【愛情/校園】當年我曾經追到一位女神,但我竟然飛左佢。

392 回覆
65 Like 9 Dislike
2017-04-13 00:24:55
LM
2017-04-13 00:46:47
樓主係咪姓鍾?
2017-04-13 00:56:08
Lm
2017-04-13 01:18:23
樓主係咪姓鍾?



樓主姓夏
2017-04-13 06:34:10
阿權同我講完成件事之後,我放學返到屋企諗究竟點樣開口。

我係櫃桶拎張合照放番入銀包到,點知一諗就諗左成個禮拜,最都都係決定直接同佢講。

查實我同阿彤有機會講野既時間得中史,其他時間都好小機會,但係上緊堂講好似有啲唔係咁好。

所以我就襯小息佢自己一個既時候行埋去講。

「阿彤我知道自己錯咩啦,對唔住」我鼓起勇氣同佢講

「咁妳講黎聽下你做錯咩?」阿彤問番我

「我自以為襯唔起妳,但其實妳唔在乎外在,而在乎內在。」我答完見到阿彤笑左笑

「咁你解到點解我個花名嘟做檸檬未?」佢再問我

我千算萬算都估唔到阿彤會問依個問題,而重點係我真係唔知。

「等妳解左之後你再黎搵我啦。」阿彤講完就起身出左課室

仲以為認完錯我地就可以係番埋一齊,點知依家仲多左個難題。

「妳又煩緊咩呀?」 阿靜見我叫極都唔應

「妳知唔知檸檬有咩意思。」我問阿靜

「下,檸檬咪食得個啲囉。」阿靜用正常既角度答我

「唔係呀,唉算啦無野啦」我話

阿靜見我咁煩惱就無再問我野。

依個難題足足困擾左我一個月,差唔多又到左聖誕節既時候。

趕唔趕得切係聖誕前同番阿彤一齊呢?
2017-04-13 08:13:12
2017-04-13 11:20:00
2017-04-13 12:15:50
差少少咋
2017-04-13 16:50:59
加油
2017-04-13 17:41:52
加速
2017-04-13 18:12:55
檸檬,檸檬,一諗我就諗到聖誕前夕

睇黎已經趕唔切係聖誕節正日之前解到,究竟有咩含意係裏面。

又黎到一年一度既聖誕節崇拜,諗起前兩年我地四個既時光,不禁有啲懷念。

聽完啲老師歌頌完耶穌之後,上到班房又係開餐食野既時候。

其實年年都咁過我開始有啲厭倦,不過阿結推動之下我都勉強玩下小遊戲咁。

我亦都見到阿彤不斷望過黎,好似期待緊我同佢講檸檬有咩意思。

當然我仲未諗到。

「好啦,野又食完遊戲又玩完,到左交換禮物環節啦喎。」陳老師對住全班講

死啦,依排顧住解條難題,連禮物都唔記得買,不過唔緊要,換唔換禮物係自己簡。加上我都無特別想同邊個交換。

當我望住其他人好開心咁交換禮物個時,阿靜行埋黎拎左盒禮物送比我

「送比你架,唔好唔收呀,我自己親手整架」阿靜講完就塞左份禮物比我。

「妳都塞到埋黎,我邊好意思唔收呀,但係我唔記得買禮物喎。」我應返阿靜

「唔緊要呀,我都唔介意,不過我想你返屋企先拆黎睇。」阿靜話

「妳唔介意就得啦,咁我就返屋企先拆,多謝妳。」我估唔到今年會有人送聖誕禮物比我,更加估唔到會係阿靜。

「哇.平時咁cool既阿靜都會送禮物比人架。」阿結見阿靜行開左就過黎同我講

「佢唔係cool,只係成日都好怕羞姐,你地好多人都誤會左佢啦。」我解釋番比阿結聽

「係啦係啦,知你了解阿靜啦,不過我頭先見到阿彤望到阿靜送禮物比你,就即刻黑左面同有啲失落。」阿結將佢見到既野同我講番

死得啦,迷題未解到,依家仲比佢見到有女仔送禮物比我,換轉係我都會嬲。

放學番到屋企我就拆開阿靜送既禮物,一拆開原來係條頸巾。

原來阿靜親手織左條頸巾比我,我諗番起兩年前既我都係織左條頸巾比阿彤。

我係櫃桶拎埋阿彤之前整既手襪出黎。

[有人話過女仔親手整禮物送比男仔係想表達佢對男仔有意思。]

望住依兩份禮物,就好似望住兩份心意咁。

而個問題係阿靜對我係咩感覺呢?




