【愛情/校園】當年我曾經追到一位女神,但我竟然飛左佢。

392 回覆
65 Like 9 Dislike
2017-04-20 04:48:46
好想糾正樓主某啲字
例如係「揀」唔係「簡」
係「執」唔係「汁」
2017-04-20 09:14:37
2017-04-20 10:35:24
好想糾正樓主某啲字
例如係「揀」唔係「簡」
係「執」唔係「汁」



拿,你唔可以咁執著架

下篇改番
2017-04-20 10:37:21
2017-04-20 11:12:11
今日停電,我出街寫故呀,請耐心等候
2017-04-20 11:13:54
2017-04-20 11:14:10
今日停電,我出街寫故呀,請耐心等候

2017-04-20 16:03:29
我出左街咁耐寫得三句

所以我決定番屋企再寫
2017-04-20 18:54:15
到左星期三朝早,我尋晚緊張到訓唔著。

所以今朝早上堂既課堂都有少少恰眼訓,有幾次都係比阿彤拍醒。

「做咩今日咁眼訓呀?尋晚成日諗住比賽搞到失眠?」阿彤問我

「係呀,難得最後一年都有得上場,緊係想自己有好表現,諗得太多搞到訓唔著。」我答阿彤

「放鬆啲啦,愈緊張就愈難發揮呀。」阿彤同番我講

「咁妳依家比我訓番覺已經係最好既放鬆,難得依家中文堂,唔洗聽書都得。」講完我就訓左係得枱到。

望住出面個天.依然烏雲密布,好快我就訓左。

經過頭先中文堂既休息,食左個午飯。我補充完能量挨埋最尾三堂英文堂,終於到左放學時段。

我地八個好快咁係更衣室換完衫就去到球場準備。

由於今年中五得四班,所以我地只要贏一場就有亞軍。

第一場比賽由5c對上5d班,依場比賽非常之精彩,兩班都各有幾位足球隊成員。

比賽時間得十五分鐘,兩班打和一比一要用十二碼分勝負。

最終由5d班險勝,全場都為佢地班而歡呼。

比賽完左隔左五分鐘就召集我地班同5b班。

我地臨上場之前阿結同在場既其他同班同學都為我地打氣,當然阿彤都係到。

由於場地太細既關係,我將隊型分為龍門,後衛同前鋒。

我地既隊型係由阿靖守龍門,我同阿浩係後衛,而阿蔥同阿源就打前鋒。

而5b班既同學全部都斯斯文文,得兩個比較大隻。

比賽開始五分鐘,阿源就單刀入左第一球,好多女同學為佢而尖叫

過多兩分鐘再由阿蔥攻入第二球,我同阿浩只係負責傳波伙做過其他野。

而b班係依七分鐘只係成功攻入我地個邊一次,唯一既射球亦比阿靖擋左。

最終我地以2:0贏出第一場比賽,我地五位亦係完場攬埋一舊,非常之青春。

完場之後阿彤同我講番b班有個同學踢踢下係後面插水,阿彤仲拍左片比我地睇,睇完我地個個都大笑左出黎。

時間關係我地抖左五分鐘就要出場打決賽,我地出場前再次圍埋一齊,每人都伸隻手出黎搭埋一齊叫左聲5a就出場。

而場亦係我地既冠軍賽。
2017-04-20 21:02:43
樓豬加速
2017-04-20 21:13:22
樓豬加速



盡量啦

依排好似少左人睇咁,個人又累累地
2017-04-21 01:11:38
我地落場個時開始落起毛毛雨,我地用返頭先既陣型去應戰,而5d班就換左兩個頭先無落場既人做前鋒。

