嘅罰球傳送，一頂入網。曼聯早早領先一比零。但好快紐卡素把握到節奏，喺九分鐘，對方球員祖連頓喺門前執雞，追平一比一。到比賽十八分鐘，格連活特一球傳中球，查頓辛祖接應一腳窩利抽射，為曼聽再次領先二比一。不過去到二十五分鐘，喺一次禁區爭頂，對方嘅賓特納爭贏麥佳亞，頭槌破網，紐卡素又追平二比二。上半場臨結束前，格連活特接應般奴費南迪斯嘅妙傳，一腳抽射，直入死角。本以為曼聯可以領先住返入更衣室，對方就喺球証鳴笛前由拉沙路追回比分三比三。中場休息時，碧咸提醒球員們不要氣餒，球賽由下半場起先至係正式開始。果然，下半場球員們做到攻守兼備，碧咸見球隊始終未能再增添比分，於是做了一次冒險嘅調動，將馬舒亞入替費特。馬舒亞幸不辱命，喺出場無耐一次角球嘅機會，接應麥佳亞嘅頭球傳送，一腳窩利，妙射入網。接住餘下嘅比賽，雙方再無入球，所以最終曼聯以四比三險勝對手。



賽後記者又一次同碧咸進行訪問:「恭喜你贏出比賽，險勝對手四比三，你有何感想？」碧咸:「贏得非常驚險，對手給予我們好大壓力，但我哋係比較幸運嘅一方，賽果說明一切。」記者:「今場比賽失咗三球，差啲失分，你認為邊個需要負上最大責任？」碧咸:「⋯」

A 迪基亞
B 連迪洛夫
C 我自己

B