依幾日有啲累,可能會出得慢啲,sorry

2017-04-13 19:15:13
有冇機會食曬兩個女神
2017-04-13 21:27:59
到左聖誕節正日,我唔想留係屋企打機。

仲好記得兩年前既今日,我簡左套衫,梳個令頭得出左去。

而今年我淨係帶左送既阿靜頸巾同阿彤對手套,求其簡左套衫,頭都未梳就出左去。

母親問我係唔係又約左女朋友,我話唔係就行左。

而家時間尚早,我決定出旺角自己一個睇戲。

去左戲院我睇下有無電影岩心水,簡左套愛情片就買飛入場睇。

坐我前後左右既都係一對對情侶,搞到我有啲尷尬,難得聖誕節竟然要自己一個睇戲。

完左場之後,我諗番起個時就係覺得自己襯唔起阿彤而提出分手,到依一刻我都歷歷在目。

睇完已經夜晚七點半,我繼續自己一個去搵餐廳食野。

食完之後,我想去番曾經初吻既地方海旁散下心。

搭地鐵到左尖沙咀之後,我就慢慢咁行過去,沿路都有好多情侶拖住手拍住拖係我身邊經過,突然覺得自己好孤獨。

去到海旁我地初吻既位置,我望住個海諗番起我地之間既一幕幕。我好想解開個迷題,我好想同妳一齊望住依個海。

突然,有人係我後面拍一拍我背隻,我另過我以為係阿彤,點知原來係同我選修地理既阿幽。

「真係你呀阿東,我係同你選修地理既阿幽」阿幽身邊有個細細粒粒既女仔,睇黎佢係阿幽既女朋友。

「我記得你,你高高瘦瘦咁突出,同緊女朋友拍拖呀?」我問返佢

「係呀,都拍左好耐啦,之前自己跑步個陣時識,見佢細細粒幾得意就開始追佢,追左一個星期就追到佢。」阿幽自豪咁講

我見佢女朋友唔係好耐煩但講左幾句打發佢走,佢走左之後我又沉左番回憶裏面。

對住個海差唔多半個鐘,我開始覺得凍就起程返屋企,臨走前行過鐘樓,兩年前曾經有四個好朋友係到影過相留念,依家已經各行各路。

唔止阿彤,其實我都想我地四個可以返到以前咁,一齊開開心心咁過。

可惜時間唔等人,有啲野過左去就過左去,無得返轉頭。

有陣時回想返,都係一個唔錯又令人懷念既記憶
2017-04-13 21:29:27



送多張圖比你地,以前關係幾好既朋友送比我既,可惜依家已經....
2017-04-13 21:36:13
推推先
2017-04-13 22:03:50
簡潔易明
戀愛回憶


係"靚"唔係"令"
2017-04-13 22:30:47
簡潔易明
戀愛回憶


係"靚"唔係"令"



多謝巴打提醒下篇開始改番
2017-04-13 23:24:11
2017-04-14 05:44:34
聖誕節假放完之後我都仲未解到檸檬究竟點解。

地方?人名?性格?無一樣講得通。

今個夜晚阿權都有whatsapp問我解到條問題未,睇黎阿彤都有同阿權講黎。

我覆佢未,諗黎諗去都唔知有咩意思。阿權覆希望你係情日節前解到。

無錯,距離二月十四只係差一個半月,我當然希望情人節追番阿彤啦,臨訓前我拎張合照出黎望左眼就訓着左。

我發左一個夢,夢裏面係我同阿彤兩年前過既情人節,個日我帶左佢去深水埗既南昌公園,個到每到三月黃花會開得好靚。

去到之後發現黃花提早左開,阿彤捉住我不停影相,個時我仲諗住可以一直同阿彤長長久久。

鬧鐘不停咁響,我好唔捨得咁落床刷牙洗面。

今日係聖誕節假後第一日返學,我放左成兩個星期假都未解到,我自己都開始唔耐煩。

返到學校照舊集隊上課室,聽住老師既分享,我見到大部份同學都恰眼訓。

上到課室之後我正想伏係張枱到訓一陣,點知我見到一個好陌生既人坐左係我隔離,我望多幾望原來係靜黎。

阿靜剪左短頭髮,亦都無帶副老套眼鏡,應該轉左帶隱形眼鏡,加上又化左少少妝。

簡直比人一種煥然一新既感覺,班上面既男仔都眼定定咁望實佢。

「妳聖誕假做咩黎,變左依家咁?」我問驚訝咁問阿靜

「無呀,溫下書睇下小說咁囉,做咩呀?」阿靜問番我轉頭

「我唔係咁既意思,我係話妳又剪頭髮,又帶隱形眼鏡,仲有化妝,同妳之前比根本兩個人黎。」我話

「我記得你之前講過如果我汁下個樣就可以追到我鐘意既人,所以我咪咁做。」阿靜對住我微笑

我估唔到阿靜對我講既野咁上心,我個時只係將自己既意見表達出黎,佢聖誕完左就照足哂我講咁做。

莫非阿靜鐘意既男仔係我地依班?