「今場應該幾難打,新換入黎嗰兩個人都係足球隊既人,重要係踢開前鋒。」我係後面聽到阿蔥講

「唔緊要啦,盡力而為啦,我地本來都無預計到入到決賽。」阿源同番阿蔥講

開波無兩分鐘我地已經比d班禁住黎踢,比佢地多次攻到入我地個禁區,仲起腳射左三球,不過好彩阿靖三破都勉強撲救到。

突然個天落起大雨,但我地無停到比賽,反而愈踢愈激烈,周圍觀緊賽既同學都入左雨天操場同小食部避雨。

球場上面得返我地兩隊同擔任裁判既老師,當我一搶到波我就會即刻交比阿源或者阿蔥射,但可惜都射唔入。

比賽既中段由於個地下太濕我又跑得太快唔小心扭傷左隻腳,但我依然死撐落去。

比賽到左十三分鐘既時候,我地終於頂唔住d班既強攻,比佢地入左一球,係最後兩分鐘我地雖然咬緊口關不斷嘗試進攻,但可惜佢地攻定兼備。

最後我地以1:0落敗左,但係大家都無灰心到,反而大家變哂落湯雞都仲好開心咁影張合照就去更衣室換衫結束今日既比賽。

【淋住雨比賽先至係青春】

換完衫我跛下跛下咁行去小食部,阿靖佢地問我洗唔洗送我返屋企我拒絕左佢地。

大部份同學都因為落雨既關係都事先走左。得返幾個同學係到。

「無野呀你?扭親隻腳?」阿彤突然出現係我後面問我

「少少囉,我仲以為妳走左添。」我講

「應承左你會睇哂個比賽架嘛,仲行唔行到阿,睇你都無帶遮架啦,我送埋你返屋企啦。」阿彤好貼心咁講

我搭住阿彤膊頭跛下跛下咁一齊行返屋企,同鐘意既人係雨中漫步係幾浪漫既事,不過依一刻既我只係覺得又凍又痛。

「叫左你唔好勉強架啦,搞到依家咁囉。」阿彤講

「無計啦,咁我想贏比妳睇就要死撐落去,雖然到最後都輸左。」我講

「傻佬.乜我份禮物你真係咁想要咩?」阿彤問我

「緊係想啦,不過依家都無機會擁有lu。」我答

行返屋企依條路本來都幾短,但係有阿彤陪住我感覺上變到好漫長。

阿彤堅決要送到我返屋企,咁我迫不得已就同埋佢一齊上我屋企,咁岩我屋企無人。

「快啲拎條毛巾抺下身先啦,唔係等陣感親呀!」阿彤一邊講一邊係我雪櫃唔知搵緊咩

抺完身我就坐左係梳發到,發覺隻腳愈黎愈腫。

「伸直隻腳啦,幫你冰敷下會無咁痛同再腫。」阿彤好細心咁照顧我

「唔該哂妳,老婆」唔知點解好順口咁叫左阿彤老婆

「你係唔係凍左痴左線呀,邊個係你老婆?」阿彤塊面紅哂咁講

「sorry,唔小心口快快講錯左」我即刻道歉

「你乖乖地坐係到冰敷下先啦,等十五分鐘之後就去沖番個熱水涼,咁就應該會無咩事。」

「咁我走先啦,你係到休息下啦。」阿彤講完就準備開門走

開左門之後佢無即刻走,而係返左過黎kiss左我一下。

「本來諗住你贏到第一就即場kiss你,不過見你咁努力比賽就當係安慰獎啦。」

阿彤講完就好快咁出左門口走左。

依一刻我仲沉醉左係阿彤kiss我個一刻,我腳上面既痛楚已經忘記得一乾二淨。

諗番起頭先同阿彤雨中漫步同佢主動kiss我,就算輸左場比賽,我就覺得今日非常滿足。

妳真係一個好好既女仔,多謝妳阿彤,我心裏面咁諗,之後因為攰得濟就坐係到訓著左。
2017-04-21 01:26:52
Lm
2017-04-21 02:48:38
故事正式步入結局,多謝一直有支持既巴絲打
2017-04-21 08:46:29
係甜既 不過現實生活就

女人一放低左 應該幾難追得返

所以講分手之前一定要想清楚

而且初戀可能影響人一生

世上沒有沒有後悔藥食的~
2017-04-21 10:10:46
阿東根本仆街黎 明知仲鍾意阿彤 仲係到同阿靜拖手 曖昧 根本係狗公
2017-04-21 12:24:15
係甜既 不過現實生活就

