除咗貼圖可唔可以傾畫畫嘅話題
你想傾咩？
其實係想放少少負
唔知有無巴絲都係鍾意畫原創
最近我覺得有啲嘅係有時我有兩三個唔算同我熟嘅畫嘢朋友畫啲嘢成日受我影響
例如畫眼、畫頭髮、面型、側面嘅方式會模仿到同我嘅畫風好似
甚至佢哋有時新創嗰啲原創角色個髮型都學到同我畫開嗰個原創角色好似
明明佢哋畫咗好耐嘅風格唔係咁
係最近我開始有响FB ig post圖不久佢哋先轉咗好似我嗰種畫法
佢哋仲要寫埋啲咩介紹人設話係佢嘅新創孩子...但佢哋嘅原創角真係有啲似我畫嗰嘅人物造型
除此之外 佢哋畫人物啲衫嘅風格同配件都變得同我好近似
例如佢哋明明原本畫親都係畫好似黑執事嗰啲衫嘅風格
但最近都好似見我畫中國風,繩結同雙髻女角 佢哋又跟住開始畫呢類服飾同造型
雖然我同佢哋都唔係咩勁人/高手/大大
當然我知我畫嘅嘢都唔算好創新，又唔係話勁
佢哋又唔係臨摹，就算模仿我我都唔會有乜實際損失
但唔知點解我會好介意
因為佢哋唔聲唔聲就學到同我好似
好希望佢哋唔好再咁做
不過無辦法同佢哋攤牌咁講
所以都係唯有當無事，繼續努力自己嘅修行
希望有一日強大到唔係人哋想抄/跟就跟得到
可能要強大到就算俾人跟風，佢學到個外形畫得似都學唔到成個神韻/半成功力先可以唔再介意
希望有咁嘅一日，繼續努力先
其實都係好事,有人覺得好先會咁姐
其實同一個群體內，互相影響好正常，說詞呀打字字眼呀都可能會接近架啦。
btw，你帶到頭畫，正顯示出你比人地有好嘅創作力