上堂既鐘聲響起,我拎完文具同書就準備去另一間課室上堂。

臨行之前我都阿靜講,妳依家變左女神級數,妳可以等情人節試下同鐘意既人表白,係男仔既話一定會接受。

見到阿靜依家變到咁,我覺得佢主動啲就可以追到鐘意既人,已經可以唔洗再擔心佢。

上中史堂既時候

阿彤竟然問我係唔係鐘意左阿靜成日望住人又同佢講咁多野。

我話唔係但阿彤無再應我。

一波未完一波又起,又解唔到個名,阿彤又以為我鐘意左阿靜
2017-04-14 05:44:45
放學個陣阿結叫我等埋佢一齊走,我係學校門口等左佢五分鐘。

「喂,阿結變左咁靚既,妳教佢汁樣架?」阿結第一句就問我

「算係啦,做咩咁問呀你有興趣?不過又係既阿靜依家變到成個女神咁,有邊個男仔會唔鐘意」我自問自答

「岩呀,所以今日班上面好多男仔都講佢。話說你解到檸檬點解未呀?」阿結唔知係邊到收到風

「唉唔好提啦,諗左成個聖誕節假都未諗到,好難解呀」我嘆哂氣咁同阿結講

「不如你試下唔好諗得咁深入,有時啲野就係我地將佢簡單複雜化」阿結比左個意見我

講到依到我地就分開左自己屋企。

番左屋企我係雪櫃到拎到一個檸檬出黎研究。但睇極都睇唔明。

除左黃色之外我諗唔到其他野咪住知,我應該係阿彤既角度上諗,以我所知阿彤唔會淨係睇表面,仲會睇埋內在。

我記得阿彤都幾鐘意飲凍檸茶,飲之前一定要篤下啲檸檬片。

篤完飲個時有時會有甜味,有時會有酸味,如果唔小心篤到檸檬皮更加會有苦澀味。

諗到依到睇黎我已經解開左個迷題,我終於明白檸檬依個名想表達咩意思。

我決定將我所諗到既答案留係情人節前一日同阿彤講,比個驚喜佢。
2017-04-14 09:37:16
點解故事中既男主角一定係咁遲頓
2017-04-14 17:02:58
記得升左上中學,我唯一玩得埋既只有阿東,雖然我有好多朋友,但我覺得只有阿東對我係真心。

有咩事我都會第一個同佢講,佢會好注心聽完再比意見我。識到佢我覺得好滿足。

中一個時佢仲係一合好怕羞既男仔,好多班會活動佢都無參加。佢平時好少同其他人講野,就算有都係一句起兩句止。

但升到上中二佢成個人就變哂,原因就係識左阿彤。

記得一開頭阿東對住阿彤會口啞啞,就算個話題係功課佢都會答到口疾疾。

我同阿彤傾計個時佢唔覺意都會提起阿東。我睇得出佢地兩個都對對方有興趣,所以我決定幫阿東一把。

我叫阿彤多啲留意下阿東,例如佢鐘意食咩同做咩,更重要既係主動啲同阿東傾計,因為佢實在太怕羞。

可惜主動啲依個方法唔太成功,我見阿彤問阿東野都係一兩句就完,有一次巧合既機會之下。

我地本來四個人一齊食lunch,但阿東有野問老師,所以我,阿彤,阿敏三個都去左茶餐廳先。

我計劃好哂叫阿彤幫阿東叫埋野食,等阿東知道阿彤平時有留意佢。

果然阿東黎到見到碗餐蛋麵以為我幫佢叫,但我同佢講番係阿彤幫你叫既。

我見到阿東有少少尷尬咁同阿彤講唔該,但之後就無第二句。

我睇得出阿東估唔到阿彤會咁留意佢,但佢放左係心到無講出黎。

食完野我襯阿彤同阿敏去左洗手間就好認真咁同阿東講「阿東你唔好咁遲鈍同咁蠢得唔得阿!

「識左你咁多年,你鍾意咩類型女仔我最清楚,追女仔最緊要放膽,唔好怕出醜。

「阿彤都做到出哂面,你唔好浪費人地對妳既心機先得架!」

「拿唔好話我唔提你,阿彤係我地依級係女神級數,好多人都想追佢,睇你識唔識做啦!」

佢比我鬧完之後好似有番啲自信。

佢地去完廁所出黎之後我就乘機叫阿敏陪我買啲野,比機會佢兩個單對單相處。

我唔知結果會係點,但係佢兩個一定會主動好多。

阿東我希望妳可以為左阿彤一個咁好既女仔而大膽啲,更加重要既係妳一定要追到佢。
2017-04-14 17:04:22
點解故事中既男主角一定係咁遲頓



或者唔係故事,係現實呢
2017-04-14 17:09:26
加速
2017-04-14 17:10:47
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