[選項] 碧咸領軍紅魔鬼

A

碧咸叫球員嚴格遵守戰術指示，務必今場要贏得比上場更加穩陣，更加有說服力。球員們紛紛表示了解，亦表示會奮力一戰，絕對唔會令球迷失望而回。

今場比賽喺開賽嘅時候，曼聯便一面倒壓住修咸頓黎踢，比賽十二分鐘，般奴費南迪斯接應普巴嘅長傳，插水式一頂入網，為曼聯領先一比零。二分鐘後，又係般奴費南迪斯，喺中場攞到波後，避開對方球員羅美奧嘅攔截，然後一腳遠射，應聲而入，曼聯領先到二比零。由於早早領先，令球員們都有點鬆懈，比賽黎到四十二分鐘，對方球員阿當斯喺禁區一次機會，追回一球。半場曼聯暫時以二比一領先，返回更衣室。

碧咸首先讚揚般奴費南迪斯嘅表現，然後便提醒各位球員要注意唔可以鬆懈，因為一不留神，好容易俾對方有機可乘。球員們都唔敢太過輕敵，聽過碧咸嘅訓話就精神奕奕咁返回比賽場。奧脫福球場坐滿球迷，為主隊球員吶喊助威，好快下半場就正式開始。比賽緊湊起來，雙方都互有攻守，五十四分鐘，般奴費南迪斯連過幾人後，一射破網，個人上演帽子戲法。不過修咸頓亦唔係省油的燈，六十二分鐘，又係對方嘅阿當斯，喺禁區再次把握到機會，再入一球，為修咸頓追到二比三。比賽又馬上緊張起上嚟，雙方都希望獲勝，直到七十九分鐘，馬舒亞接應巴爾嘅頭槌，窩利抽射入網，為曼聯鎖定四比二嘅比分。球賽再無半點懸念，修咸頓縱然有一兩個反擊嘅機會，都因為迪基亞而一一化解，最後比賽亦以四比二嘅比分宣布完場，全場球迷掌聲雷動，高唱歌曲讚揚般奴費南迪斯同領隊碧咸。



賽後，你讚揚球員嘅表理出色，再次表揚入球功臣般奴費南迪斯同馬舒亞，球員們會好高興，更衣室彌漫著一片熾熱嘅氣氛。有鑒於連續兩場比賽都同樣失兩球，助教費蘭有感情況並不太令人滿意，碧咸同意費蘭嘅睇法，便叫卡域克等教練一同開會，研究後防組合是否需要更換。最後碧咸認為連迪洛夫喺兩場比賽都表演一般，其他教練都表示認同，碧咸決定下場換人，而人選就係⋯

A 拜利
B 鐘斯
C 杜安沙比

大家多多支持。

A

碧咸決定下場用拜利代替連迪洛夫出任正選中緊嘅位置，並告知拜利，叫佢做好準備。拜利感到非常意外，唔諗過自己會有機會打正選，於是便答應自己會竭盡所能。碧咸感到十分滿意，便拍拍拜利的膊頭，以示鼓勵。

下一場比賽嘅對手係般尼，雖然對方實力並不算強，但碧咸依然希望改善失球同防守嘅問題，所以特登喺今次嘅常規訓練加強有關防守嘅練習。拜利由於知道自己有得踢正選，所以表現非常落力，仲差啲又整傷自己，好彩都係有驚無險。



轉眼又黎到比賽嘅時候，碧咸領住大軍步入更衣室。正當各位球員都正在更衣準備之時，突然碧咸發現有兩位球員躲在一角，好像在纏綿一樣，原來是迪基亞和連迪洛夫，難道隊內嘅傳聞係真嘅？連迪洛夫:「今場領隊唔出我⋯」迪基亞:「唔洗灰心，只係你積極投入訓練，好快就會贏到領隊嘅信任。」然後佢哋擁抱在一起，碧咸見到咁嘅場面，打算⋯

A 視而不見，聽而不聞
B 問:「你們在幹麼？」
C 問:「打車輪做乜唔預我？」

大家多多支持。

c

碧咸問:「打車輪做乜唔預我？」兩人尷尬地笑，齊聲答:「好啊，下次先啊。」然後便急急腳離開。碧咸唔知好嬲定好笑，於是便跟著離開，準備出場迎戰般尼。

比賽正式開始，球來球往，兩邊都互有攻守，曼聯係比較佔優嘅一面。由於球隊過去一週都有加強訓練防守，今場表現可以話滴水不漏，防守球員都有好出色嘅演出。上半場完結，比分保持零比零，般尼都未有一腳具有威脅性嘅攻門。

更衣室內，碧咸大讚球員防守做得好，下半場要搵機會取得入球。進攻球員都蠢蠢欲動，希望為球隊爭取入球。下半場開始，曼聯明顯採取攻勢，攻勢一浪接一浪。黎到七十二分鐘，占士接應般奴費南迪斯嘅傳球，喺禁區內射門，一射破網，曼聯領先一比零。過多幾分鐘，般奴費南迪斯一次個人表演，連過兩人，直入禁區，大力一腳，再次幫曼聯入球，曼聯最終亦以二比零嘅比分贏波。



