由於武漢肺炎肆虐全球，2019/2020嘅英超賽季宣布以現時排名作為最終名次。利物浦終於一嘗成為英超冠軍嘅滋味，而由蘇斯克查所帶領嘅紅魔鬼曼聯，因為最終名次為第五名，再次失落歐冠賽場，董事會開會決定解雇蘇帥，並聘請一名能為球會帶來即時經濟效益嘅教練。董事A：「不如就請碧咸？佢話晒都算係自己人，而且講到經濟效益佢一定毋庸置疑。」董事B：「不過佢無正式帶領球隊嘅經驗，會唔會太冒險？我哋已經好幾個球季失落英超冠軍頭銜，實在無太多空間再嘗試⋯」董事C：「我同意任用碧咸，先唔好講佢可以帶俾我哋龐大嘅經濟收益，加上佢形象好又深受球迷歡迎，對我哋球會黎講絕對係好事。」經過一輪熱烈嘅討論後，最終董事會通過聘請碧咸嘅建議，並派球會CEO活華特去游說碧咸接受今次嘅任命。
活華特：「碧咸，好耐冇見。今次搵你係有一件重要嘅事。」碧咸：「係咩事？」活華特：「球會希望由下一個球季起任命你出任主帥，你意思如何？」碧咸受寵若驚：「我無正式領軍嘅經驗，可以嗎？」活華特：「董事會權衡輕重利弊，一致認同你係最佳人選，費爵爺都表示十分同意由你出任新主帥。」碧咸心知球會好大程度係睇準自己嘅商業價值，但當佢知道費爵爺都支持自己，簡直係喜出望外：「既然大家都咁支持我，我就接受依個咁艱巨而又神聖嘅任務。」活華特伸出手與碧咸握手：「歡迎你以主帥身份回歸球隊。」
碧咸執教曼聯嘅消息，直捲全球，紅魔鬼嘅球迷固然高興，而其他對足球唔熟悉嘅人亦都熱烈討論，曼聯嘅股價受利好消息帶動，大幅上漲。官方發佈會過後，碧咸受董事會邀請進行一個簡單嘅會面。董事A：「歡迎你回來，我哋唔係想干預你，不過好有興趣想知你今個轉會窗嘅收購策略。」碧咸：「現時球隊嘅陣容實力，要保住前四並非難事，但要衝冠我哋需要有實力有經驗嘅巨星，所以今個轉會窗我打算以『愛回家』為方針。」董事B：「『愛回家』？」碧咸：「即係回購曾深受球迷愛戴嘅前曼聯球星。」董事C：「咁你打算買邊個？」碧咸：「⋯」
A 朗尼
B C朗拿度
C 伊巴謙莫域
暫時以最快回覆作最終選項，大家多多支持。