女人一放低左 應該幾難追得返

所以講分手之前一定要想清楚

而且初戀可能影響人一生

世上沒有沒有後悔藥食的~




對呀,尤其是中學果段愛情最純最真
2017-04-21 12:25:53
阿東根本仆街黎 明知仲鍾意阿彤 仲係到同阿靜拖手 曖昧 根本係狗公



兩個都女神,係難忍啲既
2017-04-21 12:49:55
係甜既 不過現實生活就

女人一放低左 應該幾難追得返

所以講分手之前一定要想清楚

而且初戀可能影響人一生

世上沒有沒有後悔藥食的~




對呀,尤其是中學果段愛情最純最真

好少等男人幾年
2017-04-21 13:41:46
nice
寫得好好

可惜走甜
2017-04-21 14:23:58
係甜既 不過現實生活就

女人一放低左 應該幾難追得返

所以講分手之前一定要想清楚

而且初戀可能影響人一生

世上沒有沒有後悔藥食的~




對呀,尤其是中學果段愛情最純最真

好少等男人幾年




初戀就有機會會等,始終第一次拍拖,第一次失戀就會比機會個男仔
2017-04-21 14:24:24
nice
寫得好好

可惜走甜



有甜就無左中學個FEEL
2017-04-21 14:53:21
班際足球完左之後,我有兩日無返到學係屋企休息,而阿彤亦係依兩日上黎屋企幫我補課,佢話唔想我跟甩進度。

好快就步入左五月尾,除左地理科之外,其他學科都差唔多教哂書開始每日都要做份模擬試卷,我留意到班上面既同學壓力都大到唔少。

好多同學放學會去自修室溫習做卷。有啲同學就需要去唔同既課室進行補課,各人有各人既忙,少左好多玩樂既時間。

不過都岩既,即將要面臨中五最後一個考試,仲要面對埋半年之後既DSE,大家都為左自己未來而奮鬥。

我同阿彤亦都唔例外,放學都要開始一連串既選修科補課,第一日就係地理。

「唉,平時成日講閒話,搞到依家教唔切書啦。」阿芬係老師未黎個時大聲講

「岩呀,上堂個時成日係到指指點點,又鬧人唔識答問題,浪費哂啲時間。」我同阿彤講

補課關係自由揀位坐所以我又同阿彤坐

「咁又唔係既,佢鬧你都係想你對條問題深刻啲,令到你易記到,又唔係浪費時間既。」阿彤答我

「妳話係未係囉,可能我對佢有偏見啦。」我講

講完依句安迪老師就係門口行入黎,一放低啲野就開始教書。

而第二日既中史科補課就輕鬆好多,何老師帶左幾份練習卷上黎同我地一齊做,做唔哂或者比較難既就帶番屋企做當功課。

如是者終於到左考試既日子,為左模擬DSE所有既考試除左口試都會係禮堂進行。

雖然以前都試過係禮堂考試,但今年一入到禮堂好似特別緊張同大壓力,但我無失到水準,將我所識既記得既都填哂落卷到。

而口試既時候因為都係同一班級既同學,無DSE個種真實感,所以都無咩大問題,只係有幾次Dead air。

中間有幾日我都約左阿彤出黎作最後既衝刺,阿彤亦都問我依幾日考試o唔ok.我話都幾順手。

經歷完七日既中五級最後一次考試, 雖然未派番卷,但大家都輕鬆番哂。

文老師提議下個星期五進行一次班會活動燒雞翼,班上面同學都非常讚成。

「唔知考成點呢,我覺得除左英文同數學其他都比較淺。」我同阿彤講

「就算考得唔去都過去左,盡左力考就得啦,唔得既咪再勤力啲,再考好個DSE佢」阿彤鼓勵我

「妳岩,知道自己盡左力就夠,考得唔好都係自己問題。」我答

DSE一步一步接近,代表我地既中學校園生活亦都即將結束
2017-04-21 21:01:23
岩岩訓著左,等等我盡量趕故,對不起
2017-04-21 23:14:50
文呢屌你
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