碧咸喺完場後，接受採訪，被問到今場以不失球贏得比賽，最大功勞嘅係邊個，碧咸答:「⋯」

A 迪基亞
B 全部防守球員
C 教練團隊

大家多多支持。

B

碧咸:「今場能夠保持不失球，最大功勞嘅係全部防守球員，因為佢哋能夠謹守崗位，保持默契，互相協防，最終保持不失，係今場全取三分嘅關鍵。」之後碧咸又被問:「曼聯暫時喺英超賽程三戰三勝，表現不俗，你認為最大嘅對手係邊個？」碧咸:「我認為係自己，只要能做好本分，踢好每一場比賽，要奪冠並非遙不可及嘅事。」

返到更衣室內，助教團為今場能夠保持不失感到非常興奮，一同和球員們熱烈慶祝。碧咸見到咁嘅情形，都被在場嘅氣氛感染到，加入埋慶祝嘅行列。此時，教練卡域克停咗落黎，拉了碧咸到一旁:「領隊，有啲說話想同你講。」碧咸:「⋯」

A 咩事？
B 有咩一陣再講
C 有咩聽日訓練場上講

大家多多支持。

a

碧咸問卡域克:「咩事？」卡域克:「由於你喺過去嘅轉會窗無賣人，我發現我哋嘅中場球員有人滿為患。為咗解決依個問題，你必須考慮將多餘嘅冗員賣走。」碧咸表示同意:「咁你認為我需要賣走邊個？」卡域克:「個人首推連加特，其次嘅就係皮里拉，趁住佢哋仲係當打之年，有報價就必須考慮。」碧咸點點頭，進入思考當中。卡域克:「連加特經常顧住玩IG同發展個人品牌⋯」碧咸打斷左佢:「咁我自己都係咁。」卡域克有點尷尬:「我並唔係淨係針對依啲，而且佢場上無表現，訓練態度亦唔得積極。」碧咸:「咁皮里拉呢？」卡域克:「佢亦都係有類似情況，不過佢態度較連加特積極。」碧咸聽完卡域克嘅意見，就表示⋯

A 會考慮佢嘅意見
B 否定佢嘅睇法
C 留意二人訓練再決定

大家多多支持。

c

C

聽完卡域克嘅意見後，碧咸表示會留意連加特、皮里拉二人訓練嘅表現再決定。



黎到每週嘅常規訓練，各位球員都準時抵達訓練場，唯獨連加特、皮里拉二人姍姍來遲，連加特黎到訓練場仲喺度玩緊電話。做熱身嘅時候，佢哋兩個又顧住踢喺一旁傾計，完全唔跟教練團嘅指示。到正式分組訓練時，碧咸發現連加特好快就有體能不足嘅情況，而皮里拉就表現尚算合格。可惜當佢哋兩個走埋一齊嘅時候，又喺度練埋晒啲唔知係玩定點嘅花招，碧咸喺依個時候實在忍無可忍，大喝:「認真啲啦！」雖然佢哋兩個都即時收斂返少少，但碧咸已經決左喺下個轉會窗⋯

A 賣走連加特
B 賣走皮里拉
C 賣走晒兩個

大家多多支持。

c

赫然發覺負評多過正評，而且睇嘅人數好少，我好有心機寫㗎，各位俾個正評、留個言支持下

你揀第一個回嗰個選項
頭兩個都鳩回，降班冇難度

回覆人數太少，我只能揀第一個回覆
我目標衝冠㗎，希望唔會降班喇

加油，一直有支持

屌你場場都贏哂

有文未

一直都留意到，多謝

僥倖，頭一兩場贏得好險

盛怒之下，碧咸已經決左喺下個轉會窗賣走晒連加特同皮里拉二人，並暗暗盤算從青年軍中提升邊個上黎。

踢咗幾場英超比賽之後，跟住要踢嘅就係歐霸嘅第一輪比賽，對手係立陶宛嘅扎爾吉里斯。雖然對手實力唔強，但碧咸深知驕兵必敗嘅道理，唔敢鬆懈，依然排出強陣去迎戰。助教費蘭曾向碧咸請求，希望今場能夠做臨場指揮，所以碧咸就同卡域克等教練坐喺後備席上觀看比賽。



一開波唔夠四分鐘，隊長普巴喺禁區接應馬舒亞嘅傳球，避開對方嘅守衛，一腳勁射，將波一送入網，曼聯喺開段領先一比零。去到十八分鐘，班頓威廉斯一記長傳，傳到馬舒亞頭頂，一頂而入，曼聯擴大比分，領先二比零。之後嘅比賽都陷入膠著嘅局面。半場休息時，碧咸提醒球員們要提醒精神，唔好贏頭輸尾，球員們都一一聽命。下半場開始，球員們都好希望爭取更多嘅入球，場邊嘅費蘭亦一時大聲吆喝，一時指手畫腳，命令球員要跟隨戰術指令。七十四分鐘，巴爾接替馬舒亞嘅頭鎚傳球，一射破網，曼聯贏到三比零。直到完場之前，球員們都非常積極進攻，但都無辦法再下一城，比分保持三比零完場。壓倒性贏得漂亮嘅同時，遺憾嘅係後備入替嘅朗尼因傷被迫提早離場。經隊醫診症過後，朗尼需要兩個月時間先可以恢復全面操練。

賽後記者會中，有記者問到用咁強嘅陣容出戰第一輪比賽，會否有點劏雞用牛刀。碧咸:「比賽結果證明，作最好嘅準備往往係致勝嘅關鍵。」另有又有記者問到，反正已好大機會晉級，加上有主場之利，下輪比賽會否改用副選陣容出戰。碧咸就回答:「⋯」

A 準備最好嘅球員先有機會正選出場
B 任何球員都有機會擔任正選
C 暫時唔方便透露任何戰術安排

大家多多支持。

B